Historia Romae
Haec pagina de Romae antiquae historia agit.
Ab Urbe condita usque ad saeculum 1 a.C.n.
recensere
Conferatur pagina principalis: Roma condita.Regnum Romanum
recensereRoma die 21 Aprilis 753 a.C.n. Marci Terenti Varronis sententia condita est, postquam Remus a Romulo fratre necatus est. Memoriae proditum est septem reges 244 annos regnavisse, qui erant Romulus, Numa Pompilius, Tullus Hostilius, Ancus Marcius, Tarquinius Priscus, Servius Tullius, Tarquinius Superbus.
Res publica
recensereRes Publica anno 509 a.C.n. clamata, urbs proeliorum longum tempus cum populis Italicis (cum Etruscis, Latinis, Volscis, Aequis) vixit. Latio enim capto, Roma, postquam bello Gallos, Oscos Samnitesque, et Tarentinos, quibus Pyrrhus, Epiri rex, socius erat, vicit, paeninsulam Italicam (a media Italia usque ad Magnam Graeciam) cepit.
Post bella Punica (264–146 a.C.n.) adversus Carthaginem et bella Macedonica (212–168 a.C.n.), et Mare Mediterraneum et Orientis pars in dicione Romana redacta est. Provinciae Romanae primae creatae sunt: Sicilia, Sardinia, Hispania, Macedonia, Graecia (Acaia), Africa.
Saeculi 2 a.C.n. dimidia extrema pars et saeculum 1 a.C.n. seditionis, civilis belli crudelisque dominationis aetas fuerunt: hoc tempore Gracchi, Iugurtha, Quintus Lutatius Catulus, Gaius Marius, Lucius Cornelius Sulla, Marcus Aemilius Lepidus, Spartacus, Gnaeus Pompeius, Marcus Licinius Crassus, Lucius Sergius Catilina, Marcus Tullius Cicero, Gaius Iulius Caesar, et Octavianus vixerunt. Anno 27 a.C.n., Octavianus ipse, quondam cum Marco Antonio Lepidoque triumvir (triumviratus secundus), princeps factus, Augustus vocari coepit, atque Imperium Romanum rite coepit.
Imperium
recensere Conferatur pagina principalis: Imperium Romanum.Nexus interni
Bibliographia
recensere- Cornell, T. J. 1995. The Beginnings of Rome: Italy and Rome from thebBronze Age to the Punic Wars, c. 1000-264 B.C. Londinii: Routledge. ISBN 0-415-01595-2 (Paginae selectae apud Google Books).