Vicipaedia

Salvatoria

Schlaegel und eisen yellow.svg -2 Latinitas huius rei dubia est. Corrige si potes. Vide {{latinitas}}.
Wikidata Salvatoria
Res apud Vicidata repertae:
Salvatoria: insigne
Salvatoria: vexillum
Terra continens: America Septentrionalis
Territoria finitima: Honduria, Guatimala
Locus: 13°40′8″N 88°51′58″W
Caput: Urbs Sancti Salvatoris
Nomen officiale: El Salvador, la République du Salvador

Gestio

Princeps: Nayib Bukele
Praefectus: Nayib Bukele
Consilium: Legislative Assembly of El Salvador
Situs interretialis

Populus

Numerus: 5 744 113
Sermo publicus: lingua Hispanica
Zona horaria: UTC−6, America/El_Salvador
Moneta: dollarium Civitatum Foederatarum, bitcoin

Commemoratio

Paean: National anthem of El Salvador

Sigla

ISO SV, SLV, 222; IOC ESA
Dominium interretiale: .sv
Praefixum telephonicum: +503
Siglum autoraedarum: ES

Tabula aut despectus

Salvatoria: situs

Salvatoria[1] (Hispanice El Salvador), rite Res Publica Salvatoria (Hispanice República de El Salvador) est civitas sui iuris in America Media sita. Ad septentriones et occidentem Guatimalae, ad septentriones et orientem Honduriae finitima est, et ad meridiem Oceano Pacifico alluitur. Ad meridiem et orientem a Nicaragua Sinu Fonseca[2] (Hispanice Golfo de Fonseca) disiungitur. Minima civitas in extensione, sed maxima in spissitudine incolarum in America Media est.

Libertas ab Hispania anno 1821 adepta est. Annis ab 1823 ad 1838 ad Rem Publicam Foederalem Mediae Americae pertinuit. Annis a 1980 ad 1992 locus fuit belli civilis Salvatoriani inter gubernii copias militares et rebelles Frontis Faramundi Martí pro Liberatione Nationali (Hispanice Frente Farabundo Martí para la Liberación Nacional et siglis FMLN) copias; quo confecto, huius civitatis pacandae et democratizandae rationes coeperunt.

Oeconomica structura diu fundata est plerumque florente in agricultura plantationis (coffeae, gossypii, sacchari), plerisque agris in paucorum latifundiorum possessorum manus collatis. Nuperrime, industrializationis et oeconomicae diversificationis rationes acciderunt.

Die 7 Septembris anni 2021, prima civitas in toto orbe terrarum quae bitinummum[3] monetam legitimam, iuxta cum dollario Civitatum Foederatarum, asciverat facta est.[4]

EtymologiaRecensere

Conquisitator Petrus de Alvarado novam provinciam ex Iesu Christo San Salvador (scilicet "Sanctus Salvator") nuncupavit. Huius territorii nomen, provinciam Sancti Michaëlis[5] (Hispanice San Miguel) includens, ad Provincia de Nuestro Señor Jesús Cristo, El Salvador del Mundo (scilicet "Provincia Nostri Domini Iesū Christi, Salvatoris Mundi") deinde amplificata est, cuius nomen República de El Salvador seu Salvador Hispanice per tempus post Rem publicam Foederalem breviatum est; et, denique, nuncupatum Hispanice est El Salvador.[6] Ex hoc Hispanico vocabulo venit Latinum nomen "Salvatoria"[1]

HistoriaRecensere

Origo et colonizatioRecensere

 
Conquisitator Hispanus Petrus de Alvarado.

Praecolumbiano in aevo, haec natio primum a Mayis, deinde a Pipilibus -Toltecā[7] populo- inhabitata est. Qui ultimi circa anno 1000 hac in areā consederunt et Cuzcatlan[8][9] caput elegerunt.

Huius territorii colonizatio Europaea anno 1524 coepit, Hispanicā expeditione a Petro de Alvarado ductā. Qui, e Guatimalā veniens, Pipiles vicit et eorum caput cepit; frater Didacus de Alvarado Huanitzin Urbem Sancti Salvatoris[10][11] seu Soteropolin[9], praesens huius nationis caput, condidit, quam e Transfiguratione Iesū vocavit.

