Aethiopia

Aethiopia (Amharice ኢትዮጵያ Ityop'iya), olim Abyssinia, est civitas sui iuris in Africa Orientali sita et antiquissima civitas Africana. Sola inter omnes civitates Africanas, Aethiopica monarchia suam libertatem per omnem aetatem colonialem conservavit, nisi spectas ad Italicam occupationem (inter annos 1935 et 1941, dum bellum mundiale alterum gestum est).

Aethiopia

Res apud Vicidata repertae:

Aethiopia: insigne

Aethiopia: vexillum

Terra continens: Africa
Territoria finitima: Sudania, Sudania Australis, Kenia, Somalia, Gibutum, Erythraea, Foedus Arabicum, Somalilandia
Locus: 9°0′0″N 40°0′0″E
Caput: Neanthopolis

Gestio

Res publica foederalis
Princeps: Taye Atske Selassie
Praefectus: Abiy Ahmed Ali
Consilium: Federal Parliamentary Assembly

Populus

Numerus: 104 957 438
Sermo publicus: Amharice
Zona horaria: UTC+3, East Africa Time, Africa/Asmara
Moneta: bir

Commemoratio

Paean: March Forward, Dear Mother Ethiopia

Sigla

ISO ET, ETH, 231; IOC ETH
Dominium interretiale: .et
Praefixum telephonicum: +251
Siglum autoraedarum: ETH

Historia

Templi parietinae Iehae, in Tigra.

Imperator Haile Selassie circa annum 1963.

Bellum civile, circa annum 1991.

Circa annum 970, Iudita regina Christianos in Aethiopia persecuta est, et regni Axōmitarum labem acceleravit. Quam cum chronographi Aethiopum Hebraeam fuisse ducent, aliqui hodierni studiosi de hac re dubitant, et paganam fuisse suspicantur. Inferiore medio aevo ineunte regnum Aethiopicum natum est, Christianitatis in Africa propugnaculum.

Saeculo undevicesimo exeunte Europaei Africam fere omnem coloniis subigerant. Anno 1870 portus Arsinoes (Amharice assab), prope Meridionalem maris rubri introitum, Italica societate effectoria emitur, sultano cedente. Quod eventum Italicae coloniae in Erythraea fundamenta iacit. Coloniae expansio conflictui causam dat cum Imperio Aethiopico, a nego Menelik II gubernato, qui proelio Aduae anni 1896 exercitum colonialem vicit, Imperii libertatem servans. Italia et Aethiopia pactum Uccialorum obsignant, quo relationes inter duas civitates sanctae sunt.

Die 3 Octobris 1935, Italia sine belli denuntiatione in Imperium Aethiopicum impetum fecit. Etiam chemicorum armorum usu (praesertim mortiferi gasii yperiti) Itali Aethiopicam defensionem vicerunt et ad caput Neanthopolitanum die quinto Maii anni 1936 pervenerunt. Aethiopia igitur ad imperium coloniale Italicum in Africa Orientali Italiana annecta est. Altero bello mundiale, Aethiopia ab Anglis anno 1941 subacta est, qui Haile Selassie denuo regnum deferunt. Ipse imperavit usque ad annum 1974, quo militaris coniuratio, Amharice Derg nominata, Imperium abrogavit et socialisticum regimen creavit, duce Mengistu Haile Mariam. Annis 1984 et 1985, respublica tam gravem annonam pacta est ut fere octo miliones hominum pererent. Cruentis tumultibus, seditionibus, perdurantibus siccitatibus et refugorum problemate exhaustum, regimen denique a seditiosorum coalitione (Fronte Seditiosum Democraticae Aethiopiae) anno 1991 expellitur. Anno 1994, Concilium Constituens eligitur et prima comitia cum multis partibus celebrantur anno 1995. Maio anni 1998 propter limites contra Erythraeam bellum ortum est, annis duo pugnatum, quod coalitionem in potestate firmavit sed graviter reipublicae oeconomiam debilitavit.

Geographia

Tabula Aethiopiae.

Physica geographia

1.127.127 km² lata, Aethiopia 27ª civitas secundum magnitudinem est (post Columbiam), similis Boliviae.

