Bogota

Vide etiam paginam discretivam: Fanum Sanctae Fidei (discretiva).

Bogota^[1] (Hispanice Bogotá, IPA |boɣoˈta|), rite Bogota, Districtus Capitalis,^[2] nomine imminuto Bogota, D.C., atque aetate colonica Hispanica et ab anno 1991 ad annum 2000 Fanum Sanctae Fidei de Bogota,^[3]^[4] est caput et maxima Columbiae urbs, a Districtu Capitali administrata, et caput departimenti Cundinamarcae.^[5] Urbs est territorialis primi ut dicitur ordinis entitas, cui est idem status administrativus atque alia departimenta Columbiana. Urbs est praecipuus civitatis et quidem septentrionalis Americae Australis locus civilis, oeconomicus, administrativus, industrialis, culturalis, vecturalis, technologicus, scientificus, medicus, educationalis.^[6]^[7]^[8]^[9]^[10]^[11]

In Andibus montibus sita est, plus 2650 metra supra maris aequor.

Historia

Pictura oleacea Gonzalo Jiménez de Quesada, ab artifice ignoto facta, in Museo Nationali Columbiae Bogotensi curata.

Tempestas grandinis Bogotae.

Colles orientales Bogotae.

Condita est die 6 Augusti 1538 a Gonzalo Jiménez de Quesada^(en), qui tum dux erat exercitus exploratorum Hispanorum (conquisitatores qui vocantur) quique, secundum imperia regis Hispaniae, cum exercitu suo usque ad ortum fluvii Magdalenae prevenire conabatur. Attamen, cum illo tempore rex Hispaniae esset et imperator Sacri Imperii Romani, nomine Carolus V, haud mirum est Gonzalum invenisse duos alios exercitus exploratorum, a Nicolao von Federman et a Sebastiano de Belalcázar ductos, in eadem valle ubi sita erat caput regni Muiscarum, quae a populo Muisca^(en) vocabatur Bacatá. Itaque, ad pacem servandam, necesse fuit ducibus consilium capere sic ut Jimenez maneret in valle conderetque urbem, Federman ad orientem progredieretur, et tandem Belalcázar iter faceret ad occidentem, cursum fluvii sequens. Itaque, Gonzalo Jiménez de Quesada urbis conditor habetur, quam Santa Fé de Bogotá nuncupavit. Suo tempore, et Sebastianus de Belalcázar urbem condidit, ad occidentem Columbiae sitam, cui nomen dedit Santiago de Cali.

Nexus interni

Notae

↑ Carolus Egger, Diurnarius Latinus. Epitome actorum diurnorum in lingua Latina. (1980. ISBN 88-209-4366-2) p. 51
↑ Hispanice Bogotá, Distrito Capital.
↑ "Fanum Sanctae Fidei de Bogota" ("F" p. 12 apud Google Books) et alibi.
↑ Hispanice Santa Fe de Bogotá.
↑ "Organización del Distrito Capital". bogota.gov.co .
↑ Bogotá: World's Greatest Places 2022. . Time. 2022-07-12 .
↑ "The next Silicon Valley Colombia as the leading IT hub of TEAM International". 2022-08-12 .
↑ "The 5 "most competitive and influential" cities in Latin America". BBC News Mundo .
↑ Bogotá, among the five best capitals in Latin America to invest in | Bogota.gov.co. . bogota.gov.co .
↑ Bogotá breaks new ground in city innovation (again). Here's how. | Bloomberg Cities. . bloombergcities.jhu.edu .
↑ Best Latin American cities by healthcare quality 2019: Bogotá, the capital city of Colombia, led the ranking of best cities in Latin America based on healthcare quality.. . Statista .

Bibliographia

Bhadra-Heintz, John I. B. 2022. A Tyranny Against Itself: Intimate Partner Violence on the Margins of Bogota. Philadelphiae: University of Pennsylvania Press. ISBN 978-0-8122-9806-2.
Ceaser, Mike. Bogota: an urbanist's guide to the city. The Guardian, 22 Aprilis 2014.