2020

Annus 2020 e serie paginarum brevium de annis.

2020 = MMXX. De nostro numerorum Romanorum usu hic legere potes. Ut de numero 2020 legas, vide 2020 (numerus).

Eventa

Zoran Milanović

• 24 Ianuarii 2020 : Sinais virus 2019-nCoV iam 26 personas interfecit. Regnum decidit undecim urbes a ceteris segregandas esse.
• 5 Ianuarii 2020 : Zoran Milanović, qui primus minister Croatiae ab anno 2011 usque in 2016 fuerat, praeses electus est

Aedes Sancta Sophiae

• 10 Iulii : Turcicum civitatis consilium conversionem diei 24 Novembris 1934 meschitae Hagiae Sophiae in museum dissolvendam esse nuntiavit.
• 29 Septembris : Ordo mundi sanitarius plus quam 33 000 000 infectos et plus quam 1 000 000 mortuos morbi coronarii viri anni 2019 detulit.

Civitates (caeruleae) qui foederi intersunt

• 22 Octobris : Praemium Sacharovianum huius anni a Parlamento Europaeo ad oppositionem democraticam Rutheniae albae attributum est.
• 24 Octobris : Foedus de interdictione armorum nuclearium iamdiu a 122 civitatibus subcriptum tandem a quinquaginta earum ratum factum est. Quinquagesima ratifactio hodie in Honduria peracta est.
• 30 Octobris : Terrae motus fortitudinis 7.0 e centro sub Mare Aegaeum prope Smyrna pansum in Turcia 92 homines necavit et nonnulla aedificia delevit. Duo neces et minora damna e Samo insula deferuntur.

Introitus aeroportus noctu

• 31 Octobris : Aeroportus Berolino-Brandenburgensis (BER) per quattuordecim annos constructus hodie apertus est. Tertius Germaniae est quoad magnitudinem.
• 1 Novembris : Fortissimus typhon marinus "Goni" plures insulas Philippinas necnon Manilam, caput earum, vastavit. Velocitas venti 320 km/h assecuta est.
• 2 Novembris : Viennae prope synagogam quattuor homines a iuvene muslimo ibidem nato armis igniferis necati et alii viginti duo laesi sunt.
• 7 Novembris : Iosephus Biden praeses CFA (contra Donaldum Trump) electus est.
• 7 Novembris : Cyclon Eta inter civitates Nicaraguam et Guatemalam 207 homines necavit.
• 9 Novembris : Numerus morbo COVID-19 probatorum infectorum 50 000 000 superavit. 1 250 000 eo morbo mortui sunt.
• 29 Decembris : Terrae motus magnitudinis 6.4 (in scala Richterana) Croatiam percussit. Fuit fortissimus motus usquam in Croatia notus. Epicentrum prope oppidum Petriniam erat. Postridie septem homines necati numerati sunt.

Mortui

Qasem Soleimani et Abu Mahdi al-Muhandis

• 3 Ianuarii 2020 : Qasem Soleimani, dux exercituum Iranicorum, cum Abu Mahdi al-Muhandis praetore Iracensi aliisque, prope aëroportum Bagdatensem ictu pyrobolico iussu praeside Americano Donaldo Trump interfectus est.

Victorius Gregotti

• 15 Martii : Victorius Gregotti, architectus Italus, causa coronaviri mortuus est.

Accadde al commissariato

• 23 Martii : Lucia Bosè, actrix Itala, annum nonagesimum agens causa coronaviri mortua est.

Valerius Giscard d'Estaing

• 16 Octobris : Magister scholae Confluentii Sanctae Honorinae prope Lutetiam ab iuvene Tsetsenico foris cultro aggressus et decapitatus est. Aggressor postea a vigilibus necatus est.
• 2 Decembris : Valerius Giscard d'Estaing, pristinus praeses Rei Publicae Franciae, Covid-19 affectus Authonae mortuus est.