Syracusae
Syracusae[1][2][3][4] (-arum, f.; alia nomina: Siracusia;[2] Italiane: Siracusa; Sicule: Sarausa; Graece: Συρακοῦσαι) sunt Urbs Italiae et municipium circiter 122 320 incolarum. Sitae sunt in Regione Sicilia et in Consortio Libero Municipali eiusdem nominis partes capitis agunt. Urbani Syracusani[3][2] [5][6] (etiam: Syracusii[3][7], Siracusani[2]) appellantur.
Syracusae
Locus: 37°4′9″N 15°17′15″E
Numerus incolarum: 116 244
Zona horaria: UTC+1, UTC+2
Situs interretialis
Nomen officiale: Siracusa
Gestio
Geographia
Territoria finitima: Abola, Melillis, Netum, Priolus, Solarinum, Candicattinum Balnei, Xiridia, Palatiolum de Acris
Tabula aut despectus
.svg)
Urbem Syracusas maximam esse Graecarum, pulcherrimam omnium saepe audistis. Est, iudices, ita ut dicitur.– Marcus Tullius Cicero, In Verrem, II,4,117
Sententia
recensereSententia urbis est: S.P.Q.S - Senatus PopulusQue Syracusanus.
Syracusae Graecae
recensere
Urbs ab Archia, viro Corinthio, in insula Ortygia expulsis Siculis secunda parte octavi saeculi a.C.n. condita est[8]. Syracusanis multa bella adversus Graecos et Poenos gerebantur. Nam utrique in Sicilia ante Romanorum adventum colonias condiderant. Anno 480 a.C.n. tyrannus Gelon (485-478 a.C.n.), eo ipso die (ut dicebatur) quo Athenienses et eorum socii Persas apud Salaminem vicerunt, maximi momenti victoriam de Poenis ad Himerum rettulit atque unus ex omnibus Syracusanis tyrannis a posteritate tyrannide iam eversa adhuc colebatur[9]. Annis 415-13 a.C.n. Syracusani iterum de salute civitatis certare debueruntː nam una cum Selinuntiis Segestanos bello opprimebant cum illi legatos Athenas miserunt auxilium petitum. Athenienses Siciliae imperio suo maritimo subiungendae cupidine moti magnum exercitum Nicia duce miserunt qui castra ad litus portus maioris Syracusanorum posuerunt. Paulum afuit quin tota urbs circumvallaretur. Saluti fuerunt Lacedaemonius dux Gylippus et hoplitae a Corinthiis et Boeotiis ceterisque sociis missi. Praeterea cum Syracusae tunc democratice regerentur Hermocrates, vi acer et peritus, et in consiliis belli et in contionibus popularibus feliciter praepollebat. Ita victoria penes Syracusanos fuit et anno 413 a.C.n. exercitum hostium delendo terminos imperialismo Atheniensi imposuerunt. Simul ex illo bello Syracusae una e potentissimis civitatibus Graecis -immo fortasse potentissima- factae erant tam peritia nova belli et confidentia et numero navium quam mox etiam divitiis[10]. Saepe tamen cum Poenis bella de dominatione in Sicilia gerebant. Haec sempiterna bella eos ad tyrannidem Dionysiorum Maioris (405-367) et Minoris (367-357) mercennariis militibus subnixorum redegerunt. Postquam Platonis dicipulus Dio Dionysium anno 357 expulit per decem annos frequens successio tyrannorum sese invicem impugnantium exstitit atque velut anarchia militaris, donec Timoleon a metropoli Corinthia missus liberam rempublicam restituit. Viginti annis post Timoleontem mortuum vix elapsis rursus ad tyrannidem decursum est atque etiam ad regnum quoniam Agathocles (316-289) et Hiero II (275-215) titulum regium sibi vindicarunt.
