Vietnamia

Vietnamia

Res apud Vicidata repertae:

Terra continens: Asia
Territoria finitima: Res publica popularis Sinarum, Cambosia, Laotia
Locus: 16°0′0″N 108°0′0″E
Caput: Hanoi
Nomen officiale: Cộng hòa Xã hội Chủ nghĩa Việt Nam, Socialist Republic of Vietnam, Việt Nam, République socialiste du Vietnam

Gestio

non foederalis
Princeps: Nguyễn Xuân Phúc
Praefectus: Phạm Minh Chính
Consilium: National Assembly of Vietnam
Situs interretialis

Populus

Numerus: 96 208 984
Sermo publicus: lingua Vietnamica
Zona horaria: UTC+07:00, Asia/Ho_Chi_Minh
Moneta: Vietnam Dong

Commemoratio

Paean: Tiến quân ca

Sigla

ISO VN, VNM, 704; IOC VIE
Dominium interretiale: .vn
Praefixum telephonicum: +84
Siglum autoraedarum: VN

Tabula aut despectus

Vietnamia (vulgo Việt Nam), plenius Cộng hòa Xã hội chủ nghĩa Việt Nam ('res publica socialistica Vietnamica'), est civitas in Asia Meridiana et Orientali sita. Cuius terrae, in maxime orientali paeninsulae Indosinensis continentisque Asianae regione iacentes, 311 699 chiliometra quadrata comprehendunt. Multitudo est plus quam 96 milliones incolarum, ut Vietamia sit quinta decima a maxima orbis terrarum civitas. Finitimae sunt Sinae ad septentriones et Laotia et Cambosia ad occidentem, ac Vietnamia fines maritimos cum Thailandia in Sinu Siamensi et cum Philippinis, Indonesia, Malaesiaque in Mari Sinensi Australi partitur. Caput Hanoi, maxima urbs Hochiminhopolis est.

Tympanum aeneum culturae Đông Sơn, circa annum 800 a.C.n.

Mausoleum Ho Chi Minh, ducis communistae.

Vietnamia aevo Palaeolithico aut ante ab hominibus habitabatur. Primae civitates notae in delta Fluminis Rubri, in hodierna Vietnamiae Septentrionalis regione, millennio primo a.C.n. florebant. Domus Han Vietnamiam Septentrionalem et Mediam in suam dicionem redegit, atque variae domus Sinicae ab anno 111 a.C.n. ad Domum Ngô anno 939 ortam regebant, Proelio Bạch Đằng Flumine confecto. Sequentes domus regnantes indigenae momentum Sinicum per Confucianismum et Buddhismum absorbebant, atque sese in meridiem usque ad Deltam Mecongensem extendebant. Nguyễn, ultima domus imperialis, anno 1887 in Franciae potestatem cecidit, unde Vietnamia colonia Francica facta est. Nationalistae autem Viet Minh, Ho Chi Minh homine seditioso communisticoque duce, post Res Novas Augusti libertatem a Francia anno 1945 declaraverunt.

Bello orbis terrarum secundo confecto, territorium Vietnamiense in duas res publicas divisa est, parte septentrionali communistica et parte meridiana noncommunista. Deinde, sicut Corea, terra Vietnamensis fuit situs Belli Frigidi inter Unionem Rerum Publicarum Sovieticarum Socialisticarum et Civitates Foederatas. Iam anno 1975, post viginti annos belli, pars septentrionalis partem meridianam tandem vicit, ut tota Vietnamia communistica esset.

Geographia

Urbes

• Ben Tre (116 000 incolae)
• Ca Mau (204 895)
• Hochiminhopolis (circa 7 000 000)
• Nha Trang (392 442)
• Phanthietum (350 000)
• Thanh Hoa (200 000)
• Vinh Long (147 000)

Insulae

• Phu Quoc (524 km²)

Speluncae

• Phong Nha

Biodiversitas

Genera et species in Vietnamia indigenae, modo horologico a summa dextra: Rheinardia (Phasianidae), Pygathrix nemaeus (Cercopithecidae), Panthera pardus delacouri (Felidae), Pseudoryx nghetinhensis (saola vulgo appellatus, Bovidae).

Vietnamia, quia intra regnum Indomalayanum iacet, est una ex viginti quinque civitatibus cui unice altus biodiversitatis gradus est, quod in Relatu Nationali de Condicione Circumiectorum anno 2005 nuntiatum est. Sua biodiversitas gradum sextum decimum in mundo habet, quia sedecim centesimae ex speciebus orbis terrarum ibi habitant. Species 15 986 florae in civitate agnoscuntur, quarum decem centesimae endemicae sunt. Inter fauna Vietnamica sunt 307 nematodorum species, 200 oligochaetorum, 145 acarinorum, 113 collembolorum, 7750 insectorum, 260 reptilium, et 120 amphibiorum. Circiter 840 avium et 310 mammalium species in civitate inveniuntur, quarum 100 avium et 78 mammalium endemicae sunt. Vietnamiae sunt duo situs patrimonii totius mundi, qui Sinus Hạ Long et Viridium Nationale Phong Nha-Kẻ Bàng sunt, una cum novem biosphaeris reservatis, inter quas Silva Mangle Cần Giờ, Viridium Nationale Cát Tiên, Viridium Nationale Cát Bà, Viridium Nationale U Minh Thượng, Delta Fluminis Rubri, Delta Mecongensis, Nghệ An Occidentalis, Viridium Nationale Mũi Cà, et Viridium Marinum Cu Lao Cham.

