Euro

Euro (€) est moneta zonae euronis usque ab Kalendis Ianuariis 1999. Zona Euronis est zona in EMU, quod est conventus oeconomiae monetarumque terrarum Europae. Ioannes Claudius Juncker, pristinus Luxemburgi primus minister, ab anno 2005 usque ad annum 2013 fuit praeses gregis euronis. Die 21 Ianuarii 2013, Jeroen Dijsselbloem Batavus praeses electus est.

Euronis signum.

Nummi et chartae argentariae euronis.

De vocabulo Latino

Latinistae disputant quae forma declinationis adhibenda sit: euro (indecl.) vel euro, -nis, vel euronus, -i, vel fortasse etiam euro, -us, sicut declinatione quarta nominum Graecorum.

Regulae Unionis Europaeae de declinatione vocabuli euro variant inter linguas et instituta; e.g. vox est indeclinabilis in lingua Anglica secundum Commissionem sed non semper secundum Consilium ac usitate declinatur sicut "město" in lingua Bohemica (vide vocem "euro" in datorum repositorio terminologico Unionis Europaeae). Hispani autem et Lusitani et Francogalli et cives Civitatum Foederatarum Americae forma pluralis numeri, euros, utuntur. Etiam Britanni et Germani hac forma utuntur, si euro vox sine verbo numerali stat. Sed Graecis vocabulum indeclinabile est.

In Germania, prima littera est maiuscula; in Graecia, litteris Graecis verbum scribitur ευρώ.

Alii populi—exempli gratia, Lituani, Sloveni—propriis scribendi formis adhuc utuntur. In Russia et Bulgaria, litteris cyrillicis scribitur: евро.

De historia

• 1970 - "Relatio Werneris": Fundamentum proposito factum est anno 1971. Tunc propositum est ut moneta et res familiaris in Unione Europaea iungantur.
• 1979 - Consilio cancellarii Schmidt et praesidis Giscard d'Estaing Systema Monetae Europaeae institutum est.
• 1996 - Charta monetae Euroni(s) publica facta est.
• 1998 - Argentaria primaria Europaea condita est.
• 1999 - Index mutandi factus est et Euro introductus, incolis autem nomismatibus et tesseris papyri antiquis usis.
• 2002 - Nomismata et tesserae papyri introductae sunt.
• 2002 - Praemium Caroli Magni accepit.
• 2011 - propter magna debita in Graecia, Hibernia, Lusitania, Hispania, et nunc etiam Italia putatur tenui filo suspensam harum rerum publicarum et Euronis ipsius salutem esse

Euronis terrae

Terrae caeruleae Berolinenses (ab anno 2002) et caeruleae sunt Unionis Europaeae civitates ubi nunc euro rite adhibetur.

1. Austria
2. Batavia
3. Belgica
4. Croatia
5. Cyprus
6. Estonia
7. Finnia
8. Francia
9. Germania
10. Graecia
11. Hibernia
12. Hispania
13. Italia
14. Lettonia
15. Lituania
16. Lusitania
17. Luxemburgum
18. Melita
19. Slovacia
20. Slovenia

Andorra, Monoecus, Sanctus Marinus et Civitas Vaticana foedera cum Unione Europaea habent ut utantur euronem. Mons Niger et Kosovia etiam euronem utuntur sed sine foederibus cum unione.

Nexus interni

• Glossarium rerum oeconomicarum
• Starterkit
• Unio Europaea

Fontes

• 1996. Genovefae Immè "Proposita de Europaea Moneta", Vox Latina, M.A.S., [1]
• 1998. Caelestis Eichenseer "De nova pecunia Europaea", Vocis Latinae 34(134):47.
• 1998. Iohannis Pauli Bauer "De nova pecunia Europaea" 34(134):152–168.
• 1998. Sigridis Albert "De Pecunia Europaea", Vocis Latinae 34(134):556–559.
• 1999. Genovefae Immè "De Nova Moneta vel Pecunia Europaea", M.A.S. 48:16.
• 1998. Sigridis Albert "De Nova Pecunia Europaea", Vocis Latinae 35(138):547–549.
• 2002. Caelestis Eichenseer "De nova pecunia Europaea", Vocis Latinae 38(147):9–14.
• 2002a. Erici Palmén "Euro an euronus?", Melissa vol. 107; item Vocis Latinae 38(147):267–269.
• 2002b. Erici Palmén "Euro an Euronus an Europaeus?", M.A.S. 56.
• 2002. Roberti Deprez "De nova moneta Europaea recte (quantum licet!) nominanda", Melissa 111:12–15.
• 2008. Petrus du Bois de Dunilac, Histoire de l’Europe monétaire, PUF, Lutetiae Parisiorum.

Nexus externi

Vicimedia Communia plura habent quae ad euronem spectant.

• [2] Ioannis Pauli Agricolae Professoris Iuris civilis in Studiorum Universitate Saravipontana oratiuncula DE EVRONE.
• Euro (Chartae argentariae) (Theodisce, Anglice, Francogallice)

De Unione Europaea

Praecursores Communitates (Communitas carbonis et chalybis · Communitas oeconomica) Instituta Consilium Europaeum · Commissio · Consilium · Parlamentum · Argentaria primaria · Curia · Curia rationum Comitia Anni 1979 · Anni 2014 · Anni 2019 Signa Dies Europae · Europa et taurus · Hymnus · Vexillum Varia Euro · Linguae · Index linguarum in isdem linguis notatarum · Societas Europaea · Societas privata Europaea · Societas Cooperativa Europaea · Eurostat · Life · Praemium Sacharov · Ministerium a rebus exteris · Officium vigilum · Schola Europaea · Ducatus aërinavigationis · Index actuum legiferorum Unionis Europaeae Rei publicae status Charta de iuribus fundamentalibus · Foedus Romae ictum (Foedus de operatione Unionis) · Foedus Traiecti Mosae ictum (Foedus de Unione) Emendationes Foedus Bruxellis ictum · Foedus Parisiis ictum · Foedus Schengis ictum · Actus unicus Europaeus · Foedus Amstelodami ictum · Foedus Nicaeae ictum · Foedus Olisipone ictum Porta