YouTube
YouTube (a verbis Anglicis you 'tu' + tube 'tubus', familiariter = televistrum) est situs interretialis, in quo usores pelliculas intueri et ingerere et in quo inter se communicare possunt.
Tres operarii corporationis PayPal Youtube die 14 Februarii 2005 creaverunt, et prima pellicula die 23 Aprilis eodem anno monstraverunt.[1] Mense Novembri anni 2006 YouTube a Google pretio USD 1 650 000 000 emptum est, et nunc subsidiarius eius fungitur.[2] Societas sedem habet Sancto Bruno in urbe Californiensi sitam, et Adobe Flash Video technologia utitur, ut varia spectacula ab usoribus creata ostendantur, inclusis excerptis pellicularum programmatumque televisificorum et musica, necnon rebus otiosis ut blogosphaera. Plurima contenta in Youtube a singulis hominibus ingeruntur, quamquam societates publicae sicut CBS, BBC, aliaeque societates res suas ut socii corporationis Youtube proferunt.[3]
Omnes usores, etiam si non consignaverunt, pelliculas spectare valent, dum tantum usores, qui consignaverint, pelliculas ingerere possunt. Pelliculas spectare, qui nefasta continere putentur, usoribus solis plus quam duodeviginti annos natis licet. Ingerere pelliculas, qui obtrectationes et pornographiam contineant vel iura aliena violent, stricte prohibitum est.
Notae
recensere- ↑ „Das allererste YouTube-Video: Ältester Clip feiert zehnjähriges Jubiläum“ (visum 5 Novembris 2017) (Theodisce).
- ↑ "Google To Acquire YouTube for $1.65 Billion in Stock" (visum 5 Novembris 2017) (Anglice).
- ↑ Explicatio programmatis societatis inter corporationem YouTube et sociis eius (visum 5 Novembris 2017) (Anglice).
Nexus externi
recensere
|
Vicimedia Communia plura habent quae ad YouTube spectant. |