2010

Annus 2010 e serie paginarum brevium de annis.

2010 = MMX. De nostro numerorum Romanorum usu hic legere potes. Ut de numero 2010 legas, vide 2010 (numerus).

Eventa

Mense Septembri

• 4 Septembris — Terrae motus vastus magnitudinis 7.1 Christopolim urbem in Novae Zelandiae insula australi, quae in Orbe Igneo Pacifico iacet, afficit. Firmorum edificiorum gratia solus duo homines moriuntur.
• 5 Septembris - Circuitus internationalis Coreae inauguratum est.
• 16 Septembris — Camerae Extraordinariae in Cambodiae Curiis a Consociatione Nationum fautae quattuor Chmerorum Rubrorum duces occidionis generis, scelerum belli et scelerum humanitati adversorum accusant, causa auctoritatis eorum in regimine communistico annis 1975–1979 fungente. Accusati sunt Nuon Chea, vicarius Pol Pot, Ieng Sary, rerum externarum minister, Ieng Thirith, rerum socialium ministra, et Khieu Samphan, civitatis dux.
• 14 Septembris — FM Libre statio radiophonica Uraquariana a magistratibus clausa est.
• 21 Septembris — Asylum petentes in campo profugis excipiendis in Villawood, Sydneii suburbio, tumultum continuant, nonnullis contumacibus se vulnerantibus, rogantes colloqium cum magistratibus ministerii ingressus advenarum et status civitatis.
• 23 Septembris — Viri delecti Civitatum Foederatarum Americae et aliarum civitatum occidentalium — exempli gratia Britanniarum, Hispaniae, Australiae, Belgicae, Sueciae et Uraquariae — de Conventu Commune Consociationis Nationum abeunt, postquam Iraniae praeses Machometus Ahmadinejad assevit plerosque Americanos ac plerasque gentes et politicorum peritos omni in mundo dicere, quod impetus tromocratici die 11 Septembris 2001 facti fuerant opera regiminis Civitatum Foederatum Americae Israelem defendere conantis.
• 30 Septembris — Gentium Unio Birotaria Albertum Contador Hispanicum, victorem Circuitus Franciae 2010, ad tempus submovet, postquam in specimine ab eo die 21 Iulii dato inventa est parva quantitas clenbuterolis, materiae interdictae. Is in alimenta putria culpam confert.

• 31 Decembris—Ministerium industriae technologiarumque informaticarum Rei Publicae Popularis Sinarum monet telephoniam "vox per rete" (VoIP) illicitam intercludendam esse.
• 28 Decembris—Millia domuum fabricarumque in Hibernia Septentrionali sine aqua fiunt, quia glacies nixque e tempestate frigida recenti fistulas ruptas ostendit. Hoc discrimine quidam sine aquae copiis iam ab Christi Natali sunt.
• 26 Decembris—Ministerium rerum externatrum Israelis nuntiat se interclusurum esse Colloquium Mundanum contra Phyletismum, quo Consociatio Nationum diem decimum anniversarium Colloquii Mundani contra Phyletismum anno 2001 Durbani eventi commemorabit, quia colloquium istud antisemitismum et Israelis mundique Iudaici odium ostentat, uno die postquam Communis Conventus consultum colloquii mense Septembro Novi Eboraci tenendi approbavit.
• 23 Decembris—Centena militum autocurrorum armatorum helicopterorum aëroplanorumque venaticorum Coreae Meridianae undeviginti chiliometris a confinio cum Corea Septentrionali congregant, ut uni maximarum imaginum pugnae intersint.
• 22 Decembris—Nuntii legatorum Civitatum Foederatarum Americae nove elapsi ostendunt Britanniarum regimen implicatum esse exercitiis Cohortis Intercessionis Rapidae Bangladeshae, exercitus quasi militaris valde reprehensi causa violationum iurorum humanorum, etiam cruciatuum et plurum quam mille necum extra iudicium ab eius anno 2004 inceptione. Hilaria Clinton, ministra rerum externarum Civitatum Foederatarum Americae, confirmatur iussisse omnes legatos media vulgandi in civitate sua cogere, ne rationem succurrendi Civitatum Foederatarum Americae in Haitia maledicant, aliquot diebus post terrae motum Ianuarium.
• 21 Decembris—Superstites abusus sexualis impuberorum a sacerdotibus facti furiose respondent, postquam papa Benedictus XVI asseruit paedophiliam decennio 198 pro quodam plene conveniente cum homine et quin cum impuberis habitam esse. Papa quoque de condomis locutus est.
• 19 Decembris—Consociatio Nationum improbat postulatum possessoris muneris praesidialis Eburnei Laurentii Gbagbo, ut copiae paciferae Consociationis Nationum e terra tollantur. Navanethem Pillay, iuribus humanis procurator Consociationis Nationum, dicit iura humana in Litore Eborneo magnopere violari.
• 19 Decembris—Ruthenia Alba comitia habet. Milia adversariorum Minsci recusantium cum vigilibus confligunt.
• 17 Decembris - manifestationes Rerum Novarum Tunesicarum coeperunt, cum Mohamedus Bouazizi, mercator holitorius, se ipsum die 17 Decembris 2010 cremaret.
• 12 Decembris—Nuntii elapsi exploratorum Australianorum nove divulgati ostendunt Malaesiae ducem adversarium Anwar Ibrahim sodomiae accusatum esse, quia in insidias ab eius inimicis politicis positas inciderat.
• 11 Decembris—Iulianus Assange, creator situs interretialis WikiLeaks, qui nuntios elapsos legatorum Civitatum Foederatarum Americae divulgat, in cellam carceris Wandsworth Londiniensis traducitur, "probabiliter ob ipsius salutem" ut eius advocatus dicit. Is quoque dicit persecutionem quemvis situs interretialis WikiLeaks investigationis clandestinae causa esse contra constitutionem eiusque appendicem primam, quae omnes societates vulgatorias protegit.
• 11 Decembris—Aquarum alluvione in Venetiola recente, praeses Hugo Chávez nuntiat in eius horto tendendum esse tendorium beduinum ei a duce Libyano Muammar al-Gaddafi donatum, ut pluribus familiis domibus privatis locum cedat.
• 9 Decembris—Res Publica Popularis Sinarum aditum ad nuntios peregrinos obsidet causa ceremoniae futurae ob Liu Xiaobo, cui Praemium Nobelianum pacis componendae anno 2010 datum est.
• 8 Decembris—Nuntii elapsi legatorum Civitatum Foederatarum Americae nove divulgati ostendunt Britanniarum regimen timuisse, ne Libya rationibus politicis minutura esset, si in Britanniarum carcere moriturus esset terrorista Libyanus Abdeel Baset Machometus Ali al-Megrahi, qui postea vero liberatus est. Nuntia nove divulgata quoque ostendunt Civitates Foederatas Americae Russiae hoc anno in id contendentes, ne societates Visa et MasterCard nova lege adverse afficiantur.
• 4 Decembris—Res Publica Popularis Sinarum fraudem interretialem et impetus cyberneticos praecisura est.
• 3 Decembris—Bellum cyberneticum grave contra situm interretialem WikiLeaks ("ViciElapsa") procedit. Hic situs interretialis, qui nuntios legatorum Civitatum Foederatarum Americae clam missos divulgavit, inscriptionem interretialem suam mutare cogitur, postquam EveryDNS, unus maximorum administratorum rationis nominum domaniorum interretialium, domanium WikiLeaks occidit, causa incommodorum aliis usoribus per hos impetus allatorum. Civitates Foederatae Americae accusantur ipsae impetuum horum efficiendorum. Iulianus Assange, situs interretialis petiti creator, dicit mortem suam commoveri a Thoma Flanagan, capite catervae ministri primi Canadensis Stephani Harper.
• 3 Decembris—Nuntii nove elapsi aperiunt Civitates Foederatas Americae corruptionem in Afghania timere; unus legatorum Civitatum Foederatarum Americae naturam praesidis Afghaniae Hamid Karzai parum constantem expressit.
• 28 Novembris—Copiae navales Civitatum Foederatarum Americae et Coreae Meridianae pugnae imagini in aquis erga Coream occidentalibus intersunt, admonitionibus a Corea Septentrionali invitis.
• 28 Novembris—Haitia comitia habet omnibus rebus confusis in flagranti cholerae divulgatione atque post terrae motum Ianuarium. Duodecim octodecim candidatorum fraudem allegantes scrutinium rescindendum petunt.
• 23 Novembris—Res publica Hibernica discrimine argentario afficitur. Brianus Cowen, minister primus, in legatorum coetu dicit se potestatem non firme tenere. Unum multorum officiorum ministri rei vehiculariae Noel Dempsey picturis dispersis sive graffiti obruitur. Morgan C. Jones, histrio et satirarum scriptor Eblanensis, nuntiat regimen die Iovis sententia "depulsi estis" recusandam esse. Laboris Factio adversaria duci suo Edmundo Gilmore mandat, ut diebus futuris industriam qualemlibet aptam libere incipiat.
• 21 Novembris—Gentium Forum Tigribus Petropoli in Russia septentriooccidentali evenit.
• 19 Novembris—Pilis igniariis phosphoreis et globis ignivomis a Palaestinensibus emissis respondens, Israelis classis aëria quidem duo destinata in Lacinia Gazetica tormentis verberat.
• 19 Novembris—Dalai Lama dicit generis occidionem in Thibeto a regimine Rei Publicae Popularis Sinarum committi.
• 17 Novembris—Domuum nove aedificatarum numerus in Civitatibus Foederatis Americae minimus ab Aprili mense 2009 fit.
• 16 Novembris—Studia ab Instituto Postampiensi Consequentiae Climatis Inquirendae confecta concludunt deminutum tegimen congelatum Arcticum hiemale inaequalitates cursus ventorum creare posse, itaque hiemes generaliter frigidiores omni in hemisphaerio boreali afferre.
• 13 Novembris—Duces civitatum in Cooperatione Oeconomica Asiana–Pacifica congregatarum huius consociationis conventui Yokohamae Iaponiae mediae intersunt.
• 12 Novembris—Cholerae divulgatio in Haitia erumpit. Consociatio Nationum 164 milliones dollariorum ut succursum morbo pugnando petit.
• 10 Novembris—Deciens milia alumnorum et commentatorum academicorum intersunt itineri Londiniensi Societatis Gentilis Alumnorum contra proposita regiminis Britanniarum minervalis ad novem milia librarum per annum in Anglia augendi.
• 7 Novembris—Suffragatores scrutinio municipali in Graecia factionem ministri primi Georgii Papandreu favent — Motum Bonorum Aequandorum Panhellenium.
• 2 Novembris—Medio in tempore muneris praesidis Civitatum Foederatarum Americae Barack Obama, haec terra comitia habet de repraesentantibus omnibus, 37 senatoribus, 39 gubernatoribus civitatum territoriorumve et variis muneribus rebusve locorum. Factio Republicana repraesentantum partem maiorem accipit.
• 2 Novembris—Tela ignifera intra fasces cursuales in Russiae Mexici Helvetiaeque legationibus in Graecia erumpunt. Duobus diebus recentibus fasces similes Germaniae Nederlandiae Belgicae Chiliae Bulgariaeque legationibus missi directive sunt.
• 31 Octobris—Numerus mortuorum divulgatione cholerae in Haitia 330 attingit; typhon marinus Thomas serius hac hebdomade res in peius mutaturus esse exspectatur.
• 26 Octobris—Indonesia terrae motu, megacymate et fulmine montis igniferi Merapi afficitur. A praeside Indonesiano Susilo Bambang Yudhoyono, qui nunc Rem Publicam Popularis Sinarum et Vietnamiam viset, consiliis instructus, rerum secundarum minister Indonesianus Agung Laksono necessitatem urgentem declarat. Mortuorum numerus post megacyma 23 attingit. 160 homines ad locum incertum ex vico Betu Monga Sumatrano megacymate locali affecto perierunt.
• 26 Octobris—Britanniarum oeconomia spatio trimestri tertio 0.8% crevit, plus praedictione, sed minus auctu spatii trimestris secundi — 1.2%. Cancellario scaccarii Georgio Osborne id placet ut probatio alacritatis oeconomicae constantis.
• 25 Octobris—Res Publica Popularis Sinarum et Africa decimum diem anniversarium Fori pro Cooperatione Sino–Africana Pekini celebrant.
• 23 Octobris—Richardus Falk, nuntius Consociationis Nationum de iuribus humanis, litteras publicas Conventui Communi Consociationis Nationum vulgat, asserentes coloniarum aedificationem continuatam terrae Palaestinensis occupationem ab Israele probabiliter insanabilem redderet.
• 21 Octobris—Inquisitio subtilis datorum detectorum Missili ad Lunam ex Orbita Cognoscendam et Satellite ad Crateras Lunares Observandos Sentiendosque concentrationem monoxidi carbonii in Cabeo cratere maiorem antea aestimata invenit.
• 10 Octobris—Viginti homines in Re Publica Populari Sinarum nuntiantur in carcerem inclusi esse, postquam iurorum humanorum fautori Liú Xiǎobō in carcere quoque incluso Praemium Nobelianum pacis componendae 2010 datum est. Situs uxoris Liú adhuc ignoratur, postquam a vigilibus assumpta est; collegium iura humana favens Freedom Now dicit eam in de facto custodia libera esse. Nuntiatur accessus ad virum licere uxori Liú, qui dicitur fletisse et Praemium Nobelianum suum martyribus tumultus in Pacis Caelestis Foro Pekini anno 1989 eventi dedicavisse.
• 4 Octobris—Thomas de Maizière, minister foederalis rerum internarum Germaniae, colloquio cum diurnariis Berolini dicit nullam impetus tromocratici imminentis probationem claram et nullam "ad arma conclamandi" rationem esse. Tamen Iaponiae regimen cives suos monet, ut ab impetibus in Europa caveant. Brevi ante Civitates Foederatae Americae et Britanniae quoque ita monuerunt.
• 4 Octobris—Israel relegandam esse decernit Margaritam Corrigan, quae praehendebatur a Marti die, cum sicut femina anno 1976 praemio Nobeliano honestata Israelem adiit, ut alios quinque praemio Nobeliano honestatos conveniret. Israelis iudicium eam imperat propagandi studium eius sibi retinere. Israel dicit se ei territorii sui aditum interdixisse, ea tamen dicit se interdictum tale non conscire.