Magna Aethiopiae pars in Cornu Africae, orientalissima Africae continentis parte, comprehenditur. Sudaniam Occidente, Erythraeam et Dzibutum Septemtrione, Somaliam Oriente et Keniam meridie tangit. In planitie montana Abyssiniae Aethiopia paene tota sita set. Incomposita montium summa (Acrochorum Aethiopicum) et disiunctorum aequorum Valle Fallitae divisorum est quae Austrorientalem et Boreorientalem civitatis partem dirimit et vallibus, steppis, semisolitudinibus circumdatur. Magna territorialis diversitas magnam climatis, terrae, naturalium gignantium et incolatarum arearum varietatem determinat.

Lacus Margarita visus de Dorzeico oppido. Longe dextrorsum urbs Quadraginta Verum (Amharice Arba Minch) et lacus Samum (Amharice Chamo Hayk) videri possunt. Inter duos lacus Consaeptum Publicum Nesisarum (Anglice: Nechisar National Park) est.

Lacus

• Lacus Margarita (Amharice Abaya Hayk)
• Lacus Tana (Amharice Tana Hayk)
• Lacus Samum (Amharice Chamo Hayk)

• 
  Lacus Tana
• 
  Lacus Tana satellite photographatus

Flumina

• Nilus Caeruleus
• Jubba
• Mareb
• Tacasus

Politica geographia

Erythraeae secessio anno 1993 civitatem aditu ad Mare Rubrum privavit. Subdivitur in novem regiones aut civitates (Amharice kilil) et in duas urbes statuarias (Amharice: astedader akababi). Civitates subdividuntur in 68 zonas quae denuo in 550 pagos (Amharice: woreda) et sex singularia pagi subdividuntur. Infra sunt novem regiones et duae urbes statutariae (hae ultimae in cursivis):

Regiones et urbes statutariae Aethiopiae

Numerus in tabula adiacente	Regio vel urbs Latine vel Latinizata	Regio vel urbs Anglice	Caput Latine vel Latinizatum	Caput Anglice
1	Neanthopolis	Addis Ababa	Neanthopolis	Addis Ababa
2	Afarum	Afar	Semera	Semera
3	Amhara	Amhara	Bahirdarum	Bahir Dar
4	Benisangulum et Gumuzum	Benishangul-Gumuz	Asosa	Asosa
5	Diredava	Dire Dawa	Diredava	Dire Dawa
6	Gambella	Gambela	Gambella	Gambela
7	Hararensis	Harari	Hararum	Harar
8	Oromia	Oromiya	Nazara (Aethiopia) sive Nazareth	Adama
9	Somalica	Somali	Jijiga	Jijiga
10	Nationes, Nationalitates et Populi Meridionales	Southern Nations, Nationalities, and People's Region	Avasa	Awasa
11	Tigre	Tigray	Mecellum	Mek'ele

Urbes

• Gondar
• Neanthopolis

Clima

Acrochorum Aethiopicum cum Rasdasano in dorso.

Temperatura praecipitationesque

Media temperatura Neanthopole circiter 15 °C Decembri et 18 °C Maio est. Iunius Augustusque, magnarum pluviarum menses, mediam temperaturam circa 15 et 16 gradus (minimam circa 11) habent. Minima infima (circa 5 aut 6 gradus) Novembri Decembrique habetur. Annua media pluviositas circiter 1200mm. est (minima de Novembri ad Ianuarium, maxima de Iunio ad Septembrem). Adscripta extrema: minima -7º et maxima 40º.

Transvectio

Hactenus Aethiopiae autoviae inefficaciores sunt, maxima parte ab Italicis paucis imperii annis constructae. Viarum inopia multo graviorem reddidit annonnae caritates quas civitas passa est.

His annis, ut opes sufficiebant post bellum cum Erythraea compositum et compluria renovabantur, multae viae in Aethiopia aedificatae sunt, imprimis Neanthopoli et in finitimis maioribus urbibus.

Ferrivia unica quae Neanthopolem cum Dzibuto trans Diredavam coniungit, a Gallis anno 1917 constructa est,

Aeriportus Internationalis Bolei, Neanthopole, ultimis annis meliorem effectum est et excellentem ad Africanam normam considerari potest; societas effectoria, Ethiopian Airlines, praeclara inter Africanas societates fama fruitur, maxime propter bonam selectionem et gubernatorum exercitationem (plerumque in Britannico Regno effectam). Aethiopia regularis intestinis connexionibus fruitur non solum cum praecipuarum urbium sed etiam parvorum pagorum cum aeriportibus, velut Lalibelae, traditionalis peregrinorum destinatio et recentius periegeticorum.

