Vide etiam paginam discretivam: Flumen (discretiva)

Flumen (-inis, n.), sive fluvius sive amnis, est aqua, plerumque dulcis, in superficie terrae inter binas ripas aut in speluncis subterraneis ad aliud corpus aquae in loco inferiori affluens, sicut in oceanum, mare, sinum, lacum, paludem, locum uliginosum, vel aliud flumen.

Flumen Murrayanum.
Sequana. Pictura olearia Claudii Monet, 1897.

Nomen fluminis a fluendo deducitur. Flumen fontem saepe habet in montibus et descendit clivos. Duo flumina, cum iungantur, confluere dicuntur. Parva flumina rivi appellantur.

Flumen aut fluvius? recensere

Sic dixit Isidorus: "DE FLUMINIBUS. Fluvius est perennis aquarum decursus, a fluendo perpetim dictus. Proprie autem flumen ipsa aqua, fluvius cursus aquae. Prius autem flumen quam fluvius, id est prior aqua quam decursus."[1]

Artifices antiqui fluvium per personam dei fluvialis fingere solebant, notabilis plerumque addita urna fontali.

Fluxus recensere

Fluxus fluminis est summa aquae fluentis. Fluxus pendet ex altitudine fluminis, clivo, spatio inter ripas, velocitate aquae, imbribus, statu riparum, et elementis quae obstant.

Fons recensere

Omnes conveniunt fontem fluminis situm esse in maximo aquae transitu. In confluentia loco, flumen minus dicitur influere in maius.

Nexus interni

Notae recensere

  1. Etymologiarum libri viginti, Liber XIII, 21 (litterae inclinatae adduntur).

Bibliographia recensere

Nexus externi recensere

  Vicimedia Communia plura habent quae ad flumen spectant.