• 27 Augusti—Civitatum Foederatarum praeses pristinus Iacobus Carter liberationem concivis sui Aijalon Gomes a Corea Septentrionali certum facit.
• 21 Augusti—Procuratores in Suecia mandatum capturae Iuliani Assange, tribuni situs interretialis WikiLeaks, edicunt et postea revocant. Assange casum istum magnopere turbantem dicit, quia WikiLeaks hoc ipso tempore quina dena milia litterarum vulgandarum praeparat, quas Exercitus Civitatum Foederatarum Americae libentius secreto teneret.
• 21 Augusti—Officium Foederale Salutis Foederationis Russicae in Daghestania Russiae meridianae occidit Machometum Ali Vagabov, contumacium armatorum ducem suspectum de impetibus terroristicis die 29 Martii 2010 contra ferriviam inferam Mosquensem factis.
• 21 Augusti—Domus plurum quam quinquaginta milium hominum in Sinis evacuantur causa alluvionis aquarum in fluvio Yālù (Amnokkang) inter Sinas septentrioorientales et Coream Septentrionalem. In Corea Septentrionali Sinŭiju urbs imprimis afficitur.
• 21 Augusti—Denuntiationis causa operarii officio publico fungentes in Africa Australi operandi detrectationem pro mercedibus maioribus non continuant. Exercitus contra operandi detrectationem adhibitus est et minister salubritatis publicae operandi detrectatores homicidii accusavit.
• 21 Augusti—Civitates Foederatae Americae salmonellose terrentur. Iam complures centeni homines omni in terra aegroti ovorum malorum causa putantur et aegrotorum numerus creturus exspectatur.
• 20 Augusti—Iudicium appellationis Thailandiae decernit Victorem But, armorum negotiatorem Russicum indictum, Civitatibus Foederatis Americae tradendum esse. Minister rerum externarum Russiae Sergius Lavrov sententiam improbat ut politicam, contra legem datam et a Civitatibus Foederatis Americae immissam.
• 17 Augusti—Quidem 61 homines occiduntur et plus quam centum vulnerantur teli igniferi fulmine ab interfectore facto in loco Bagdadensi, ubi exercitus Iraquensis milites conquirit. In Bagdadi parte Siitica quidem 8 homines occiduntur et 44 vulnerantur fulmine teli igniferi ad currum cisterninum affixi.
• 16 Augusti—Politicorum periti et eruditi, exempli gratia Stephanus Balibar, Noam Chomsky, Daniel Cohn-Bendit et Eva Joly, Franciae praesidem Nicolaum Sarkozy hortantur, ut Francia reddat septendecim milliarda euronum Haitiae anno 1825 post res novas Haitienses (1791–1804) ablata, quod Haitiae post terrae motum Ianuarium valde adesset.
• 16 Augusti—Studiosi in Insula Paschali Chiliae occidentalis separando a Chilia minantur, commoventes abdicationem gubernatoris Petri Pauli Edmundi Paoa. Separandi studiosi aedificia publica, museum et deversorium in solo a Polynesiensibus vindicato occupant. Exercitus Chilensis ad Insulam Paschalem mittitur.
• 16 Augusti—Liber a dissidente Yu Jie scriptus ministrum primum Rei Publicae Popularis Sinarum Wēn Jiābǎo maledicens Hongcongi vendi incipit, vigilibus ei vincula minatis.
• 11 Augusti—Elias Abuelazam, Israelis civis Arabicus et homicida serialis suspectus a Flint Michiganiae in CFA septentrionali, ex Civitatibus Foederatis Americae defugere conans in aëroportu Atlantensi in Georgia Civitatum Foederatarum meridianarum ante avolatum ad Israelem praehenditur.
• 6 Augusti—Ardoris unda et incendia in Russia progrediuntur. Incendiorum causa iam circa quinquaginta homines mortui sunt et sesquimille chiliometrorum quadratorum silvarum igni consumptum est. Milia incolarum domibus privata sunt et plus quam mille in aquis submersum periit, nam aqua vitae bibenda ac in aqua natando multi homines refrigerandum conantur, temperaturis quadraginta Celsii gradus egressis. Incendiorum fumus aedificia clara Mosquensia obducit et plus quam 140 volatus in aëroportibus Mosquensibus retaradantur. Numeri publici indicant 14 340 homines mense Iulio 2010 Mosquae mortuos esse, quod est 4 824 hominibus plus quam eodem mense anni praecedentis. Siccitatis historice pessimae causa Russiae minister primus Vladimirus Putin farinae triticique exportationem a 15 Augusti usque ad 31 Decembris vetat.
• 6 Augusti—Nuntiatus est Ferdinandum Lugo, Paraquariae praesidem, cancro laborantem esse.
• 2 Augusti—Vitae marinae census post decem annos investigationis oceanorum mundi conficitur, indicans 230 milia specierum animalium ibi viventium.
• 1 Augusti—Nederlandia omnes 1 900 milites suos de Afghania demittit causa opinionis publicae de belli Afghanici amentia.
• 31 Iulii—Litterae publicae Commissionis Regiae ad Incendia Silvestria Victoriana de incendiis Saturni Die Nigro (7 Februarii 2009) eventis, quae 173 homines occiderunt, deferuntur ad parlamentum Victoriae, civitatis austroorientoaustralianae. Eae 67 ammonitus continent, exempli gratia de evacuatione emendanda et incendiis adversariis augendis.
• 31 Iulii—Ministerium Commercii Civitatum Foederatarum Americae divulgat computationem statisticam indicantem huius rei publicae oeconomiam inter spatium trimestre quartum anni 2007 et spatium trimestre secundum anni 2009 4.1% decrevisse, quod est discrimen maius antea cogitato.
• 31 Iulii—Fulmine in carbonum puteo in provincia Shānxī Sinarum mediarum 17 homines moriuntur et 24 fossores in puteo propinquuo aquarum alluvione includuntur.
• 30 Iulii— Ioannes Francus Fini et aliis antiquis Foederis Nationalis legatis a Silvio Berlusconi e factione Populo Libertatis, cuius Fini et Berluscono conditores fuerunt, expulsis sunt. Hi novam factionem "Futurum et Libertatem" condiderunt.
• 28 Iulii—Causa caliginis crassae et erroris rectoris, aëroplanum Airbus A-321 societatis Airblue supra Colles Margalla prope Islamabadam cadit. Ex 152 homines in aëroplano nemo morte perfungitur.
• 22 Iulii—Curia Iustitiae inter Gentes decernit declarationem libertatis Agri Merulensis ab una tantum parte factam non contra legem fuisse, quod aliis civitatibus non agnitis (Abchasia, Cypro Septentrionali, Ossetia Meridiana, Palaestina, Re publica Democratica Arabica Saharensi, Re publica Sinarum) sicut casus exepmlaris videri potesset. Iudicio assentiunt iudices Americanus, Iaponicus, Germanicus, Britannicus, Francicus, Brasiliensis, Mexicanus, Neo-Zelandicus, Iordanicus et Somalensis, ab eo dissentiunt iudices Russicus, Maroccanus, Slovacus et Leoninus.
• 16 Iulii—Incendio deversorii Soma in Silêmanî, urbe Kurdico Iraquiae septentrionalis prope Iraniae fines, quidem 21 homines vulnerantur et 29 occiduntur, etiam peregrini.
• 8 Iulii—Decem homines, qui investigationis clandestinae ob Russiam in Civitatibus Foederatis Americae a Cognitionis Officio Foederali demuntur, apud iudicem culpam suam coniurationis externae ad investigationem clandestinam recognoscunt. Investigatores isti damnantur et ex Civitatibus Foederatis Americae deportantur, permutatione quattuor hominibus in Russia in carcere inclusis investigationis clandestinae ob Civitates Foederatas Americae causa.
• 8 Iulii—David Lloyd Johnston, praeses universitatis in Waterloo Ontarionis in Canada media, nuntiatur Michaelae Jean successor mense Septembro fore ut Canadae gubernator generalis, quo repraesentatur Sua Maiestas Elizabeth II, Dei Gratia Britanniarum Canadaeque Regnorumque Suorum Ceterorum Regina, Consortionis Populorum Princeps, Fidei Defensor.
• 8 Iulii—Eruditi Britannici vulgant eventus studiorum, quae perceptionem usitatam obesitatis impuberorum ut eventus insufficientis exercitationis gymnicae in dubium vocant, asserentes vice versa obesitatem insufficientis exercitationis fontem esse.
• 8 Iulii—Tauris currentibus in duo homines cornua tolluntur et quinque vulnerantur Sancti Firmini festo Pampilonae in Navarra Hispaniae septentrionalis.
• 8 Iulii—Nicanor Faeldon, capitaneus contumax profugus in Philippinis, concursus ad tumultum Oakwood accusatus, post tres annos in publicum prodit.
• 8 Iulii—Gentium Aerarium Monetarium auctum praedictum oeconomiae mundi anni 2010 a 4.2% ad 4.6% auget.
• 3 Iulii—Plus quam 230 homines moriuntur et 200 vulnerantur, postquam autocinetum onerarium laticem igniferem transportans in provincia Kivu Australis Rei publicae Democraticae Congensis orientalis prope Tanzaniae fines conversum est et erupit. Numerus victimarum tantus est, quia ante fulmen incolarum multitudo ad autocinetum conversum concurrit, ut laticem igniferem furetur. Probabilis conversionis causa est velocitas nimia, probabilis fulminis causa est fumi suctus.
• 2 Iulii—Russiae navis siderea Progress M-06M ex portu sidereo Baikonurensi Mercurii die emissa ad Gentium Stationem Sideream appellari frustra conatur. Sedes Siderea Foederalis Russica appulsum novum conabitur.
