Gesoriacum

Gesoriacum^[1] sive Bononia^[1]^[2]^[3] sive Bolonia in Francia^[4] (Francice Boulogne-sur-Mer; Picardice Boulonne-su-Mér) est commune Francicum 43 310 incolarum (anno 2009) praefecturae Freti Calisii in provincia Septentrioni et Freto. Gesoriacum est arx Morinorum et portus haud mediocris. Aevo Romano urbs capitalis fuit civitatis Bononiensium.

De situ

Bononia ab Anglis obsessa: imago saec. XVI (Bibliotheca universitatis Salisburgensis G 038 III)

Gesoriacum apud Oceanum Britannicum situm est, haud procul a Freto Morinis. Diu portus Britanniae proximus fuit.

De rebus gestis

Portus, ora maritima, domus aleatoria Bononienses anno fere 1900 lucis ope pictae (Bibliotheca Congressus Civitatum Foederatarum)

Caesare consule, Belgae pagum Gesoriaci incolebant, qui Morinorum pagus (Morini, Celtice fere 'marini') appellabatur. Caesar proelium in Cantium ferre statuit. Ad legiones trans mare ferendas elegit portum, Itium appellatum, ubi classem paravit.

Gesoriacum postea conditum circum Portum Itium esse dicitur.

Caligula, cum bellum Siluris inferre intenderet, castra legionum circum Gesoriacum instruxit. Suetonius auctor refert Caligulam iussisse erectionem turris mirabilis altitudinis, Phari instar. Quae turris, ut creditur, ea fuit sexangula turris, quae etiam saeculo sexto decimo conspicua fuit.

Anno 1905o primus Congressus universalis Esperanticus habitus est hoc in oppido.

Gesoriaci nati

Despectus in urbem Gesoriacum

Guido Lengagne, homo publicus, "legis litoris" auctor, qui Franciae litoris pulchritudinem custodit
Fridericus Sauvage (1786–1857), propulsatri inventor
Petrus Claudius Franciscus Daunou (1761–1840), homo publicus et historicus
Carolus Augustinus Sainte-Beuve (1804–1869) scriptor
Gulielmus Duchenne (1806–1875), medicus et neurologus
Augustus Mariette (1821–1881), archaeologus, qui Museum Aegyptium Cairi creavit
Benedictus Constans Coquelin (1841–1909) actor
Alexander Guilmant (1837–1911) organista et compositor
Ernestus Alexander Honoratus Coquelin actor
Iacobus Oudart Fourmentin dictus "Le Baron Bucaille"
Valentinus Hugo nata Valentine Gross, pictor

Alii Gesoriacenses (ordine alphabetico)

Mauritius Boitel, pictor
Alanus Bombard, medicus et homo publicus
Bonaparte Neapoleo primus, Caesar Francorum
Bonaparte Napoleo III, Francorum reipublicae Primus magistratus dum Caesar Francorum
Constans Coquelin, comoedus
Ernestus Coquelin, comoedus
Eduardus Secundus, Rex Angliae
Carolus-Augustinus Sainte-Beuve, scriptor
Benedictus-Agathon Haffreingue, pontifex qui magnum Gesoriaci templum fecit
Isabella Franciae (1292–1358)
Labienus, legatus
Iacobus Lang, homo publicus
Michael Le Quien, Ordinis S. Benedicti monachus, rerum historicarum scriptor.
Cyrillus Magnier, pedilusor
Georgius Mathieu, pictor
Mathildis, comitissa de Bolonia uxorque Stephani, regis Angliae
Blasius de Montluc (Lasseran Massencome de Montesquiou d'Estillac et de Monluc), magister equitum Franciae, Gesoriaci liberator
Petrus Repp, auctor et comoedus
Ioannes-Petrus Papin, calceator
Franciscus Ribéry, pedilusor
Iosephus de Sancti Martini, imperator et liberator Argentinae

Notae

↑ ^1.0 ^1.1 "Gesoriacum or Bononia" in Gulielmus Smith (1854). Dictionary of Greek and Roman Geography. Londinii: Walton & Maberly
↑ Société de l'histoire de France, Annuaire historique pour l'année 1858, 1837, Parisiis, Jules Renouard, p.57. [1] Libri Googles (Francogallice)
↑ "in urbe Boloniensi ad mare ... Boloniae ad mare": [http://www.liberius.net/livres/Actes_de_S._S._Pie_XI_(tome_17)_000001030.pdf Actes de S. S. Pie XI vol. 7 p. 148
↑ Pertsch, Erich: Langenscheidts Großes Schulwörterbuch Lateinisch-Deutsch, Berolini et Monaci 1983, ISBN 3-468-07202-3, p. 1326

Bibliographia

I. Clauzel-Delannoy, "«Le hareng roi» : Boulogne et le marché du poisson à la fin du Moyen Age" in Boire et manger en pays bourguignons (XIVe - XVIe siècles) (Publications du Centre Européen d’Etudes Bourguignonnes) Turnholti: Brepols, 2007. ISBN: 978-2-503-52667-6 recensio huius operis
Roland Delmaire, "Permanences et changements des chefs-lieux de cités au Bas-Empire : l'exemple du nord-ouest de la Gaule Belgique" in Capitales éphémères. Des Capitales de cités perdent leur statut dans l’Antiquité tardive, Actes du colloque Tours 2003 (Supplément à la Revue archéologique du centre de la France no. 25, 2004) pp. 39-50
Jean-Yves Gosselin, Claude Seillier, "Gesoriacum-Bononia : de la ville du Haut-Empire à la ville du Bas-Empire" in Les villes de la Gaule Belgique au Haut-Empire (Revue archéologique de Picardie, 1984, no. 3-4) pp. 259-264