Saeculum XIX et libertasRecensere

 
Pictura de Primi Libertatis Motūs celebratione Soteropoli. Mediā in picturā, Iosephus Matthias Delgado.

Hispanicae dicioni subactā et administrative obnoxiā Archegiae Generali Guatimaliae (Hispanice Capitanía General de Guatemala), anno 1811 coeperunt motūs patriotici,[3] a creolis parati. Guatimala libera facta est annis decem postea, annexā Salvatoriā; sed vicissim annexa est a Mexicum uno anno postea. Quamquam Coniunctarum Mediae Americae Provinciarum (Hispanice Provincias Unidas del Centro de América) partem fuit, Salvatoria anno 1841 libera facta est. Exeunte saeculo XIX, aliquot conatūs rursus Mediae Americae unificandae sub supranationalis politicae instituti aegide quod omnes huius zonae nationes coniungeret frustrati sunt; ergo inevitabilis fuit unificatio Mediae Americae.

Saeculum XX et Bellum CivileRecensere

 
Generalis Maximiliani Hernández Martínez herma Sancti Matthiae in Libertate, in Salvatoriā.

Intestinus politicus status omnino mutavit cum potestas anno 1931 a generali Maximiliano Hernández Martínez prehensa est, cuius dictatura Potestatibus Axis favit. Nihilominus, Iaponicus impetus in Portum Margaritarum a Salvatoriae cursū deflexit, appropinquato dictatore Civitatibus Foederatis Americae. Memorandum est ut anno 1932 acciderit Salvadoriensium agricolarum caedes, La Matanza nuncupata.

Huius generalis dominatus anno 1939 vacillare coepit, cum inceptus est industralizationis processus: cuius sociales inaequalitas tumultūsque ut Maximilianus Hernández Martínez politicā de scaenā anno 1944 decederet induxerunt. Cui successerunt generalis Salvator Castaneda Castro uno anno postea et Anscharius Osorio anno 1948. Qui ultimus muneri Praesidis Rei Publicae anno 1950 electus est; non obstantibus democraticā eius electione et modico eius reformationum programmate, tyrannico modo nationem gessit. Gubernium anno 1956 reliquit Iosepho Mariae Lemus, qui ex officio anno 1960 per praxicopēma amotus est, quod favit formationi consilii militaris.[12]

 
Generalis Carolus Humbertus Romero, ultimus e militaribus praesidibus, anno 1977.

Graves intestinae difficultates semper complicatiores durioresque factae sunt ut causaretur novae adversae factionis formatio; cuius candidatus Iosephus Napoleo Duarte demochristianus[12] erat. Hic status, iam tunc instabilis periculosusque, decretorie tragicus factus est, habitis anno 1972 comitiis, quae in gubernium duxerunt candidatum a militaribus, accurate a chiliarcho Arthuro Armando Molina, electum: contra horum comitiorum resultationem contestatio ab oppositione per praxicopēmatis conatum expressa est, quod ab exercitū deletum cohibitumque est. Annos quinque postea, denuo electus est gubernii candidatus; sed tunc generalis Carolus Humbertus Romero, cuius creber vis cohibitionisque usus oppositores armatam ad pugnam duxit, qui eum munere Octobre anni 1979 motus est aliud per praxicopēmate tunc prosperum. Novum consilium militare[12] mixtum fuit, quoniam a militaribus civilibusque formatum est, apud quos, per concessūs satisdationesque, denique colloquium coepit.

Attamen hoc colloquium paucis diebus postea interruptum est, Carolo Humberto Romero munere die 18 Octobris privato propter stragem ab exercitū commissam cum ingentem civium reclamantium multitudinem disgregare conatus esset. Cives consilium militare reliquerunt, exceptis nonnullis demochristianis[12], ab Iosepho Napoleone Duarte ductum, qui eodem in consilio militari iuxta cum militaribus perrexit. Oppositores in Frontem Democraticam Seditionariam se congregaverunt, dum Iosephus Napoleo Duarte praesides pridie Idūs Decembres anni 1980 factus est. Intestinae difficultates graviores factae sunt et praeses auxilium a Civitatibus Foederatis petivit, e quibus adeptus est adiumentum tunc praesidis Statunitensis Ronaldi Reagan, qui Guatimaliam et Honduriam commovit ad pugnandum communisticos contra globos.

 
Monumentum nigro marmore sculptum bello civili absumptorum nomina continens.