• 21 Iunii—Gregis scelerati socii in suburbio Urbis Sancti Salvatoris laophorium petunt glandibus emittendis, latice igniferi conspergendo et incendendo, occidentes quattuordecim et vulnerantes sedecim homines. Brevi postea glandes contra laophorium alium emittunt, occidentes duo homines.
• 21 Iunii—Faisal Shahzad, civis Civitatum Foederatarum Americae originis Pakistanicae, recognoscit culpam suam intentate utendi teli destructionis generalis in foro Times Square Novi Eboraci urbis die 1 Maii 2010.
• 21 Iunii—Statua intentata ut monumentum Diei Solis Sanguinei (30 Ianuarii 1972) Deris in Hibernia Septentrionali Britanniarum septentriooccidentalium ante confectionem devastatur.
• 21 Iunii—Statio radiorum electromagneticorum metiendorum septentrionalissima Instituti Coreae Meridianae Salutis Nuclearis dicit se xeni radios edentis amplificationem octuplam mensam esse.
• 21 Iunii—Quidem 46 homines moriuntur et alii haerent post fulmen in fodina in Hénán Sinarum mediarum.
• 20 Iunii—Scrutinium praesidiale in Polonia evenit post mortem praesidis Lechi Kaczyński in sinistro casu aëroplani die 10 Aprilis 2010. Duo candidati gravissimi — praeses fungens Bronislaus Komorowski factionis Forum Civicum et minister primus pristinus Iaroslaus Kaczyński factionis Ius et Iustitia — 45.7 centesima et 33.2 centesimae punctorum accipiunt, ergo concursus secundus fit necessus.
• 20 Iunii—In scrutinii praesidialis Columbiani concursu secundo, Ioannes Manuel Santos Factionis Socialis Unitatis Gentilis cum 69.05 centesimae punctorum Antonium Mockus Factionis Viridis vincit. Die scrutinii quidem septem vigiles morintur et octo alii absunt, postquam telo ignifero petiti sunt.
• 16 Iunii—Aquarum alluvione celerrima ex nimborum vi effusa in Varo Franciae meridianae quidem 25 homines moriuntur.
• 15 Iunii—Rerum condicio in Chirgisia calamitosa videtur, cum causa proelii inter Chirgisos et Uzbecos in urbibus valde Uzbecis Oš, Žalalabat et Suzak in Chirgisia meridiana numerus mortuorum ad 180 ascendit, fontes inofficiales^? autem milia mortuorum nuntiant. Quidem centum milia profugorum Uzbecorum salutem apud Uzbeciae fines quaerunt. Chirgisia cives ad arma convocat. Multae habitationes in Oš omnino deletae sunt. Et exercitus stragis Uzbecorum accusatur. Incolarum Chirgisiae 69 centesimae sunt Chirgisi, 14.5 centesimae Uzbeci.
• 9 Iunii—Praeses Civitatum Foederatarum Americae Barack Obama praesidem Imperii Palaestinensis Machometum ʿAbbās in Domo Alba convenit et Palaestinensibus 400 milliones dollariorum ut adiumentum Cisiordaniae et Laciniae Gazeticae promittit. Interea in Aegypto est controversia in mediis vulgandi, postquam legatus populi Aegypti, qui particeps classis fautorum Gazeticorum fuerat, dixit classis participes Israelis manipulos tres vicisse et telis despoliavisse. Israelis minister primus Beniaminus Netanjahu suadet, ut instituatur grex peritorum iuris, qui investiget rationes non politicas cursus classis fautorum Gazeticorum et cui quidem unus Americanus intersit, si regimen Civitatum Foederatarum Americae assentiatur. Aegyptus quoque Laciniae Gazeticae conclusionem ob adiumentum benignum per Rafah praebendum minuit et Israel Laciniae Gazeticae obsidionem ob alimenta minuit.
• 9 Iunii—Certamine finali Foederis Gentilis Ludi Pilae Hasta Percussae Super Glaciem,Blackhawks Chicagenses Volantes Philadelphienses 4 ad 3 vincunt, lucrati Calicem Stanley anni 2010. Duci Chicagensi Ionathani Toews datum est Praemium Constantinis Smythe ut Lusori Utilissimo.
• 9 Iunii—Scrutinii praesidialis eventu confirmato, Benignus Simeon Aquino Tertius et Jejomar Binay praeses electus et praeses vicarius electus Philippinarum declarantur.
• 31 Maii—Multae Israelis naves militares aëroplanaque gentium classem subsidium in Laciniam Gazeticam portantem persequntur et postea in Maris Mediterranei aquis liberis incurrunt, occidentes novem fautores Gazeticos maiore parte ex Turciae nave Marmara, ac in Azotum portum Israelis meridianae trahunt. Quinquaginta vulnera nuntiantur. Minister defensionis Israelis Ehud Barak dicit fautores Gazeticos mortium accusandos esse, quia milites navem in pace conscendere conati erant, sed iaculari coacti sunt, ut se ipsos defenderent. Quemadmodum fautores Gazetici armati erant in dubio est.
• 30 Maii—In parte Serbica septentrionali Civitatis Sancti Demetrii Merulensis evenit scrutinium, quod milia Albanorum in partem Serbicam ingressorum turbare conantur.
• 28 Maii—Litterae elapsae Consociationis Nationum dicunt Coream Septentrionalem artem nuclearem in Birmaniam, Iraniam et Syriam exportare. Res Publica Popularis Sinarum dicit se non protecturam esse ullum, qui mense Martio Coreae Meridianae navem bellicam minorem Cheonan PCC-772 aquis obruit.
• 28 Maii—Pecuniae ex Iaponia, Germania, Francia, Italia, Hispania, Canada, Nederlandia, Belgica, Suecia, Helvetia, Norvegia, Finnia et Re publica Hibernica collatae gratia Argentaria Mundana 36 milliones dollariorum debiti Haitiensis post terrae motum Ianuarium remittere potest.
• 28 Maii—Societas BP nuntiat se in terebramine laeso limo obstruendo perseverare, ut olei rudis amissionem in Sinu Mexicano reprimat. Praeses Civitatum Foederatarum Americae Barack Obama maledictiones de eius responsione tarda repellit.
• 28 Maii—Discordia augetur inter BBC et socios regiminis Britanniarum, qui disputationum relationem Question Time intercludere volunt, nisi Alexander Campbell, Antonii Blair consultor pristinus, a disputatione amoveatur.
• 28 Maii—Societas Formosana Foxconn stipendiorum additamentum 20 % concedit, ut mores in melius mutet in fabrica sua in Shēnzhèn Sinarum meridionalium, ubi nonnulli operarii mortem sibi consciverunt.
• 17 Maii—Sex homines cultello sectorio invasi sunt in emporio urbis Fóshān in Sinis meridiorientalibus, antequam invasor mortem sibi consciscit.
• 16 Maii—Thailandiae minister primus Abhisit Vejjajiva monet, ne vis crescat, et de interdicto in publicum prodeundi cogitat, postquam plus quam 25 homines in tumultibus Bancocensibus contra regimen intra tres dies occisi sunt et plus quam ducenti vulnerati. Contumaces scrutinium novum flagitant.
• 15 Maii—Tumultus evenit apud carbonum puteum Raspadskaja prope Меždurečensk Regionis Kemerovensis in Russia media, quia in puteo mortui sunt circa nonaginta fossores causa securitatis vitiosae et pravitatis conductoris operis.
• 14 Maii—Navicula siderea Atlantis volatum ultimum suum post saeculi quartam partem in officio ex Florida in Civitatibus Foederatis Americae incipit. In navicula sunt sex astronautae et Russiae modulus Rassvet. Haec missio duodecim dies mansura est.
• 13 Maii—Vigiles Australiani capitaneum pristinum Serbicum Dragan Vasiljković capiunt. Croatia eius traditionem rogat, quia scelerum belli accusatur.
• 6 Maii—Russiae nautae militares ex nave venatoria Maršal Šapošnikov navem oleariam "Universitas Mosquensis" a Somaliae piratis liberant. Omnes 23 nautae sine vulnere liberantur, dum piratae capiuntur.
• 6 Maii—In Comitiis Regni Britanniarum Parlamentariis factio Conservativa, duce David Cameron, maiorem numerum legatorum nacta est, sed maioritati absolutae defuit. Carolina Lucas, prima factionis Viridis, ad Parlamentum Britannicum electa est.
• 5 Maii—Milia civium Graeciae laboris intermissioni generali intersunt, ut recusent rationes parcas a regimine Georgii Papandreu perlatas et mutuum salvificum ab Unione Europaea et Gentium Aerario Monetario oeconomiae Graecae debitis dirutae datum. Tres homines in incendio a manifestationis violentae participibus in argentaria subiecto Athenis suffocatione occiduntur. Graeciae praeses Carolus Papulias sententiam suam ad istam calamitatem dans dicit Graeciam in extremis stare.
• 1 Maii—Milia incolarum ante Domum Albam et in locis aliis Civitatum Foederatarum Americae recusant legem novam Arizonae, civitatis meridioccidentalis, quae contra legem advenas opprimit.
• 27 Aprilis—Dictator Panamensis pristinus Manuel Noriega ex Civitatibus Foederatis Americae traditur in Franciam, ubi lavationis pecuniae accusatur. Manuel Noriega iam viginti annos in catenis in Civitatibus Foederatis Americae tenebatur.
• 26 Aprilis—Domus ministri primi pristini Banharn Silpa-archa Bancocensis et publicae tutelae statio in Chiang Mai Thailandiae septentrionalis granatis petuntur. Frons Concors Gentilis Potentiae Populari contra Dictaturam sive Thoraces Rubri Bancocum intersaepiunt, ne vigiles urbem exupugnerent. Foedus Populare Potentiae Populi sive Thoraces Flavi dicunt se contra Thoraces Rubros interventuros esse, nisi magistratus tumultus tractent.
• 26 Aprilis—Terrae motus magnitudinis 6.5~6.9 Formosam meridiorientalem prope Taitung afficit.