Commeatus

Aeroportus

• Aeroportus Buon Ma Thuot
• Aeroportus Ca Mau
• Aeroportus Cần Thơ
• Aeroportus Côn Đảo
• Aeroportus Dong Tac
• Aeroportus Internationalis Da Nang
• Aeroportus Internationalis Tan Son Nhat
• Aeroportus Phu Cat
• Aeroportus Phú Bài
• Aeroportus Pleiku

Nexus interni

Oblectamenta naturalia in Vietnamia, modo horologico a summa: Sinus Hạ Long, Flumen Yến, et Cataracta Bản-Giốc.

• Balut
• Bảo Đại
• Bellum Indosinense II
• Nuoc-mam

Bibliographia

Generalia

• Dror, Olga. 2018. Making Two Vietnams: War and Youth Identities, 1965–1975. Cantabrigiae: Cambridge University Press. ISBN 9781108470124.
• Goscha, Christopher. 2016. Vietnam: A New History. Basic Books. ISBN 9780465094363.
• Holcombe, Alec. 2020. Mass Mobilization in the Democratic Republic of Vietnam, 1945–1960. Honolulu: University of Hawaiʻi Press. ISBN 9780824884475.
• Nguyen, Lien-Hang T. 2012. Hanoi's War: An International History of the War for Peace in Vietnam.' University of North Carolina Press. ISBN 9780807835517.
• Richardson, John. 1876. A school manual of modern geography: Physical and political.
• Vu, Tuong, et Sean Fear. 2020. The Republic of Vietnam, 1955–1975: Vietnamese Perspectives on Nation Building. Ithacae Novi Eboraci: Cornell University Press. ISBN 9781501745133.

De rebus socialibus

• Catlla, Michel, Gilbert de Terssac, et Truong An Quoc, eds. 2014. Viêt-Nam en transitions. Lugduni: ENS Éditions. ISBN 9782847885866. Textus apud OpenEdition Books.
• Daum, Pierre. 2019. "Résistances paysannes au Vietnam." Le Monde diplomatique, Februarius.
• Werner, Jayne, et Danièle Bélanger, eds. 2002. Gender, Household, State: Doi Moi in Viet Nam. Ithacae: Cornell University Southeast Asia Program. (Paginae selectae apud Google Books).

De historia

• Chesneaux, Jean. 1966. The Vietnamese Nations: Contribution to a History. Current Book Distributors.
• Cuong, Le Van, Nguyen Van Quy, et Pham Duong Hiên. 1988. "Un essai sur l'économie vietnamienne depuis 1975." Revue d'études comparatives Est-Ouest 19 (4): 101–16.
• Dutton, George, Jayne Werner, et John K. Whitmore, edd. 2012. Sources of Vietnamese Tradition. Novi Eboraci: Columbia University Press. (Paginae selectae apud Google Books).
• Guillemot, François. 2017. Viêt-Nam, fractures d'une nation: Une histoire contemporaine de 1858 à nos jours. Lutetiae: La découverte.
• Karnow, Stanley. 1997. Vietnam: a history. Novi Eboraci: Penguin Books. ISBN 0-14-026547-3.
• Macholdt, Enrico, et al. 2020. "The paternal and maternal genetic history of Vietnamese populations." European Journal of Human Genetics 28: 636–45.
• Miller, Edward. 2013. Misalliance: Ngo Dinh Diem, the United States, and the Fate of South Vietnam. Cantabrigiae Massachusettae: Harvard University Press.
• Taylor, Keith Weller. 1983. The Birth of Vietnam. Berkeleiae: University of California Press/ (Paginae selectae apud Google Books).
• Thái Nguyên, Văn, et Văn Mừng Nguyẽ̂n. 1958). A Short History of Viet-Nam. Vietnamese-American Association.

Nexus externi

Vicimedia Communia plura habent quae ad Vietnamiam spectant.

Situs geographici et historici: Locus: 16°0′0″N 108°0′0″E • OpenStreetMap • GeoNames • Thesaurus Getty • Commentatio Theodisce, Francogallice, Italice apud Lexicon historicum Helveticum • Store norske Lexikon • Treccani • Большая российская энциклопедия • Encyclopædia Britannica

Civitates et territoria Asiae

Opus geopoliticum • Nationes mundi • Asia

Capsae cognatae: Africa • America • Europa • Oceania

Vietnamia : politica

Praesides Vietnamiae

Hồ Chí Minh 1945 • Tôn Đức Thắng 1969 • Nguyễn Hữu Thọ 1980 • Trường Chinh 1981 • Võ Chí Công 1987 • Lê Đức Anh 1992 • Trần Đức Lương 1997 • Nguyễn Minh Triết 2006 • Trương Tấn Sang 2011 • Trần Đại Quang 2016 • Nguyễn Phú Trọng 2018 • Nguyễn Xuân Phúc 2021 • Võ Thị Ánh Xuân 2023 ad interim Opus geopoliticum • Duces civitatum Asiaticarum hodiernarum Capsae cognatae: Primi ministri Vietnamiae

Primi ministri Vietnamiae

Hồ Chí Minh 1945 • Phạm Văn Đồng 1955/1976 • Phạm Hùng 1987 • Đỗ Mười 1988 • Võ Văn Kiệt 1991 • Phan Văn Khải 1997 • Nguyễn Tấn Dũng 2006 • Nguyễn Xuân Phúc 2016 • Phạm Minh Chính 2021 Opus geopoliticum • Gubernatores civitatum Asiaticarum hodiernarum Capsae cognatae: Praesides Vietnamiae