Itaque, ineuntibus annis 1980, oppositionis vires armatae contra gubernium rebellaverunt, sic coepit Bellum Civile Salvatoriense. Anno 1983, bellatores clandestini nonnullis in huius nationis locis dominabantur et Civitates Foederatae Americae gubernio militare adiumentum auxerunt. Iosephus Napoleo Duarte, anno 1984 praeses electus, pacem cum bellatoribus clandestinis frustra conabatur. Anno 1988, praeses vicarius Rodolphus Antonius Castillo Claramount de pace egit in locum Iosephi Napoleonis Duarte, cancrum patientis.

In comitiis anni 1989, Foedus Respublicanum Nationalisticum (Hispanice Alianza Republicana Nacionalista, Hispanico acronymo ARENA), extremistica dextra factio, pleraque Conventūs Legatorum Salvatoriae (Hispanice Asamblea Legislativa de El Salvador) subsellia adeptum est, cuius princeps, Alfredus Cristiani Bukard, Iosepho Napoleoni Duarte praesidis munere successit. Proximo anno, extremisticae sinistrae factionis bellatores clandestini Frontis Faramundi Martí pro Liberatione Nationali et gubernium de pace agere coepit, mediantibus Consociatione Nationum, Xaverius Pérez de Cuéllar, secretarius generalis, de pace egit per annum 1991, cuius monitūs prospere anno 1992 ad effectum perduci coeperunt, quod duodecenne[13] bellum civile finivit quod circa caesorum 75000 steterat. Frons Faramundi Martí pro Liberatione Nationali factio politica facta est. In anni 1994 comitiis, Nationum Unitarum observatoribus comitantibus, Rei Publicae praeses electus est dextrae factionis ARENA candidatus Armandus Calderón Sol arduo cum penso reconstruendae huius civitatis oeconomiae et belli civilis vulnerum ad cicatricem perducendorum. Martio anni 1999, Franciscus Flores, quoque dextrae factionis ARENA candidatus ad praesidis munus, Frontis Faramundi Martí pro Liberatione Nationali candidatum Facundum Guardado vicit, qui princeps bellatoribus clandestinis per Bellum Civile Salvatoriense inter annos 1979 et 1992 praefuerat. Franciscus Flores quinquennale munus inivit die 20 Iunii anni 2000.

Saeculum XXIRecensere

 
Nayibus Bukelis in inaugurationis caerimoniā orationem habet.

Anno 2001 haec natio terrae motūs vastantes duos passa est, qui amplius 1200 interfectorum et detrimenta totam per hanc nationem attulit. E bello civili finito, dextera factio Foedus Respublicanum Nationalisticum (Hispanice Alianza Republicana Nacionalista, Hispanico acronymo ARENA) semper omnia comitia vincebat; et anni 2004 comitia quoque victa sunt ab eiusdem factionis candidato Antonio Saca. Nihilominus, comitia, die 18 Ianuarii anni 2009 habita, a factione Fronte Faramundi Martí pro Liberatione Nationali (Hispanice Frente Farabundo Martí para la Liberación Nacional, Hispanicis siglis FMLN), cum 47% suffragiorum, victa sunt. Foedus Respublicanum Nationalisticum suffragiorum 43%, dum Factio Democrata Christiana (Hispanice Partido Demócrata Cristiano, Hispanicis siglis PDC) -quae sibi bonam resultationem praesagiverat- solum 6% adepta est.

Diei 16 Martii anni 2009 Frontis Faramundi Martí pro Liberatione Nationali candidati Mauritii Funes victoriam roboraverunt cum 53,3% suffragiorum, contra 48,7% suffragiorum quae adeptus est gubernii dexterae factionis candidatus Rodericus Ávila. Quae resultatio historica est, quoniam sinistra politica in gubernium induxit post annos viginti in oppositione. Frons Faramundi Martí pro Liberatione Nationali potestatem conservavit alio quinquennio plus, electo anno 2014 praeside Salvatore Sánchez Cerén.

Praesidialia anni 2019 comitia perrupturam Salvatorianā in historiā constituerunt, quia vicit Nayibus Bukelis[14], prior Soteropoleōs alcaldus, qui longum dominatum inter Foedus Respublicanum Nationalisticum et Frontem Faramundi Martí pro Liberatione Nationali destruere consecutus est.