• 25 Aprilis—Dum pompa militaris Melbourni Victoriae in Australia austroorientali geritur, autocinetum onerarium vetus septem milites veteres inter septuaginta et octoginta annos natos defectus technici causa obterit.
• 24 Aprilis—Praeses Palaestinensis Machometus ʿAbbās rogationem civitatis Palaestinensis intra fines temporarios creandae improbat, quia timet, ne hi fines temporarii fiant aeterni.
• 23 Aprilis—Consociatio Nationum aestimat terrae motu Ianuario Haitiensi magnitudinis 7.0 trecenta milia hominum necari, alia trecenta milia vulnerari et millionem domibus privari. Iam ante terrae motum Haitia fuerat pauperrima terrarum Americanarum.
• 22 Aprilis—Tabulatum olearium Deepwater Horizon societatis Transocean in Sino Mexicano prope litore Ludoviciano in Civitatibus Foederatis Americae meridianais demergitur, postquam fulmen forte nudiustertius 126 hominum in nave septem vulneravit; undecim adhuc absunt. Octo milia cuparum olei rudis intra diem ex navis reliquiis effluere aestimantur.
• 21 Aprilis—Ucrainae praeses Victor Janukovyč et Russiae praeses Demetrius Medvedev Charcoviae in Ucraina orientali de locatione conductione extendenda consentiunt, quo Russiae classis Euxina in Ucraina locabitur permutatione gas usque ad annum 2042 viliore.
• 20 Aprilis—Post dicriminis cinerei hebdomadem unam civitates nonnullae spatium aërium aperiunt; plus minusve dimidium volatuum Europaeorum omnium fieri exspectatur. Multis in civitatibus spatium aërium tamen adhuc clausum est. Favilla ex monte ignifero Eyjafjallajökull in Islandia meridionali commeatum aërium Europaeum irritum fecit et difficultates vastas commercio aërio et oeconomico attulit. Commeatus Aërii Consociatio inter Gentes nuntiat societates aërias pluram pecuniam istius discriminis cinerei causa quam post 11 Septembrem 2001 perdere.
• 19 Aprilis—Centi manifestationis participes Bataviae urbe postulant, ut vigiles dimittantur, postquam conflictionibus atrocibus inter vigiles et manifestationis participes tres homines occisi et 156 vulnerati sunt.
• 18 Aprilis—Praeses Rei Publicae Popularis Sinarum Hú Jǐntāo morte perfunctos in zona motu terrae in civitatis septentriooccidente viset, mortuorum numero 1700 attingente.
• 17 Aprilis—Colloquium inter Gentes de Telorum Deminutione et Non Amplificatione Teheranense initium capit cum senentia "energia nuclearis omnibus, tela nuclearia nemini" sicut responsum Colloquio de Salute Nucleari a Civitatibus Foederatis Americae Vasingtoniae composito. Sexaginta civitates colloquio intersunt, inter alia Res Publica Popularis Sinarum et Russia, non autem Civitates Foederatae Americae, quas Irania non advocavit, quia eodem modo Civitates Foederatae Americae Iraniam ad Vasingtoniam non advocaverunt. Iraniae praeses Machometus Ahmadinejad hortatur, ut constituatur auctoritas libera, quae telorum nucleariorum deminutionem inspiciat. Irania quoque offert quinque punctorum tranctandorum propositum, quo "architectura globalis salutis spiritui aequitatis aptetur". Alī Chāmene'ī, Iraniae summus dux, Civitates Foederatas Americae "noxium nuclearem" iudicat, dicens telorum nucleariorum usum religione sicut ḥarām vetari et suadens, ut Civitates Foederatae Americae ab systemate nucleari inter gentes removeantur. Francia Iraniam dialogi nuclearis cavendi accusat, dum ministra rerum externarum Unionis Europaeae Catharina Ashton Iraniam arduorum hodiernorum maximum salutis mundi indicat.
• 16 Aprilis—Brasiliae Russiae Indiae Sinarumque sive BRIC colloquium de cooperatione augenda et auctoritate maiore Brasiliapoli evenit.
• 15 Aprilis—Favilla ex fulmine montis igniferi sub mole conglaciata Eyjafjallajökull in Islandia meridionali spatium aërium irritum facit multis in terris Europae septentriooccidentalis: Islandia, Re publica Hibernica, Norvegia, Britanniis, Nederlandia, Dania, Belgica, Suecia, Francia, Germania, Finnia, Cechia, Polonia et Russia. Haec favilla aëroplanorum machinamentis nocere et casus afferre posset. Venti exilis causa favillae nubes adhuc est densis et movetur lente.
• 14 Aprilis—589 homines moriuntur, postquam terrae motus fortis magnitudinis 6.9 praefecturam legibus suis utentem Yùshù in provincia Qingha Sinarum septentriooccidentalium affecit. Fuerunt in summa sex motus, vulnerantes plus quam decem milia hominum, etsi terrae motus in Sinarum parte raro inculta evenit. Salvatio est difficilis causa asperitatis loci terrae motu.
• 13 Aprilis—Colloquium de Salute Nucleari, congressus a Civitatibus Foederatis Americae compositus ab anno 1945 maximus, cui paene quinquaginta civitatum capita intersunt, Vasingtoniae evenit. Participes admonitiones vehementes de periculo materiae nuclearis in manus inoptatas perveniendi audiunt. Georgiae praeses Michael Saakašvili dicit eius regimen conatum uranium locuples in foro clandestino vendere mense recente irritum reddidisse. Praeses Rei Publicae Popularis Sinarum Hú Jǐntāo convenit praesidem Civitatum Foederatarum Americae Barack Obama, ut de consilio nucleari Iranico colloquantur. Civitates Foederatae Americae et Russia delere promittunt 34 tonnas plutonii, ex quo sedecim milia telorum nuclearium conficere possent. Etiam Russia nuntiat pilam nuclearem plutonium facientem in Železnogorsk Territorii Crasnoiarensis in Russia media clausuram esse.
• 12 Aprilis—Rerum oecologicarum minister Indicus Jairam Ramesh ait Colloquium Hafniense ab initio perditum fuisse causa amissionis verborum a Dania ad contrahendum propositorum, et dicit colloquium de commutatione naturae caeli hoc anno quoque perditum iri posse causa fidei inter gentes perditae.
• 11 Aprilis—Explicatores praedicunt Iaponiae oeconomiam — unam maximarum oeconomiarum mundi — anno 2011 corruturam esse, quia eius debitum publicum est maius debito cuiuscumque civitatis industralis.
• 10 Aprilis—Aëroplanum Tu-154 regiminis Poloniae aëroportum militare advolans Smolensci Russiae meridionalis arbores ala tetigit, arsit et cadit. Omnes 96 vectores mortui sunt. Error rectoris aëroplani et caligo videntur incommodi causa fieri posse. Aëroplanum ex Varsovia volavit ad diem anniversarium septuagesimum cladis prope Katyn' commemorandum. Aëroplano iter fecerunt Poloniae praeses Lechus Kaczyński, eius uxor, exercitus dux, argentariae centralis gubernator, populi legati, historici eminentes et multi alii summi magistratus. Nulli sunt morte perfuncti. Vero Lechus Kaczyński Poloniae praeses in sinistro casu aeroplani perit (natus 1949). Bronislaus Komorowski sicut praesidens coetus legatorum ex lege Poloniae praeses fungens fit. Lechus Wałęsa istud appellat "cladem secundam post Katyn' ... Ibi nobis caput abscidere voluerant, et nunc quoque ibi flos et robur gentis nostrae peritus est." Petrus Paszkowski, interpres ministerii rerum externarum, "nihil similis nobis umquam accidit" inquit. Minister primus Donaldus Tusk indicat istud casum tristissimum historiae Polonicae post bellum. Tusk nuntiat se ad casus locum volaturum esse. Vexillia in mediam partem hastilis demissa sunt omni in Polonia. Duces civitatum orbis terrarum coram dolorem suum Polonibus declarant. Polonia, Lituania, Brasilia, Cechia, Germania, Slovacia, Hungaria, Lettonia, Ucraina, Croatia, Moldavia, Serbia, Estonia, Romania, Russia, Turcia, Georgia, Hispania et Canada luctum publicum indicunt.
• 9 Aprilis—Aëroplanum Civitatum Foederatarum Americae CV-22 Osprey, nothum inter aëroplanum ad perpendiculum exsurgens et aëroplanum inversa erumpente vi propulsum, in Afghania meridionali cadit, occidens tres milites et unum operarium civicum. Zabiullah Mujahid dicit Ṭālibān contumaces id deiecisse.
• 8 Aprilis—Praeses Civitatum Foederatarum Americae Barack Obama et praeses Russiae Demetrius Medvedev novum De Strategicorum Armorum Reductione Tractatum sive START Pragae subscribunt. Ita ambarum civitatum armamentaria nuclearia tertia parte deminutura sunt.
• 7 Aprilis—Terrae motus submarinus magnitudinis 7.7 Achemum provinciam in Indonesia boreali afficit, affert autem nec damnum grave neque megacyma.
• 6 Aprilis—Plus quam centum incolae aquarum alluvione, terrae lapsu et nimborum vi effusa in Urbe Fluminensi, Niterói, Fano Sancti Gundisalvi, Petropoli et locis aliis austroorientobrasiliensis civitatis Flumen Ianuarii moriuntur.
• 5 Aprilis—Methani fulmine in carbonum puteo in comitatu Raleigh Virginiae Occidentalis in Civitatibus Foederatis Americae meridionalibus 25 fossores moriuntur et nonnulli absunt. Istud est mortiferrimum incommodorum in puteis Civitatum Foederatarum Americae intra quidem 35 annos.
• 4 Aprilis—114 fossores hebdomade haerentes in puteo aquis merso in Xansia Sinarum mediarum salvantur. Anno singulo omni circa tria milia fossorum in Re Publica Populari Sinarum mori solent; 70% energiae in hac civitate ex carbonibus urendis oritur.
