Vide etiam paginam discretivam: Samara (discretiva)

Samara[1] (Russice Самара) est urbs Russiae, metropolis regionis Samarensis. Sita est ad Rham fluvium (cuius aequor hic receptaculo aquae Saratoviensi elevatum est), inter ostia fluminum Samarae et Su, contra Versuram Samarensem[2]. Circa 1170 milia incolarum habet (anno 2017).

Wikidata Samara (Russia)
Res apud Vicidata repertae:
Samara (Russia): insigne
Samara (Russia): insigne
Civitas: Russia
Locus: 53°11′0″N 50°7′0″E
Numerus incolarum: 1 169 719
Zona horaria: UTC+04:00
Situs interretialis
Nomen officiale: Самара

Gestio

Praefectus: Yelena Lapushkina
Procuratio superior: Samara Urban Okrug

Geographia

Superficies: 541.0 chiliometrum quadratum
Regiones urbanae: Kuybyshevsky City District, Samarsky City District, Leninsky City District, Zheleznodorozhny City District, Oktyabrsky City District, Sovetsky City District, Promyshlenny City District, Kirovsky City District, Krasnoglinsky City District

Coniunctiones urbium

Samara est sedes industriae: constructionis machinarum, fabricae metallorum, etc.

Hac in urbe sunt multa instituta educationis, theatra, et musea.

Samara certos portus, duo aeroportus, magnam stationem ferriviarum et subterferriviam habet.

Historia urbis recensere

Annus 1361 est tempus primae in annalibus Russicis mentionis de oppidorum haud procul ab influxu fluminis Samarae in Rham fluvium. Oppidum portuense Samar, eo loco situm, notatum est in mappis, annis 1367 et 1459 a viris Italicis creatis, et destructum est possibile anno 1521 (agressurae chani Crimaeani causa).

Datum officiale fundationis urbis Samarae est annus 1586. Quo anno, decreto tzaris Theodori I, prope oppidulo prisco Samar constructio castelli incepta est. Ibi erat teloneum.

Anno 1688 Samara facta est urbs. Ab anno 1851 fuit metropolis gubernii. Postea industria urbis incrementum magnum recepit.

Anno 1935 Samara nominata est Kuibyšev (in honorem Valeriani Kuibyšev coenonistae, qui anno 1917 fuit praefectus Bolsevicorum huius urbis). Ab anno 1936 est metropolis regionis.

Tempore Belli Magni Patrii haec urbs de facto fuit caput secundum Unionis Sovieticae. Administratio URSS et legationes multaeque fabricae evacuatae ibi locabantur.

Anno 1987 ferrivia subterranea aperta est.

Anno 1991, nomen Samara urbi restitutum est.

Nota recensere

Nexus externi recensere

  Vicimedia Communia plura habent quae ad Samaram spectant.
  Situs geographici et historici: Locus: 53°11′0″N 50°7′0″E • OpenStreetMap • GeoNames • Facebook Places • Store norske Lexikon • Treccani • Большая российская энциклопедия
  • Pagina de Samara Encyclopaediae Russicae Magnae (Russice)