Museum Aegyptium
Museum Aegyptium (Arabice المتحف المصري El Mathaf El Masri), plenius Museum Antiquitatum Aegyptiarum, vulgo Museum Cairense, Cairi in urbe Aegypti situm, est museum et locus magnae antiquitatum Aegypti antiquae collectionis, cui sunt 120,000 rerum, quarum exempla praeclara exhibentur, reliquiis in cellariis conservatis. Aedificium est unum e maximis museis in regione sitis. Hora 9:00 a.m. quotidie publicatur.
Monumentum Aegyptologis insignissimis dicatumRecensere
In horto pro aedificio musei stat monumentum Aegyptologorum maximi momenti, quod Augustum Mariette, Maximi Antiquitatum Concilii conditorem, honorat, a viginti tribus imaginibus Aegyptologorum insignissimorum circumdatum, inter quos Franciscus Chabas, Ioannes Dümichen, Conradus Leemans, Carolus Wycliffe Goodwin, Emmanuel de Rougé, Samuel Birch, Eduardus Hincks, Ludovicus Vassalli, Aemilius Brugsch, Carolus Ricardus Lepsius, Theodulus Devéria, Vladimir Golenishchev, Hippolytus Rosellini, Labib Habachi, Sami Gabra, Selim Hassan, Ahmed Kamal, Zakaria Goneim, Ioannes Franciscus Champollion, Amadeus Peyron, Gulielmus Pleyte, Gaston Maspero, Petrus le Page Renouf.[1]
PinacothecaRecensere
Inter latissime notas res in museo exhibitas sunt:
Persona Tutankhamun, ex undecim chiliogrammatis auri solidi facta
Persona funerea Amenemope pharaonis domus vicensimae primae
Persona mumiae Psusennis I
Figurina Cheopis
Statua Chephrenis
Statua Mycerini
Statua Thutmosis III
Persona mumiae Wendjebauendjed
Vide etiamRecensere
Nexus interni
NotaeRecensere
BibliographiaRecensere
- Brier, Bob. 1999. The Murder of Tutankhamen: A True Story. ISBN 0425166899.
- El-Shahawy, Abeer, et Farid S. Atiya. 2005. The Egyptian Museum in Cairo. Cairi: The Egyptian Museum in Cairo
- Montet, Pierre. 1968. Lives of the Pharaohs. World Publishing Company.
- Tiradritti, Francesco, ed. 1999. Egyptian Treasures from the Egyptian Museum in Cairo. Photographia Araldo De Luca. Novi Eboraci: Abrams. ISBN 0810932768.
- Wafaa El-Saddik. 2005. The Egyptian Museum. Museum International 57(1–2).
Nexus externiRecensere
|
Vicimedia Communia plura habent quae ad Museum Aegyptium spectant. |