• 3 Aprilis—Pugnae imago communis exercituum Franciae et Russiae in Mare Barentsiano initium capit.
• 2 Aprilis—Navis siderea Sojuz TMA-18 ex Russiae portu sidereo Baikonurensi mane emittitur, portans ad Gentium Stationem Sideream tres cosmonautas: Michaelem Kornienko et Alexandrum Skvorcov Russos et Tracy Caldwell Dyson Americanam. Hi cosmonautae in statione usque ad 16 Septembrem manebunt. Lunae die navicula siderea Discovery quoque ex Civitatibus Foederatis Americae avolatura est.
• 1 Aprilis—Israelis aëroplana militaria quidem 13 impetus intra annum gravissimos contra Gazam, Chan Yunis, Rafah et locos alios in Lacinia Gazetica noctu inicipiunt. Palaestinenses et Libanotici Abbas Zaki praehendendum recusant, qui olim legatus Societatis Palaestinae Liberandae in Libano erat. Patriarcha Maronitus Victor Petrus Sfeir quoque petit, ut protinus liberetur. Socius Camerae Repraesentantum Civitatum Foederatarum Americae Keith Ellison Arabiam Saudianam visens dicit Civitates Foederatas Americae colonias Israeliticas Orientohierosolymenses nefas sive contra ius gentium ducere. Britanniarum legislator Martinus Linton dicit Israelitas Britanniarum factionibus politicis pecuniam destinare, dum legislator Geraldus Kaufman, ipse Iudaeus, dicit milionarios Iudaicos politice dextros in Factione Conservativa auctoritate valere. Consilium Rationum Publicarum inter Civitates Foederatas Americae et Israelem nuntiatur peritis politicorum Civitatum Foederatarum Americae de controversia inter Domum Albam et Israelis ministrum primum Beniaminum Netanjahu persuadere.
• 31 Martii—Duodecim homines, etiam duo vigiles, mane telorum igniferorum fulminibus duobus in oppido Kizljar Daghestaniae in Russia meridionali occiduntur, modo 160 chiliometris ab Georgiae finibus. Hac hebdomade est terrorismi Septentriocaucasici casus iam secundus.
• 30 Martii—Eruditi in Collisore Hadronali Magno infra Genevam in Helvetia occidentali Fulmen Maximum experimento novo simulabunt. Fulmen Maximum est doctrina cosmologica de universi nostri principio. Huius experimenti adversarii timent id foramen nigrum creaturum esse, qui planetam nostrum devorabit. Collisor Hadronalis Magnus iam decem milliardis dollariorum multis ex civitatibus datis stetit.
• 29 Martii—Interfectrices in ferriviae inferae Mosquensis stationibus Lubjanka et Park Kul'tury tempore festinationis matutinae maximae duo tela ignifera ad fulmen adducunt, occidentes quidem quadraginta homines et vulnerantes centum.
• 28 Martii—Gao Zhisheng, iuris perius dissidens Sinicus, qui anno aberat, dicit se esse liberum, volens sine animadversione mediorum vulgandi tempus consumere.
• 27 Martii—Coreae Meridionalis regimen conventum subitarium convocat, ut navis demersionem hesternam prope ad Coream Meridionalem pertinentem insulam Baengnyeong, i. e. prope Limitis Septentrionalis Lineam, indaget. Salvatione permanente 46 nautae requisiti levantur.
• 26 Martii—Praeses Civitatum Foederatarum Americae Barack Obama petit, ut Cuba politicorum causa incarceratos omnes liberet, indicans iura humana ibi magnorpere disturbantia. Circa viginti mulierum grex in Cuba eadem causa it.
• 25 Martii—Actorum diurnorum moderator Vaticanus dicit media vulgandi "dolo claro degenrique Benedictum XVI et eius consortes omnibus viribus lacerare conari", causa paginarum multarum culpam abusus sexualis impuberum a sacerdotibus Catholicis facti papae tribuentium.
• 24 Martii—Societas biopharmaceutica MannKind ex Civitatibus Foederatis Americae insulinum inhalabile ostendit, quod in corpus pulmonibus vice iniectione introit. Insulinum inhalabile est citius et tutius iniecto.
• 23 Martii—Rei publicae Hibernicae minister primus Brianus Cowen regimen suum commutat, traducens quoque potestates inter ministeria et mutans nonnullorum nomina. Antonius Killeen defensionis minister fit, postquam Gulielmus O'Dea se mense praecedente abdicavit. Unum ministerium Factioni Viridi ut supplementum datur. Brianus Lenihan iunior sibi officium ministri rerum argentariarum conservat, eius valetudine recenter peiore contempta. Factiones adversariae mutationes maledicunt, appellantes eas "sellarum musicarum ludum".
• 22 Martii—Christina Sword Gusmão, uxor ministri primi Orientotimorensis, adiuta a Carmen da Cruz, principe sedis impuberorum tutandorum, petit, ut mulier Australiana Lala Noronha quindecim adolescentes, quos in Malaesia habet, in Dili reddat. Adolescentes autem redire nolunt, ut dicunt.
• 21 Martii—Secretarius Generalis Consociationis Nationum Ban Gi-moon Laciniam Gazeticam viset cum nuntio "nos Consociatio Natinum vobiscum Palaestina sumus", maledicens Israelis facta et loquens de condicionibus ingratis quibus Palaestinenses premuntur et de parietinis restauratis carentibus.
• 20 Martii—Terrae motus lenis magnitudinis 5.6 prope basem militarem carceremque Guantanamensem Civitatum Foederatarum Americae in Cuba orientali evenit.
• 19 Martii—Collegium Cladium Pellendarum Rei Publicae Popularis Sinarum dicit siccitates asperas 51 milliones incolarum affecisse, deserentes plus quam 16 milliones hominum et 11 milliones pecudum sine satis aquae potui iucundae.
• 18 Martii—Ministra rerum externarum Civitatum Foederatarum Americae Hilaria Clinton Russiam publice viset, inter alia ut disserat de contractu novo inter ambas civitates de telis nuclearibus strategicis minuendis.
• 17 Martii—Tumultus in Thailandia a Fronte Concordi Gentili Potentiae Popularis contra Dictaturam facti durant, fautoribus sanguinem proprium suum apud domum ministri primi Aphisit Wetchachiwa effundentibus.
• 16 Martii—Archiepiscopus Armachanus et primas totius Hiberniae cardinalis Ioannes Baptista Brady "ambage Norimbergensi" utendi accusatur et politicorum periti — etiam minister primus vicarius Martinus McGuinness — ei dicunt, ut se abdicet, quia cogebat duo adolescentes a Brendano Smyth abusos, ut iure iurando se tacituros esse sponderent.
• 15 Martii—Israelis legatus in Civitatibus Foederatis Americae Michael Oren dicit rationes inter ambas civitates per discrimen pessimum intra 35 annos transire. Palaestinensium tumultus magni contra proposita regiminis Israelis de domis novis ob Iudaeos aedificandis et contra synagogam novam consecrandam in Hierosolyma orientali initium capiunt. Et regimen Civitatum Foederatarum Americae, alias Israeli sociatum, ista proposita maledicit et eorum causa legatus specialis Civitatum Foederatarum Americae de Oriente Medio Georgius Mitchell Israelis adventum publicum dispositum suum differt. Postquam centae imagines et pelliculae Exercitu Israelis Defendendi divulgatae sunt, Centrum Nuntiorum de Investigatione et Terrorismo vulgat nuntium, qui imagines asserit armatos Ḥamās intra bellum Gazeticum anno 2009 impuberibus sicut scutis vivis utentes et apud moscheas et infirmorum hospitia operantes exprimere.
• 14 Martii—Plus quam 2 500 candidati 102 munera in senatu et 166 in repraesentantum camera in Columbia rogant. Etiam quinque legati Columbiani ad Parlamentum Andinum (Communitatis Andinae corpus) eliguntur. Scrutinia praesidialia praeparatoria in Factione Viridi et Factione Salutis Conservandae quoque eveniunt.
• 13 Martii—Post procellam fortem 450 000 homines in Nova Caesarea, Novo Eboraco, Pennsilvania et Connecticuta Civitatum Foederatarum Americae septentrioorientalium electricitate deseruntur, cum vento acri arbores et fila electrica cadunt. Tolleno aleatorium Ravel in Atlantic City Novae Caesareae percutit, vulnerans unum hominem.
• 12 Martii—Nuntius specialis Cosociationis Nationum in Birmania Thomas Quintana cognitionem scelerum belli scelerumque humanitati adversorum contra Birmaniae incolas civicos comissorum petit.
• 11 Martii—Plus quam triginta milia operariorum tertia vice contra regimen in Graecia opus intermittunt.
• 10 Martii—Dulmatin, artifex dictus impetuum terroristicorum Balinensium anni 2002, post vigilum decursionem prope Bataviam urbem in Indonesia mortuus confirmatur a praeside Indonesiaco Susilo Bambang Yudhoyono Australiam publice visente.
• 9 Martii—Ecclesia Catholica in Nederlandia se de impuberum abusu sexuali excusat et inquisitionem liberam petit. Monasterii abbas Salisburgi in Austria media confitetur se ante quadraginta annos puero abusum esse. Frater papae Benedicti XVI confitetur se corporis verberis erga discipulos usum fuisse in schola in Germania, antequam corporis verbera anno 1980 prohibita sunt.
• 8 Martii—Padma Choling, novus gubernator Tibeti in Sinis occidentalibus, Rei publicae Comitiis Popularibus nuntiat Sinas quaestionem reincarnationis Dalai Lama soluturas esse.