GeographiaRecensere

 
Salvatoriae topographia.

Salvatoria 21041 km2 lata est. Litora, Oceanum Pacificum et Sinum Fonsecam[2] (Hispanice Golfo de Fonseca) ad Meridiem contingentia, 307 km patent. Salvatoria sola natio in Mediā Americā est quae directo accessū ad Mare Caribaeum caret.

Salvatoria montium igniferorum iugo pingitur quod hanc civitatem dividit in regiones tres: litus meridionale, valles atque oropedia media, et montes septentrionales. Altissimus mons est Mons Pitalensis[15] (Hispanice Cerro El Pital), 2730 m celsus et Honduriae finitimus. Altissimus mons ignifer Sancta Anna[16] (Hispanice Santa Ana seu Ilamatepec) est, ad occidentem situs et 2365 m celsus. Longissimum flumen Lempa est, 22 km longum, quorum 320 hanc nationem transiunt.

ClimaRecensere

 
Salvatoriana descriptio climatica Köppen-Geiger (tabula Anglice).

Huic nationi clima tropicum est, cum tempore sicco et pluvioso bene definitis. Temperatura praecipue secundum altitudinem variat, habitā parvā amplitudine thermicā annuā. Litorales planitiēs uniformiter aestuosum clima ostendunt, sed modicius augente altitudine intestinis in terris.

Flora faunaqueRecensere

Agri herbosi et exigua querqueta et pineta Salvatorianos montes tegunt. Nationalis vegetatio ex arboribus folia amittentibus et subtropicis agris herbosis consistit, sed magna cuius pars deleta est ut coffeae sata statuerentur et agri ad culturam apti fierent. Salvatoriae fauna non tam diversa quam flora est, sed lacūs et flumina multis piscibus abundant. Endemicas apud avium speciēs trochilidae, phoenicopteri et psittaciformes sunt.[17]

Gubernium et civilitasRecensere

 
Salvatorienses conturbenales in Conventū Legifero Salvatoriano.

Constitutio anni 1983 maximam legalem auctoritatem hac in natione habet. Salvatoriae democraticum et repraesentativum gubernium est, cuius tria corpora sunt:

Salvatoriensia politica circumiacentia praesidentialem repraesentativam democraticam rempublicam constituunt multiformi ac polycommatico cum systemate. Praeses (Hispanice Presidente), in praesenti Nayibus Bukelis, et dux civitatis et dux rectionis est. Potestas exsecutiva a Gubernio (Hispanice Gobierno) expletur. Potestas legifera et a Gubernio et a Conventū Legifero praestatur. Nationi sunt etiam libera potestas iudicialis et Tribunal Supremum.

CivilitasRecensere

 
Conventus Legatorum Salvatoriae (Hispanice Asamblea Legislativa de El Salvador).

Salvatoriae systema polycommaticum est. Duae factiones politicae, Foedus Respublicanum Nationalisticum (Hispanice Alianza Republicana Nacionalista, Hispanico acronymo ARENA) et Frontis Faramundi Martí pro Liberatione Nationali (Hispanice Frente Farabundo Martí para la Liberación Nacional, Hispanicis siglis FMLN) in comitiis domitari tendebant. Factionis ARENA candidatūs subsequentia comitia praesidentialia vicerunt donec Mauritius Funes, factionis FMLN, electus est Martio anni 2009. Factio FMLN sinistra[18] est, quae divisa est inter praevalentes Marxistico-Leninianas[12] partes in legislationis spatio et socio-liberales partes a Mauritio Funes usque ad annum 2014 ductas. Attamen, hic bifactionismus[19] fractus est cum Nayibus Bukelis, Magni Foederis pro Unitate Nationali (Hispanice Gran Alianza por la Unidad Nacional, Hispanico acronymo GANA) candidatus, Salvatoriensia comitia praesidentialia[12] anni 2019 vicisset.[20] Februario anni 2021, comitiorum parlamentariorum[12] resultationes praecipuam mutationem Salvatorianae civilitati causaverunt. Nova foederata praesidis Nayibi Bukeli factio, Novae Ideae (Hispanice Nuevas Ideas), parlamentariam maximam Salvatoriani historiae partem adepta est.[21]

Mediae regionis, praesertim capitis et litoralium regionum, praefecturae (Hispanice departamentos), "praefecturae rubrae" (Hispanice departamentos rojos) nuncupatae, relative sinistrarum partium[18] sunt. Alioquin, "praefecturae caeruleae" (Hispanice departamentos azules) -in Orientalium, Occidentalium et planitierum montanarum regionibus sitae- relative conservativae sunt.[22]

Publicae rationes et res militaresRecensere

 
Civitatum Foederatarum Secretarius Civitatis Michael Pompeo obsignationis caerimoniam Salvatoriano cum Praeside Nayibo Bukeli participat.

