Novogardia Inferior

Vide etiam paginam discretivam: Novogardia.

Novogardia Inferior^[1] (Russice Нижний Новгород, tr. Nižnij Novgorod) est urbs in Russia, metropolis regionis Novogardiensis Inferioris sedesque Districtus Foederalis Subvolgensis (Russice Приволжский федеральный округ nominati), ad confluentem Occae et Rha fluviorum sita. Incolas 1252 milia anno 2020 habuit.

Novogardia Inferior est valens industriae sedes: constructionis machinarum (e.g., urbi sita est officina, autocineta producens), metallurgiae, etc. Stationes ferriviarias, portum, et aeroportum habens, sedes transportationis videtur. Etiam est sedes scientiae et culturae: nonnullas universitates studiorum, theatra, et musea habet.

Nomen eius Russice significat Neapolis Inferior, quia Russis jam est Neapolis Magna, id est Novogardia Magna; Inferior dicitur, quod in fluxu Rha fluminis inferiore sita est.

Historia urbis

Novogardia Inferior condita est ut fortalitium in finibus Russicis, anno 1221. Ab anno 1350 fuit caput ducatus sui iuris. Facta est valens sedes mercaturae et culturae. Anno 1392 facta est pars magni ducatus Moscoviae. Cremlinum illud Novogardiae Inferioris, quod adhoc exsistit, constructum est annis ab 1508 ad 1511. Annis ab 1611 ad 1612 urbs fuit sedes formationis armatae vis, cuius duces fuere Cosmas Minin et Demetrius Požarskij, contra interventos Polonico–Lituanicos. Saeculo undevicensimo Novogardia Inferior facta est valens sedes industriae. Annis ab 1932 ad 1991 Gorkipolis^[2] seu vulgo Gor'kij (Горький) vocabatur, in honorem scriptoris Russici Sovietici Maximi Gor'kij (Максим Горький). Anno 1985 ferrivia subterranea aperta est.

Praeclari cives

Miles Balakirev, compositor Russicus
Maximus Gor'kij, scriptor Russicus et Sovieticus
Eugenius Evstigneev, actor Sovieticus
Ioannes Kulibin, mechanicus et inventor Russicus
Petrus Nesterov, aviator Russicus
Andreas Sacharov, physicus Sovieticus
Vladimirus Steklov, mathematicus Russicus
Iacobus Sverdlov, politicorum peritus Russicus Sovieticus
Vladimirus Varankin, scriptor et historicus

Notae

↑ Innocentii Raphaelis Savonarolae^(ru) Universus terrarum orbis scriptorum calamo delineatus, tomus II., p. 269, vel Novogrodia Inferior: Adriani Romani Parvum theatrum urbium, p. 287
↑ Caroli Egger Lexicon Nominum Locorum (1977, 1982: ISBN 88-209-1254-6), p. 131.

Bibliographia

Alyona Ageeva, "An insider's guide to Nizhny Novgorod: the city with the best commute" in The Guardian (14 Novembris 2016)
Гациский А. С. Нижегородка. Путеводитель и указатель по Нижнему Новгороду и нижегородской ярмарке. Нижний Новгород: Тип. губернскаго правления, 1875.
Елисеев А. И. Рассказы о родном городе / Худ. Н. В. Головин. Горький: Горьковское книжное издательство, 1958.
Трубе Л. Л. Наши города. Горький: Горьковское книжное издательство, 1954.
Храмцовский Н. И. Краткий очерк истории и описание Нижнего Новгорода. 1859.