Syracusae Romanae
recensereCum Romani in Siciliam venerunt initio primi belli Punici, Syracusani primum eis restiterunt. Mox tamen victi sunt ac deinde usque ad mortem Hieron II fidelissimus Romae socius esse perstitit. Ita tranquille regnare potuit ut qui Romanis morem gerebat. Sed eius nepos et successor Hieronymus societatem Romanam post 216 a.C.n., hoc est post cladem Cannensem, deseruit et Hannibali favit. Mox post tredecim menses regni et ipse occisus est et imperator Romanus Marcus Claudius Marcellus urbem oppugnare coepit quam machinae Archimedis diu defenderunt. Tandem anno 212 a.C.n. expugnata et direpta est: opera insignia artificum Graecorum e Syracusis Romam tum translata sunt ubi studium sculpturae, caelaturae, picturae apud Romanos stimulavere. Deinde nihil nisi urbs maxima provinciae Siciliae fuit in imperio Romano.
21 Maii 878 urbs a Saracenis capta est. Anno 1803 Ioannes Godofredus Seume Syracusis visitatis de itinere opus famosum Spaziergang nach Syrakus pepigit.
Hodie Syracusae ad rem publicam Italianam pertinent.
Aedificia egregia
recensere- Auris Dionysii (Italiane: Orecchio di Dionisio)
- Ecclesia cathedralis metropolitana Nativitas B.M.V.
- Fons Arethusae
- Ortygia
- Latomiae
Clari cives
recensere- Hermocrates, strategus rerum publicarum peritus quem Plato dialogis suis introduxit.
- Gelon, tyrannus
- Dionysius Maior, tyrannus
- Hiero II, rex
- Archimedes physicus
Ecclesia Catholica Romana
recensereEcclesiae Catholicae Romanae Syracusis sedes episcopalis metropolitana eiusdem nominis[6] est.
Fractiones, vici et loci in municipio
recensereFractiones
recensereArenella, Belvedere, Cassibile, Fontane Bianche, Ognina, Santa Teresa Longarini Scalo, Targia.
Loci
recenserePenisola della Maddalena (Isola, Plemmirio, Terrauzza),
Muncipia finitima
recensereNotae
recensere- ↑ Nomi d'Italia - AAVV, De Agostini
- ↑ 2.0 2.1 2.2 2.3 J. G. Th. Graesse, Orbis Latinus (Dresdae: Schönfeld, 1861; 1909. Brunsvici, 1972, 3 voll.) 1 (A–D), 2 (E–M), 3 (N–Z)}
- ↑ 3.0 3.1 3.2 Castiglioni, Aloisius; Mariotti, Scaevola. Vocabolario della lingua latina, latino-italiano, italiano-latino. Quarta editio a Petro Georgio Parroni curata (Taurini, 2007).}
- ↑ http://www.dizionario-latino.com/dizionario-italiano-latino.php?lemma=SIRACUSA100
- ↑ http://www.dizionario-latino.com/dizionario-italiano-latino.php?lemma=SIRACUSANO100
- ↑ 6.0 6.1 Cf. "Archidioecesis Syracusana" e The Hierarchy of the Catholic Church (situs a Davide M. Cheney elaboratus) (Anglice)
- ↑ http://www.dizionario-latino.com/dizionario-italiano-latino.php?lemma=SIRACUSANO100
- ↑ Thucydides VI.3.2. Strabo, Geographica VI.2.4
- ↑ Plutarchus, Vita Timoleontis 23.7.
- ↑ Thucydides, De bello Peloponnesiaco, libri VI-VII
Bibliographia
recensere- Davide Tanasi, Robert H. Tykot, Andrea Vianello, Stephan Hassam, "Stable isotope analysis of the dietary habits of a Greek community in Archaic Syracuse (Sicily): a pilot study" in STAR: Science & technology of archaeological research (2 Martii 2018)
Nexus interni
- Siciliam (regionrm)
- Consortium Liberum Municipale Syracusanum
- Provinciam Syracusanam (provinciam abrogatam)
- Urbes Italiae
- Fasti tyrannorum Syracusanorum
Nexus externi
recensere- Situs publicus (Italiane)
- Defensio Syracusarum in Secundum Bellum Punicum 213 a.C.n. (Latine)
|
Vicimedia Communia plura habent quae ad Syracusas spectant. |
Pinacotheca
recensere-
-
-
Ecclesia cathedralis.