Salvatoria Nationum Unitarum et aliquot specializatorum earum ordinum socia est. Etiam Ordinis civitatum Americanarum, Parlamenti Centroamericani (Hispanice Parlamento Centroamericano, Hispanico acronymo PARLACEN) et Systematis Integrationis Centroamericanae (Hispanice Sistema de la Integración Centroamericana, Hispanicis siglis SICA) apud alia socia est. Active Commissioni Securitatis Centroamericanae favet, quae regionalem armorum moderationem alere quaeret. Salvatoria Ordinis mercaturae mundanae socia est; quamobrem regionales liberi commercii consensūs persequitur. Active Summi Conventūs Americarum (Hispanice Cumbre de las Américas; Anglice Summit of the Americas; Lusice Cúpula das Américas; et Francice Sommet des Amériques) processui favens, Salvatoria coetui operatorio de accessū ad mercatum communem intra Areae Liberi Commercii Americarum inceptum praesidet.

Novembre anni 1950, Salvatoria sola natio fuit quae nove roboratum XIV Dalai Lama adiuvit cum Tibetani Ministrorum Consilii telegrammati favisset quod a Conventū generali Nationum Unitarum posceret ne Res publica popularis Sinarum sibi Tibetum annectere desineret.[23] Nullā natione adiuvante, "Nationes Unitae unanimiter Tibetanum rogatum ex ordine agendorum demiserunt".[23]

Copiis militaribus Salvaroriensibus (Hispanice Fuerza Armada de El Salvador) tres sectiones: Exercitus Salvatoriensis (Hispanice Ejército Salvadoreño), Classis aëria Salvatoriensis (Hispanice Fuerza Aérea Salvadoreña) et Classis nautica Salvatoriensis (Hispanice Fuerza Naval de El Salvador). Propemodum 17 000 hominum in copiis militaribus omnino sunt.[24]

Anno 2017, Salvatoria Foedus de interdictione armorum nuclearium ab Nationibus Unitis obsignavit.[25][26]

Salvatoria Statuti Romani ad Iudicium Internationale Criminale pars est.[27]

Iura humanaRecensere

Amnestia internationalis attentionem attraxit in nonnullos vigiles comprehensos propter illegales biocolyticas caedes. Alia apud problemata quae Amnestiae internationalis attentionem attraxerunt, amissi pueri, errores parendi legibus ad investiganda ac bene prosequenda scelera contra feminas et reddita collegia opificum illegalia sunt.[28] Abortus vetitus est, sine exceptione stupri, incestūs, maternae vitae periculo oblatae: feminarum igitur 180 in carcerem coniectae sunt his duobus decenniis, aliquae damnatae sunt amplius triginta annos.[29] Discriminatio contra homines LGBT in Salvatoriā pervulgata est.[30][31] Secundum schedam interrogatoriam a Pew Research Center, 62% Salvatoriensium ut homosexualitas societati non accipienda esset credunt.[32]

Divisiones administrativaeRecensere

  Si plus cognoscere vis, vide Praefecturae Salvatorienses
 
Praefecturae Salvatorienses (tabula Hispanice).

Salvatoria divisa est in praefecturas seu departimenta[33] (Hispanice departamentos) quattuodecim, quae vicissim subdivisa sunt in municipia (Hispanice municipios) 262.