• 5 Martii — Sua Imperialis Celsitudo Pia Principissa Aiko Iaponica octo annos nata scholae excusatur, quia a condiscipulis vexabatur.
• 6 Martii — Minister defensionis Civitatum Foederatarum Americae Robertus Gates denuntiationes de moribus malis societatis militaris privatae Xe Services LLC (olim Blackwater) in Afghania circumspicit.
• 7 Martii
  • Electores Iraquenses legatorum scrutinio et plebiscito de Concordia de Copiarum Statu intersunt. Iraquiae paene undeviginti milliones electorum sunt, praesentia parva autem exspectatur causa comminationibus ab Al-Qaida et contumacibus Sunniticis.
  • Praemia academiae LXXXII distributa sunt.

• 4 Martii—Motus terrae magnitudinis 6.4 Formosam afficit, vulnerans duodecim homines et divellens vias silice ferrove stratas.
• 3 Martii—Leonidas Tjagačëv, caput Comitatus Olympici Russiae, se post civitatis exsecutionem pessimam in Olympiorum Hiemalium historia abdicat.
• 2 Martii—Sedes caelestis Indica nuntiat eius missile Chandrayaan-1 in crateris prope polum borealem Lunarem aquae quantitatem magnam invenisse — circa 600 milliones tonnarum secundum aestimationes primas.
• 1 Martii—Franciae praeses Nicolaus Sarkozy tres milliones euronum territoriis procella Xynthia affectis donat, appellans eam cladem gentilem. Ista procella fortis heri duarum procellarum concursu supra Europam meridioccidentalem creata est, afferrens chaos in Franciam, Germaniam, Hispaniam, Lusitaniam et Belgicam. Quidem quinquaginta homines mortui sunt, millio hominum sine electricitate est.
• 28 Februarii—Praeses Comitatus Gentium Olympici Iacobus Rogge Olympia Hiemalia XXI Vancuverii Columbiae Britannicae in Canada occidentali publice claudit. Omnium ornamentorum numero optime succedent Civitates Foederatae Americae (37), Germania (30) et Canada (26); ornamentorum aureorum tantum numero optimae sunt Canada (14), Germania (10), Civitates Foederatae Americae (9) et Norvegia (9). Olympica postera Britanniae anno 2012 Londinii apparent; hiemalia anno 2014 Sotzii in Territorio Crasnodarensi Russiae meridionalis erint.
• 27 Februarii— Motus terrae vastus magnitudinis 8.8 Conceptionem urbem Chiliae mediae, quae in Orbe Igneo Pacifico iacet, afficit. Centi homines moriuntur. Praeses Chilensis Michaela Bachelet civitatis partes zonam commutationis fortunae indicat. Urbes Pacificae se ad megacymata possibilia praeparant; undae duo metra excedentes Insulas Ioannis Ferdinandi in Chilia occidentali irrigant. Admonitio historice maxima de megacymate ad litus Pacificum omne vulgatur: Insulae Chathamenses in Nova Zelandia orientali, Polynesia Francica in Francia austrooccidentali, Havaii in Civitatibus Foederatis Americae occidentalibus et Insulae Galapagenses in Aequatoria occidentali megacymate evento tanguntur. Energia istius motus terrae fuit terrae motu Haitiensi recente circa centies fortior.
• 26 Februarii—Birmaniae iudicium summum appellationem contra custodiam liberam ducis Foederis Gentilis pro Potentia Populari Aung San Suu Kyi duodeviginti mensibus prolongandam denegat.
• 25 Februarii—Victor scrutinii praesidialis in Ucraina Victor Janukovyč muneri novo suo praeficitur. Iulia Tymošenko victa acerba caeremoniae non interest.
• 24 Februarii—Methani fulmine in carbonum puteo Turciae occidentalis circa septendecim homines moriuntur.
• 23 Februarii—Omnium 150 vectorum circa quadraginta duorum laophoriorum concursu adverso in Via Panamericana Peruviae boreooccidentalis moriuntur.
• 22 Februarii—Navicula spatialis Endeavour cum sex astronautis tempestate atroci contempto ad Centrum Caeleste Kennedynum in Florida Civitatum Foederatarum Americae meridionalium advolat.
• 21 Februarii—Ministerium commercii Rei Publicae Popularis Sinarum nuntiat pecuniae collocationem adventiciam directam in hanc civitatem mense sexto continuato in Ianuario crevisse, i. e. 7.79% per annum.
• 20 Februarii—Regimen quartum ministri primi Ioannis Petri Balkenende disputatione de auctoritate copiarum specialium Nederlandiae in provincia Afghanica Orūzgān extendenda opprimitur.
• 19 Februarii—Ornamenta aurea in Olympiis Hiemalibus Vancuveriensibus lucrantur maximo ingenti descensu flexuoso artis Alpinae per nives labendi Absalom Lund Svindal Norvegus, studio ad quindecim chiliometra artis per nives currendi Margarita Bjørgen Norvega, trahea decursu generis "sceletus" Ioannes Montgomery Canadensis inter viros et Amata Williams Britanna inter feminas.
• 18 Februarii—Statio ferriviaria Meridiquancheensis in Sinis meridionalibus, maxima stationum ferriviarium Asianarum, occasione feriarum anni novi Sinici publice aperitur. Ita longitudo ferriviarum celeritatis maioris in Re Publica Populari Sinarum 3 300 chiliometra excessit.
• 17 Februarii—Quidem 22 homines laophorii casu in fluvium prope Jalaun in aspera civitate septentrioindica Uttar Pradesh moriuntur.
• 16 Februarii—Regis uxor Iordanica magistros exsecutivos operatorum telephonorum gestabilium ex omni orbe terrarum Barcinoni Cataloniae in Hispania septentrionali convenit, ut auxilium studio eruditionis 1GOAL appellato lucretur.
• 15 Februarii—Duodeviginti homines traminum concursu prope Halle Flandriae in Belgica media moriuntur; alii 162 vulnerantur.
• 14 Februarii—Duo astronautae Civitatum Foederatarum Americae ambulationem cosmicam ad partem "Tranquillitas" Gentium Stationi Cosmicae applicandam necessam rursus faciunt.
• 13 Februarii—Tin Oo 82 annos natus, dux vicarius Foederis Gentilis pro Potentia Populari, post plus quam decem annos in carcere vel custodia libera in Yangon Birmaniae liberatur.
• 12 Februarii—Olympia Hiemalia XXI Vancuverii Columbiae Britannicae in Canada occidentali initium capiunt. Athleta trahea vectus Georgianus Nodar K'umaritašvili, qui se exercens incommodo mortuus est, a participibus ritus Olympia aperientis commemoratur.
• 11 Februarii—Procella nivosa intra hanc hebdomadem iam secunda Civitates Foederatas Americae septentrioorientales, e. g. Novum Eboracum et Vasingtoniam (D.C.), afficit. Ista "apocalypsis nivosa" commeatum publicum et in viis eminentibus obstupefacit. Multa milia incolarum sine electricitate sunt.
• 10 Februarii—Rerum familiarum iudicium Fluminense in Brasilia australi decernit ut Iuliae Lira, puellae septem annos natae, liceat sicut festi carnalis regina sambam saltare, quid feminae libidinosiores fere faciunt. Advocati iurorum impuberorum dicunt hoc munus sexualiter perceptum puellae tam tenerae deformum esse.
• 9 Februarii—Andal Ampatuan iunior, praesidis Gloriae Macapagal-Arroyo amicus pristinus, et 196 homines alii homicidii accusantur causa stragis Novembris anno 2009 in provincia Maguindanao Regionis Legibus Suis Utentis in Mindanao Musulmano in Philippinis meridionalibus eventae.
• 8 Februarii—Dux adversarius Victor Janukovyč cum 48.95% punctorum ministram primam praesentem Iuliam Tymošenko in scrutinio praesidiali hesterno in Ucraina vincit.
• 7 Februarii—Libya vetat YouTube et situs liberos adversariosque de iurorum humanorum abusu a regimine Libyano facto et de aliis rebus controversiis.
• 6 Februarii—Marcus Durkan, Hiberniae Septentrionalis minister primus vicarius pristinus, se duce Factionis Aequationis Bonorum Potentiaeque Populi et Laboris abdicat.
• 5 Februarii—Quidem 32 homines occiduntur et plus quam 150 vulnerantur fulminibus quidem duobus die postremo festi Arbaʿūn in Karbalā’ Iraquiae meridionalis.
• 4 Februarii—Helicopterum militare Blackhawk Civitatum Foederatarum Americae noctu prope Manhemium Badeniae–Virtembergiae in Germania meridioccidentali cadit. Omnes tres homines in aëroplano moriuntur.