Periegesis

Aethiopia adhuc periegeticum propositum periculosum est, accommodatae infrastructurae nondum sunt. Nihilominus Aethiopica gubernatio periegesin futuro praecipuorum lucrativorum fontium unam civitati considerat. Pecunioso et bene erudito periegetico, locali cultura et naturali pulchritudine tracto, collineatur. Anno 1998, circiter 250 000 hominum Aethiopiam visitaverunt; attamen, in praesenti plerique salutatores Aethiopiam obiter vel ob negotia eunt.

Demographia

Scholares in Occidentali Oromia,in Aethiopia.

Aethiopici populi copia ultimis decenniis a 33,5 milionibus, qui anno 1983 numerabantur, anno 2006 ad 75,1 miliones pervenit. Gentium maxima est varietas, quarum plerique Semiticis aut Chusiticis linguis utuntur. Oromi, Amhari, et Tigraii et Somalienses amplius tres multitudinis quadrantes constituunt, sed amplius 80 dissimiles ethnici globi in Aethiopia, quorum aliqui minus quam 10 000 hominum habent.

Aethiopes et Erythraei, praeprimis Semitophoni, conlective sibi hābešā (Amharice) alludunt, quamquam alii hoc nomen repudiant eo quod solum quibusdam phylis adludit. Arabica huius vocis forma (الحبشية) antiqui nominis Aethiopiae, Abyssiniae, etymon Latinae linguae et aliis Europaeis linguis est.

Secundum Aethiopicum reipublicae censum anni 1994, Oromi maximus ethnicus circulus in Aethiopia cum 32.1 centesimis. Amhari 30.2 centesimae sunt, dum Tigraius populus 6.2 centesimae multitudinis sunt. Alii ethnici globi aut phylai sunt hi: Somalienses 6 centesimae, Guragei 4.3 centesimae, Sidami 3.4 centesimae, Volaeti 2 centesimae, Afarenses 2 centesimae, Hadiii 2 centesimae, Gami 1 centesimae.

Linguae

Aethiopia octoginta quattuor autochtones habet linguas, quarum aliquae sunt:

• Afarica
• Amharica
• Anfillica
• Bertica
• Bussica
• Cambatica
• Consica
• Gamica
• Goffica
• Guragica
• Hadiica
• Hararica
• Ongotica
• Oromica
• Sahica
• Sidamica
• Siltica
• Sodica
• Somalica
• Tigrinnica
• Volaetica

Lingua Anglica extera lingua quam amplissime loquuntur et in secundariis scholis instructionis medium est. Lingua Amharica primariae scholaris instructionis lingua erat, sed multis locis permutata est localibus linguis velut lingua Oromica et lingua Tigrinnica. Aethiopia proprium alphabetum, Geezicum sive Aethiopicum nominatum, et calendarium habet. Lingua Geezica, solemnis prisca regni Axōmitarum lingua, principalis liturgica lingua Tevahedicae Orthodoxae, Catholicae Aethiopicaeque Ecclesiarum et Iudaicae Bēta 'Isrā'ēl communitatis hodie manet, sine maternis locutoribus.

Religio

Religio in Aethiopia
religio			centesimae
Christianitas			62.8%
Islam			33.9%
Religio Vernacula			2.6%
Other			0.6%

Secundum recentissimum publicum anni 1994 censum, Christiani 61%, Musulmani 33%, et traditionalium religionum cultores 5% civitatis multitudinis constituunt, quod ad praesentia accommodato Libro Factorum Mundanorum Centralis Intellegentiae Agenturae (Anglice CIA World Factbook) adsentitur, ubi Religio Christiana amplissime colitur in Aethiopia, quamquam Civitatum Foederatatum Civitatis Departimentum contradictoria schemata habet, Religionem Islamicam tam aut paulo magis cultam conlocantia; ergo recensio opus esset (Sunnitica Religio Islamica 45–50%, Orthodoxa 40%, Protestans 5%, et reliquae traditionales). Orthodoxus Christianismus Aethiopiae Centro et Septemtrione praevalet dum Orthodoxi et Protestantes Christiani Aethiopiae Meridie et Occidente magnam repraesentationem habent.

In corio haec pictura Aethiopicos Orthodoxos sacerdotes sirgo et tympano canentes depingit.