NotaeRecensere

  1. ↑ 1.0 1.1 "El Salvador, n. Salvatoria, ae, f. . . . Salvatorianus . . . Salvatoriensis [GEO]": Petrus Lucusaltianus, Lexicon Latinum hodiernum
  2. ↑ 2.0 2.1 Confer binomen "Trinectes fonsecensis".
  3. ↑ 3.0 3.1 Petri Lucusaltiani Latinophili Lexicon Latinum Hodiernum vel Vocabularium Latinitatis Huius Aetatis.
  4. ↑ El Salvador, bitcoin diventa valuta legale (Italice), in rainews.it, die 7 Septembris anni 2021. Inspectum URL die 3 Februarii anni 2023.
  5. ↑ Vide Diocese of San Miguel in www.catholic-hierarchy.org.
  6. ↑ El nombre oficial de la República de El Salvador (PDF Hispanice). Gubernium Rei publicae Salvatoriae. anno 2015. ISBN 978-99923-0-274-3. Archivatum e primigenio (PDF) die 11 Novembris 2020. Inspectum URL de 3 Februarii anni 2023.
  7. ↑ Confer binomen "Procambarus-toltecae".
  8. ↑ Vide XCII DE COENOBIIS ORD. EREM. S. P. AUGUSTINI AB AN. 1550 AD AN. 1620, QUO EXPLICIT CRUSENII MONASTICON in sitū interretiali cassiciaco.it ubi dicitur "Conventus de Cuzcatlan, alias de Chilguatla, postea S. Salvatoris, in Nova Hispania extabat an. 1602".
  9. ↑ 9.0 9.1 Vide quartum lemma "Soteropolis" in Lexico Universali Hofmann, ubi dicitur "SOTEROPOLIS, urbs Guatimalae, in nova Hispan. Cuzcatlan incolis, 6. leuc. ab Axacutla, & à littore maris Pacifici in Cæciam, 40. leuc. Hispanic. ab Urbe S. Jacobi de Guatimala in Eurum prope lacum parv".
  10. ↑ "... urbibus S. Salvatoris, Trinitatis, S. Michaëlis etc." in Iohannes Iacobus Hofmannus, Lexicon universale (1698) ~
  11. ↑ Cf. "Archidioecesis Sancti Salvatoris in America" e The Hierarchy of the Catholic Church (situs a Davide M. Cheney elaboratus) (Anglice)
  12. ↑ 12.0 12.1 12.2 12.3 12.4 12.5 12.6 Iosephi Ioannis del Col Diccionario Auxiliar Español-Latino. Sinu Albo, apud Institutum Superius cui nomen «Ioannes XXIII», 2007 (Hispanice)
  13. ↑ duodecennis apud en.wiktionary.
  14. ↑ Nayibus Bukelis apud diarium interretialem Ephemeris nuncupatum (Paulus Kangiser, DE PRAESIDIS SALVATORIANI ACTIONIBUS IN LEGVM EFFRACTORES, die 1 Maii 2020)
  15. ↑ Confer binomen "Isochilus pitalensis".
  16. ↑ Vide Diocese of Santa Ana in www.catholic-hierarchy.org, homonyma cum capite, districtū, praefecturā et monte ignifero.
  17. ↑ Vide situm interretiali www.sos-kinderdorf.at Salvatorianis de florā faunāque.
  18. ↑ 18.0 18.1 Vide hoc lemma apud "Dicionario galego-latino clásico e moderno" auctoris Iosephi (vulgo Xosé) López Díaz.
  19. ↑ Vide situm interretialem www.fabio.com.ar.
  20. ↑ Delcid, Merlini (Merlin); Guy, Iacobi (Jack) (die 10 Februarii anni 2019). "The strange political path of Nayib Bukele, El Salvador's new President" (Anglice). CNN.
  21. ↑ Dyde, Iacobi (James) (Kalendis Martiis anni 2021). "El Salvador Legislative Elections 2021" (Anglice). centralamerica.
  22. ↑ "Ex-rebel becomes El Salvador leader" (Anglice). BBC News. Kalendis Iuniis anni 2014.
  23. ↑ 23.0 23.1 Laird, Thomae (Thomas) (2006). The Story of Tibet:Conversations with His Holiness the Dalai Lama (Anglice). Novi Eboraci: Grove Press. pp. 303–305. ISBN 9780802118271.
  24. ↑ "NationMaster.com". (Anglice)
  25. ↑ "Chapter XXVI: Disarmament – No. 9 Treaty on the Prohibition of Nuclear Weapons" (Anglice). A Nationibus Unitis Foederum Collectio. Nonis Iuliis anni 2017.
  26. ↑ "El Salvador becomes the 21st state party to the Treaty on the Prohibition of Nuclear Weapons" (Anglice). Pressenza – International Press Agency. Die 30 Ianuarii anni 2019.
  27. ↑ "Latin American and Caribbean State Parties to the Rome Statute, International Criminal Court (Anglice). Inspectum die 10 Iulii 2021".
  28. ↑ "El Salvador Human Rights" (Anglice). Amnestia internationalis . Archivatum e primigenio die 29 Aprilis anni 2011. Inspectum die 17 Martii anni 2020.
  29. ↑ "Woman who suffered miscarriage sentenced to 30 years for aggravated homicide in El Salvador — The Independent" (Anglice). apple.news. Inspectum die 12 Maii anni 2022.
  30. ↑ "LGBT in El Salvador: Beatings, intolerance, death" (Anglice). Al-Jazeera. Pridie Idus Augustas anni 2015.
  31. ↑ "'Terrorized at home', Central America's LGBT people to flee for their lives: report" (Anglice). Reuters. Die 27 Novembris anni 2017.
  32. ↑ "The Global Divide on Homosexuality" (Anglice). Pew Research Center. Pridie Nonas Iunias anni 2013.
  33. ↑ Hoc de vocabulo, vide hunc nuntium apud ephemeris.alcuinus.net, ubi dicitur "Res publica Francogallica et departimentum Mosellanum circiter 256 (ducentos qunquaginta sex) miliones euronum solverunt ad Lotharingiae structuram mutandam.".

