Argentoratum
Argentoratum[1][2][3] seu Strasburgum[1][4] (Francogallice Strasbourg; Theodisce Straßburg) est urbs Franciae. Ad ripas Rheni fluvii patet, qui nostro tempore limitem Franciae et Germaniae definit, eo loco ubi flumina minora Helellus et Bruche, iam coniuncta, nexu canalium catenaque insularum creatis, in Rhenum confluunt.
Argentoratum
Locus: 48°34′24″N 7°45′8″E
Numerus incolarum: 291 313
Zona horaria: UTC+2, UTC+1, UTC+2
Situs interretialis
Nomen officiale: Strasbourg, Stroßburi
Gestio
Geographia
Territoria finitima: Bischheim, Eckbolsheim, Eschau, Illkirch-Graffenstaden, Lingolsheim, Oberhausbergen, Ostwald, Schiltigheim, La Wantzenau
Coniunctiones urbium
Tabula aut despectus
Ibi urbs Romana iam saeculo I p.C.n. crescebat. Sedes dioecesis Christianae saeculo IV facta, ab eodem aevo ab episcopis recta, anno 1262 (rebus novis a civibus motis) urbs imperialis Sacri Romani imperii nominata est. Argentoratum hodie est urbs capitalis praefecturae Rheni inferioris provinciaeque Magni Orientis. Inter urbes capitales Unionis Europeae enumeratur tanquam sedes Parlamenti Europaeae. Insuper sedes est Consilii Europae, tribunalis Europaei a iuribus humanis, commissi centralis navigationis Rhenanae. Argentorati homines 275 718 anno 2013 habitabant.
Historia
recensere
Argentoratum iam a gente Celtica Tribocorum habitata anno circiter 12 a.C.n. a Nerone Claudio Druso milite Romano in formam castrorum militarium reductum esse censetur. A saeculo I p.C.n. exeunte praesidium fuit legionis VIII Augustae. Fide Itinerarii Antonini ad hanc urbem viae conveniebant ab Augusta Vindelicorum, a Moguntiaco, a Lugduno Batavorum et Colonia Agrippina, a Durocortoro, ab Augusta Raurica: haec per Alpes Poeninas ad Mediolanum et Romam tendebat. Flavius Iulianus imperator hic anno 357 Alamannorum copias devicit.[5] Civitas sedes Comitis Tractus Argentoratensis fuit.
Dioecesis Christiana Argentoratensis saeculo IV ineunte fortasse creata, anno 343 primum in fontibus relata est.
- 14 Februarii 842 iuxta hanc urbem Sacramenta Argentoratensia acta sunt.
- 1262 – 1358 Argentoratum fierit urbem imperialem.
Die 30 Septembris 1681, Argentoratum, adhuc urbs Sacri Romani Imperii a militibus Ludovici XIV regis expugnata est et cum Francia coniuncta est. Anno 1697, haec factum Pace de Rijswijk sanctum est. Die 27 Septembris 1870, exercitus Borussicus urbem expugnavit, quae dehinc ad annum 1918 cum Lotharingia et Elisatia ad Germaniam pertinuit. Tum Foedere Versaliis sancto iterum Franciae data est. Anno 1940, inter secundum bellum mundanum iterum ad Germaniam transiit. Annis 1944 et 1945 ab alligatis expugnatum est, et nunc pars Franciae est. Hodie institutiones Europaeas, inter quas Parlamentum Europaeum, habet.
Musea
recensere- Museum Zoologicum Argentoratense (conditum 1804)
Gubernium
recensereArgentoratum est commune Francicum. Caput fuit provinciae Elisatiae, a die 31 Decembris 2015 in novam provinciam comprehensae quae a principio Alsatia Campania Arduenna Lotharingia nuncupata nomen Magni Orientis denuo accepit.
Ecclesia Catholica Romana
recensere
Argentoratum est sedes archiepiscopalis Ecclesiae Catholicae Romanae, et praesens archiepiscopus est Ioannes Petrus Grallet.
Incolae notabiles
recensereNati
recensere- circa 1300 - Ioannes Taulerus
- 1458 - Sebastianus Brant
- circa 1546 - Ioannes Baptista Fischart
- 1546 - Ioannes Piscator, theologus saeculi XVI
- 1832 - Gustavus Doré, pictor saeculi XIX
Mortui
recensere- 1361 - Ioannes Taulerus
- 1521 - Sebastianus Brant
- 2000 - Petrus Pflimlin, vir publicus saeculi XX
Studiorum universitates
recensere
Notae
recensere- ↑ 1.0 1.1 "Argentoratum, Argentina, Argentum, Argentaria, Argentoria, Stratioburgum, Strateburgis, Stradburgo, Strasburgum, Straceburgum": J. G. Th. Graesse, Orbis Latinus (Dresdae: Schönfeld, 1861; 1909. Brunsvici, 1972, 3 voll.) 1 2 3
- ↑ Vb. adiect. "Argentoratensis, Argentinensis", cf. "Archidioecesis Argentoratensis o Argentinensis" e The Hierarchy of the Catholic Church (situs a Davide M. Cheney elaboratus) (Anglice)
- ↑ "Argentina": despectus a Matthaeo Merian anno 1644 delineatus, vide imaginem nostram
- ↑ "ad Argentoratensem urbem, quam nunc Strateburgum vocant": Gregorii Turonensis Decem Libri Historiarum, IX.36
- ↑ Ammianus Marcellinus, Res gestae 16.12
Bibliographia
recensere- "Argentoratum" in Gulielmus Smith (1854). Dictionary of Greek and Roman Geography. Londinii: Walton & Maberly
- Jean-Jacques Hatt, "Résultats historiques et topographiques des dernières fouilles de Strasbourg, de 1949 à 1951" in Comptes rendus des séances de l'Académie des Inscriptions et Belles-Lettres vol. 96 (1952) pp. 97-100
- Jean-Jacques Hatt, "Les fouilles de Strasbourg et de Seltz en 1952 et 1953" in Comptes rendus des séances de l'Académie des Inscriptions et Belles-Lettres vol. 97 (1953) pp. 211-215
- Gertrud Kuhnle, B. Schnitzler, Strasbourg-Argentorate. Un camp légionnaire sur le Rhin (Ier au IVe siècle après J.-C.). Argentorati: Editions des Musées de la ville de Strasbourg, 2010.
Nexus interni
Nexus externi
recensere
|
Vicimedia Communia plura habent quae ad Argentoratum spectant. |
|
|
Situs geographici et historici: Locus: 48°34′24″N 7°45′8″E • OpenStreetMap • GeoNames • Thesaurus Getty • Facebook Places • "67482" apud INSEE • Commentatio Theodisce, Francogallice, Italice apud Lexicon historicum Helveticum • Store norske Lexikon • Treccani • Большая российская энциклопедия |