Antiquus Iudaicus allophylus (Geezice Bēta 'Isrā'ēl) Boreoccidentalem Aethiopiam colunt, tametsi multi Israelem ultimis saeculi vicensimi decenniis emigraverunt per redemptorias missiones ab Israelitica gubernatione factas, Operationem Moysen et Operationem Salomonem. Aliqui Israelitae et Iudaici eruditi hos Aethiopicos Iudaeos historicas "Perditas Tribus Israelis" considerant. Aliquando Christianismus in Africa Europaea importaticia cum colonialismo venta putatur, sed hic Aethiopiae casus sic non est.

Iesus et Maria. Translaticia pictura Aethiopica.

Regnum Axomitarum primarum civitatum rite Christianismum adoptantium una fuit, cum Tyrius Sanctus Frumentius, frēmnāṭōs et abba selama 'pater pacis' in Aethiopia nominatus, regem Aezanam saeculo quarto convertit. Aliqui Evangelium in Aethiopiam adhuc superiore tempore intravisse credunt, quia regalis praefectus se a Philipo Evangelista in Actuum Apostolorum capite nono baptizatum describitur. Hodie, Ecclesia Tevahedica Orthodoxa Aethiopica, Orientalis Orthodoxae pars, facile maxima ecclesia, quamquam Protestantium (p'ent'ay) Amharice ecclesiarum numerus et Ecclesia Tehadesica Orthodoxa Aethiopica nuper progressa est. De saeculo duodevicensimo relative^? parva Ecclesia Catholica Aethiopica Uniata in plena communione cum Roma fuit cuius fautores minus quam 1 centesima multitudinis constituunt.

Despectus in Bete Giyorgis, templum ex saxis exsculptum Lalibelae.

Nomen Aethiopiae (Hebraice kush) Bibliis saepe citatur (37ies. in Versione Regis Iacobi. Abyssinia in Alcorano et in Haditho etiam citatur. Dum aliqui Aethiopes kush (quod Chusum Latinizatur) Biblicas mentiones suo proprio prisco civili cultui applicari opinantur, flumen Gihon, Nili aliud nomen, hanc regionem transire dici indicantes, plerique haud Aethiopici eruditi vocis usum ad Regnum Cusumimprimis aut ad Africam,excepto Aegypto, generatim referre putant. Aliqui Biblicum Chusum magnam terrae partem esse Septemtrionalem Aethiopiam, Erythraeam, et maximam hodiernae Sudaniae partem includentem^? argumentati sunt. Capita Biblici Chusi urbes in Septemtrionali Sudania essent.

Meschita in Harar

Religio Islamica in Aethiopia de religionis originibus est; anno 615, cum Musulmanorum circulus a Machometo ut insectatione in Mecca fugirent et in Aethiopiam peregrinarentur monitus est, cui Asama ibn Abjar, pius Christianus rex, praeerat. Insuper etiam, Bilalus, primus muezzinus, homo ut fideles precationi convocet electus, et Machometi principalium sociorum unus Aethiops erat.

Numerosae autochthones Africae religiones in Aethiopia sunt, praesertim longe in Austroccidentalibus et Occidentalibus limitibus sitae. Generatim, plerique (haud Chalcedonii Tevahedici Orthodoxi Aethiopici) Christiani generaliter in montanis terris, dum Musulmani et traditionalium Africarum religionum fideles inferiores regiones nationis Oriente et Meridie colere solent.

Bob Marley, musicus reggae, motum Rastafarianum multo promovit.

Aethiopia etiam motus Rastafariani spiritualis patria est, cuius fautores Aethiopiam Sion esse credunt. Rastafariani Imperator Haile Selassie I Iesum, humanam Dei incarnationem vident, apparenter ab ipso Haile Selassie I haud impertita visio, qui Aethiopicae Orthodoxae fervens fautor erat. Sion conceptum etiam crebrum inter Aethiopicos Orthodoxos Christianos, quamquam separatum et difficile conceptum, ad Mariam, matrem Iesu, figurative sed etiam ad Aethiopiam Christianismi a Musulmanis et aliis religionibus circumdati propugnaculum (sicut Mons Sion in Bibliis) referens, repraesentat. Etiam voce Sion utuntur ut ad Axōmin, antiquum caput et religiosam Aethiopicorum Orthodoxorum Christianorum sedem, aut ad eius principalem ecclesiam, Ecclesia Nostrae Dominae Mariae Sionitae nominatam, referant. Bahaismus de decennio 195 consessus est, et hodie praecipue Neanthopole sed etiam in suburbiis Yeka, Kirkos, et Nefas Silk Lafto concentratur.