Nexus externiRecensere

  Vicimedia Communia plura habent quae ad Salvatoriam spectant.
  Situs geographici et historici: Locus: 13°40′8″N 88°51′58″W • OpenStreetMap • GeoNames • Thesaurus Getty • Commentatio Theodisce, Francogallice, Italice apud Lexicon historicum Helveticum • Store norske Lexikon • Большая российская энциклопедия • Encyclopædia Britannica
Regiones, civitates et territoria Americae
Regiones

America Septentrionalis · Media America · Insulae Caribicae · America Australis

Civitates

Aequatoria · Antiqua et Barbuda · Argentina · Bahamenses insulae · Barbata · Beliza · Bolivia · Brasilia · Canada · Chilia · Civitates Foederatae Americae · Columbia · Costarica · Cuba · Dominica · Dominicana res publica · Granata · Guatimalia · Guiana · Haitia · Honduria · Iamaica · Mexicum · Nicaragua · Panama · Paraquaria · Peruvia · Salvatoria · Sancta Lucia · Sanctus Christophorus et Nevis · Sanctus Vincentius et Granatinae · Surinamia · Trinitas et Tabacum · Uraquaria · Venetiola

Territoria

Anguilla · Aruba · Boni Aëris insula · Caimanenses insulae · Curacensis insula · Falklandia · Groenlandia · Guadalupa · Guiana Francica · Martinica · Montserrat · Portus Dives · Saba · Sanctus Bartholomaeus · Sanctus Martinus · Statia · Turcenses et Caicenses insulae · Virginis Insulae Americanae · Virginis Insulae Britannicae

Capsae cognatae: Africa • Asia • Europa • Oceania
Salvatoria : politica
Praesides Salvatoriae (1982–)
 

Álvaro Magaña 1982 • Iosephus Napoleon Duarte 1984 • Alfredus Cristiani 1989 • Armandus Calderón Sol 1994 • Franciscus Flores 1999 • Antonius Saca 2004 • Mauritius Funes 2009 • Salvator Sánchez Cerén 2014 • Nayib Bukele 2019

Ministri rerum externarum Salvatoriani 1980–
 

Fidelis Chávez Mena 1980 • Georgius Eduardus Tenorio 1984 • Rudolphus Antonius Castillo Claramount 1985 • Ricardus Acevedo Peralta 1986 • Iosephus Manuel Pacas Castro 1989 • Michael Angelus Salaverría 1993 • Anscharius Alfredus Santamaría 1994 • Raimundus Ernestus González Giner 1995 • Maria Eugenia Brizuela de Ávila 1999 • Franciscus Laínez 2004 • Marisol Argueta de Barillas 2008 • Hugo Martínez 2009 • Iacobus Miranda 2013 • Hugo Martínez 2014 • Carolus Alfredus Castañeda Magaña 2018 • Alexandra Hill Tinoco 2019

Capsae cognatae: Praesides Salvatoriae
Receptum de "https://la.wikipedia.org/w/index.php?title=Salvatoria&oldid=3757487"