• 3 Februarii—Lis contra Malaesiae ducem adversarium Anwar Ibrahim sodomiae accusatum in Kuala Lumpur initium capit.
• 2 Februarii—Candidati Praemiorum Academiae octogesimorum secundorum nominantur. Avatara et Custos Nocitus optime procedent nuncupationes novenas habentes. Ambae quoque inter decem candidatos optimae pellicularum sunt; prima vice ab anno 1943 plus quam quinque pelliculae considerantur.
• 1 Februarii—Tumultus contra regimen in omnis Russiae urbibus eveniunt. Centum participes Mosquae et Petropoli praehenduntur.
• 31 Ianuarii—Helveticus Rogerius Federer Britannicum Andream Murray superat, lucrans virorum singulorum titulum in Certamine Patente Australiano sive Australian Open anni 2010.
• 30 Ianuarii—Vigiles tumultum contra Sinarum potentiam in Kazachstania crescentem contraque Sinis venditionem omnium opum naturae mane in Almatı disiciunt.
• 29 Ianuarii—Dissidens Vietnamica Phạm Thanh Nghiên, quae Vietnamiae Factionem Communisticam regnantem maledicebat, quattuor annorum vinculis de famis contra rem publicam divulgandis punitur.
• 28 Ianuarii—Senatus Civitatum Foederatarum Americae approbat Ben Bernanke sicut principem vetero-novum Systematis Aerarii Foederalis.
• 27 Ianuarii—Milia cupidorum culturae Incarum venutorum ex Sinis, Britanniis, Hibernia, Nova Zelandia et terris aliis post terrae labinam Archaeoropoli Peruviae australis haerent. Viatores divitiores quingenta dollaria solvent ut devastationem effugiant qua quidem decem homines mortui sunt.
• 26 Ianuarii—Temperaturae egregie humiles Europam iugiter afficiunt. Exempli gratia in Polonia hac hieme iam plus quam ducenti incolae mortui sunt; hac nocte temperaturae ad -27–-32 Celsii gradus deminuuntur.
• 25 Ianuarii—Melamini indicia nova in alimentis lacteis in Re Publica Populari Sinarum inveniuntur tribus semestribus post scandalum prius, cum milia infantium eadem causa aegreverunt.
• 24 Ianuarii—Iacobus McCormick, vigil pristinus et princeps societatis Britanniarum ATSC, praehenditur quia telorum igniferorum detectorium mendax neque fungens in Iraquiam et Afghaniam vendebat evehebatque. Societas eius milliones librarum lucrata est fraude ista, qua multi homines indirecte occisi sunt.
• 23 Ianuarii—Circa 150 cadavera in puteos conferta post conflictiones religiosas in vico Kuru Nigerianae civitatis Plateau inveniuntur. Haec cadavera ad Musulmanos pertinuerunt quos Christiani die Martis ceciderunt. Nigeria circa 150 milliones incolarum habet, quorum 50.5 % Musulmani in septentrione et 48.2 % Christiani in meridie viventes sunt, civitate Plateau media in Nigeria sita.
• 22 Ianuarii—Alexius Dymovskij, Russiae vigil pristinus, notus quia vigilum ambitum per YouTube indicavit, praehenditur et fraudis ambitusque accusatur.
• 21 Ianuarii—Discrimine contempto oeconomia Rei Publicae Popularis Sinarum anno 2009 8.7% crevisse nuntiatur. Sinae Iaponiam ita superavisse et Civitates Foederatas Americae anno 2030 superare itaque maxima oeconomiarum mundi fieri aestimantur.
• 20 Ianuarii—Microsoft pannum contra foramen grave in securitate navigatoris Internet Explorer 6 amittit, postquam Francia et Germania suaserunt civibus suis ut navigatorem commutent.
• 19 Ianuarii—Concilium Salutis militum vigilumve numerum in Missione Consociationis Nationum propter Haitiae Constitutionem Firmiorem 3 500 hominibus auget. Multitudo militum Civitatum Foederatarum Americae ad aulam praesidialem advolat, afferrens vasa alimenta aquamque potui iucundam, penuria quorum violentia sive dimicatio capitis crescit. Milia hominum omni die curationis medicae inopia moriuntur. Tria dimidia millionis incolarum domu privati sunt et in publico habitant.
• 18 Ianuarii—Viginti contumaces Afghanici armati ad motum ṭālibān pertinentes contra aulam praesidialem et aedificia alia Caburae mediae composite incurrunt, petulanter demontrantes debilitatem novi hodie adituri regiminis Hamid Karzai.
• 17 Ianuarii—Papa Benedictus XVI Synagogam Maiorem Romanam controverse visit.
• 16 Ianuarii—Peritus politicorum Iaponiae Ichirō Ozawa se non abdicare confirmat, etsi eius auxiliatores in scandalo crescente pro pecunia ob Democraticam Factionem Iaponiae praehensi sunt.
• 15 Ianuarii—Sinarum societas vias aedificans autocinetum septendecim cadavera putescentia ab terrae motu anni 2005 requisita continens in humo prope Muzaffarabad Casmiriae Liberae in Pakistania septentrionali invenit.
• 14 Ianuarii—Interfector in foro quodam medioafghanico viginti homines telo ignifero occidit.
• 13 Ianuarii—Gentium Expositio Autocinetica Boreoamericana Detroiti Michiganiae in Civitatibus Foederatis Americae septentrionalibus evenit. Autocineta oecologica sicut responsum ad discrimen oeconomicum exhibentur.
• 12 Ianuarii—Fortissimus terrae motus magnitudinis 7.0 multa aedificia Haitiae deruit. Circa 30–200 milia sunt etiam victimarum. Portus Principis, huius pauperrimae terrarum Americanum caput, cum aula praesidiali evertitur.
• 11 Ianuarii—13.64 decies centena milia autocinetorum anno 2009 in Re Publica Populari Sinarum venditi sunt, quae ita maximum fororum autocineticorum mundi fit vice Civitatibus Foederatis Americae, ubi soli 10.4 miliones autocinetorum venditi sunt.
• 10 Ianuarii—Ioannes Josipović, dux adversariae Factionis Popularis Aequationis Bonorum, eligitur Croatiae praeses, 60.26 % punctorum accipiens et Milan Bandić superans. Ioannes Josipović sicut praeses tertius ab Croatia anno 1991 liberata in locum Stephani Mesić succedet.
• 9 Ianuarii—Centum cursus volati revocantur, quia tempestas acris Europa in omni permanet. Germaniae regimen ab hominibus rogat, ut alimentorum copiam ad aliquot dies sibi comparent seque domo hebdomade reliqua retineant.
• 8 Ianuarii—Cymba velox Ady Gil Pastoris Maritimi — Societatis ad Conservandum in Oceano Antarctico conatibus contrariis contemptis demergitur, corrupta postquam cum Iaponiae nave Shōnan Maru balaenas venante conflixerat.
• 7 Ianuarii—Nuntius specialis Consociationis Nationum Philippus Alston dicit tres peritos suo arbitrio confirmare quod pellicula telephono gestabili confecta ostendens caedes extra iudicium exercitu Taprobanensi commissas vera est.
• 6 Ianuarii—Terrorista telum igniferum autocineticum apud vigilum domum in Machatscala in Daghestania Russiae meridionalis ad fulmen adducit, sibi et quidem septem vigilibus mortem consciscens et sedecim vulnerans.
• 5 Ianuarii—Ministerium rerum externarum Civitatum Foederatarum Americae nuntiat modum tractandi delectorum peregrinorum mutandum esse, postquam tertius invocatus in cenam ministro primo Indico apparatam penetravit.
• 4 Ianuarii—52 bini innputi in Malaesia corruptelae accusantur et in carcerem fortasse includentur, postquam propter castitatem morum vigiles Islamici eos solos in deversorii diaetis arripuerunt.
• 3 Ianuarii—Centum homines magnam olei amissionem in Wèi flumine Sinarum septentrionalium sistere student, ne in Croceum Fluvium penetret.
• 2 Ianuarii—Societas Hibernia Athea verba blasphema Iesu Christi, Machometi, Salman Rushdie, Mark Twain et Papae Benedicti XVI in situ interretali suo dolose vulgat, ut legi novae blasphemiam vetanti refragetur.
• 1 Ianuarii—Eruditi nuntiant cellulas Schwann esse causam probabilem morbi tumorum facialium sarcophili harrisii. Hic morbus transmissibilis numerum sarcophilorum harrisii sive diabolorum Tascmanicorum tribus partibus quintis intra decem annos depressit.

Nati

Nati huius anni desiderati (additis natis, hanc formulam remove, vide etiam 0 fere paginas in categoria Categoria:Nati 2010)

Mortui

Mense Ianuario

• 1
  • Freya von Moltke, iuris consulta et scriptrix Germanica (nata 1911).
  • Lhasa de Sela, cantrix Mexico - Americana; nata est anno 1972.
• 7 - Philippus Séguin, politicorum peritus Francicus; natus est anno 1943.
• 8 - Otmar Suitner, concentus magister Austriacus; natus est anno 1922.
• 10 - Ericus Rohmer, moderator cinematographicus Francogallicus (natus 1920)
• 11 - Miep Gies, mulier Nederlandica, quae familiae Iudaicae Annae Franck a Nazistis persecuta auxilium dedit (nata 1909).
• 12 - Zilda Arns, paediatra Brasiliensis; nata est anno 1934.
• 24 - Robertus Mosbacher, rerum politicarum peritus Americanus et mercaturae minister Civitatum Foederatarum; natus est anno 1927.
• 28 - Eduardus Catalano, architectus Argentinus, natus est anno 1917.

Mense Februario

• 7 Februarii - Franciscus Ballerini, birotarius Italicus; natus est anno 1964.

Mense Martio

• 1 - Christianus Digby, BBC televisionis ductor; natus est anno 1977.
• 4 - Iacobus Marseille, rerum gestarum scriptor et oeconomiae peritus Francicus; natus est anno 1945.
• 7 - Wolfgangus Frankenstein, pictor Germanicus, natus est anno 1918.
• 12 - Michael Delibes, mythistoriarum scriptor Hispanicus; natus est anno 1920.
• 13 - Ioannes van Mierlo, rerum politicarum peritus Nederlandicus factionis Democratiae 66; natus est anno 1931.
• 21 - Wolfgangus Wagner, moderator theatralis Germaniae (natus 1919).
• 30 - Petrus Flinsch, artifex Canadensis oriundus e Germania; natus est anno 1920.

Mense Aprili

• 1 - Tzannes Tzannetaces, vir publicus Graecus; natus est anno 1927.
• 4 - Clifford Morris Hardin, politicorum peritus et agriculturae minister Civitatum Foederatarum, natus est anno 1915
• 10
  • Lechus Kaczyński Poloniae praeses in sinistro casu aeroplani (natus 1949).
  • Ricardus Kaczorowski, rerum politicarum peritus Polonus et postremus administrationis Polonicae in exsilio praeses in casu aeroplani; natus est anno 1919.
  • Ioannes Kurtyka, rerum gestarum scriptor Polonus; natus est anno 1960.
  • Slavomirus Skrzypek, oeconomiae peritus et argentarius Polonicus in sinistro casu aeroplani; natus est anno 1963.
  • Anna Walentynowicz, collegiorum operariorum dux Polonica; nata est anno 1929.
• 11 - Edmundus Berselli, diurnarius Italicus; natus est anno 1951.
• 16 - Thomas Špidlík, cardinalis Cechicus; natus est anno 1919.
• 20 - Dorothea Height, mulier Americana quae pro iuribus mulierum Americanarum ex Africa ortarum pugnavit; nata est anno 1912.

Mense Maio

• 3
  • Ludovicus Amaducci, Ravennae (Archidioecesis Ravennatensis-Cerviensis) archiepiscopus; natus est anno 1923.
  • Guenter Wendt, machinator Germanicus; natus est anno 1924.
• 15
  • Ioannes Shepherd-Barron, artifex et inventor Britannicus; natus est anno 1925.
  • Loris Kessel, autocinetorum ductor Helveticus; natus est anno 1950.
• 22 - Martinus Gardner, Americanus polymathes et scriptor de mathematica et scientia; natus est anno 1914.
• 25 - Silvius Magnago, rerum politicarum peritus Altae Athesiae - Tirolis Meridionalis. Natus est anno 1914.
• 28 - Slim Bryant, musicus, cantuum scriptor, et cantor Americanus; natus est anno 1908.
• 31 - Ludovica Bourgeois, sculptrix Francica; nata est anno 1911.

Mense Iunio

• 3
  • Vladimirus Arnold, mathematicus Sovieticus et Russicus; natus est anno 1937.
  • Ludovicus Padovese, presbyter, theologus et Ordinis Fratrum Minorum Capuccinorum frater, fuit episcopus et Anatoliae vicarius apostolicusnecatus est; natus est anno 1947.
• 8 - Rogerius Sablonier, rerum gestarum scriptor Helveticus; natus est anno 1941.
• 18 - Iosephus Saramago, scriptor (natus 1922).
• 20 - Robertus Rosato, pedilusor Italianus; natus est anno 1943.
• 23 - Machometus Mzali, rerum politicarum peritus Tunesicus; natus est anno 1925.
• 27 - Rina Gagliardi, diurnaria et rerum politicarum perita Italica; nata est anno 1947.
• 28 - Nicolaus Hayek, magister officinarum Helveticus; natus est anno 1928.

Mense Iulio

• 5 - Caesar Siepi, cantor Italicus; natus est anno 1935.
• 11 - Gunterus Behnisch, architectus Germanicus, natus est anno 1922.
• 12 - Pius Njawé, diurnarius Cameroniensis; natus est anno 1957.
• 19 - Caecilia Aubry, actrix Francica; nata est anno 1928.
• 21 - Ludovicus Corvalán, rerum politicarum peritus Chilensis Factionis Communisticae Chilensis; natus est anno 1916.
• 24 - Theodorus Albrecht, conditor cum fratre societatis tabernarum victus ALDI; natus est anno 1922.

Mense Augusto

• 6 Augusti - Antonius Judt, rerum gestarum scriptor Britannicus; natus est anno 1948.
• 21 Augusti - Christophorus Schlingensief, moderator cinematographicus, theatralis et operum lyricorum Germanicus; natus est anno 1960.

Mense Septembri

• 3 Septembris - Noah Howard, saxophonista Americanus; natus est anno 1943.
• 11 Septembris - Bärbel Bohley, pictrix Theodisca, quae in Re publica Democratica Germanica pro hominum iuribus pugnavit; nata est anno 1945.
• 21 Septembris - Bernardus Genoud, episcopus Helveticus Dioecesis Lausannensis, Genevensis, et Friburgensis; natus est anno 1942.

Mense Octobri

• 5 - Stephanus Lee, musicus et cantor Helveticus gregis Gotthard; natus est anno 1963.
• 19 - Thomas Bosley, televisionis histrio Americanus; natus est anno 1927.
• 24 - Georgius Frêche, rerum politicarum peritus Francicus; natus est anno 1938.
• 30 - Henricus Mulisch, scriptor Nederlandicus; anno 1927 natus est.

Mense Decembri

• 12 Decembris - Claudia Vinciguerra, diurnaria Italiana; nata est anno 1923.
• 13 Decembris - Ricardus Holbrooke, legatus, diurnarius et argentarius Americanus; natus est anno 1941.
• 18 Decembris - Thomas Padoa Schioppa, oeconomiae et rerum politicarum peritus Italianus; natus est anno 1940.
• 21 Decembris - Aentius Bearzot, pedilusor Italianus; natus est anno 1927.

Cultura popularis

Radiophonia

• Series radiophonica My First Planet a BBC Radio ultimo emissa (incipit anno 1995).

Pelliculae

• Das Ende ist mein Anfang (Germania)
• Des hommes et des dieux (Francia)

Series televisificae

• Die 27 Martii "Victorious" series Americana coepta est.

Series televisificae Interretiales

• Pioneer One (CFA)

Ludi consularum lusoriarum

• Red Dead Redemption