Ratio civilis

Mengistu Haile Mariam, olim praeses Aethiopiae.

Meles Zenawi, praesens primus Aethiopiae minister.

Civitas de anno 1989 Auctoritatis Intergubernativae Incremento, Afrocornuvicis nationibus formatae politico-commercialis ordinationis, partem facit.

Aethiopici Consilii Constituentis electio, a 547 sodalibus compositi, Iunio anni 1994 facta est; hoc consilium Decembri eiusdem anni Rei Publicae Democraticae Foederalis Aethiopiae constitutionem probavit. Primo Aethiopico nationali parlamento, vere popularium comitiorum fructui, et variis regionalibus parlamentis comitia facta sunt Maio et Iunio anni 1995. Pleraeque oppositionis partes haec comitia boycottare elegerunt. Magna partibus Frontis Contumacis Democraticae victoria fuit. Observatores ex aliis rebus publicis et haud gubernativae procurationes ut oppositionis partes participare potuissent si voluissent notare fecerunt.

Rei Publicae Foederalis Democraticae Aethiopicae gubernatio magistratum init Augusto anni 1995. Primus Praeses electus Negassus Gidada fuit. Primi administri, Melis Zenawi, Fronte Contumace Democratico Aethiopiae ducta gubernatio ethnici foederalismi politiam evexit, reddendis potestatibus regionalibus auctoritatibus, ethnica compositione fundatis. Aethiopia hodie novem administrativas regiones semiautonomas tributorum exigendorum et autonomice erogandorum potestatem habentes. Sub praesenti gubernatione, Aethiopes maiore politica participatione et politico iurgo liberiore quam quovis alio momento eorum historiae anteriore fruuntur, quamquam aliquae fundamentalia iura, inter ea libertas preli, revera paulo circumscribuntur.

Senis Zenawi gubernatio rursus electa est anno 2000 in Aethiopicae historiae primis polycommicis comitiis. Praesens praeses Gima Wolde-Giorgis est.

In ultimis comitiis anno 2006 celebratis munere functa gubernatio victa est in sedibus comitialibus capiti, cum fere octoginta suffragiorum differentia, sed munus mansit e rure profectorum suffragiorum opera vicisse asseverando. Numerosae Neanthopolitanorum et aliarum urbium civium protestationes cum igneis contentionibus confecerunt ubi hominum decenae, forsan centenae, necati sunt.

De anno 1991, Aethiopia "bonas relationes" cum Civitatibus Foederatis et Occidentali Europa statuit et oeconomicum firmamentum substantiale ex Occidentalibus nationibus et ex Argentaria Mundana invenit. Anno 2004 gubernatio amplius duos miliones hominum ex aridis superioribus terris Orientalibus transducere coepit rationem ut hae novae systematizationes cibi inopiam imminuissent afferens.

In Aethiopia denuo celebrata sunt comitia Maio anni 2005, cum excentualis suffragatorum principatus esset. Quamquam Unionis Europaeae observatores in talibus comitiis internationales iuxtis liberisque suffragiis regulas violari indicaverunt, alii globi dissimilem conclusionem venerunt. Declaratio 14 Septembris Unione Africana facta, quidem, magnam Aethiopum partem "sanum in democraticis exemplaribus compromissum" ostendere laudat; postridie, Carterianus Civitatum Foederatarum Situs (Anglice: Carter Center of the United States) conclusit: "pleraeque comitialium circumscriptionum resultationes iduum Maiorum suffragiis et tabulatione fundatae credibiles sunt et competitivas condiciones reddunt."

Extera politia

In extera politia dominatur "tensio" cum vicina Erythraea: de limitibus inter ambas nationes conflictus, anno 2000 cum pacto Icositano finitus, pacificis relationibus inter ambas nationes superatus non est, et de limitibus discordia manet. Communium ambabus civitatibus "problematum"^? unum considerabilis apparatuum indisplosorum (UXO) et metallorum contra homines et vehicula variorum generum numeri praesentia repraesentatur.

Oeconomia

Oeconomia in gravissimis condicionibus versat, profecto bellum civile et crebra siccitas Aethiopiam pauperrimarum nationum unam in mundo fecerunt, revera in Indice Incrementi Humani classificatione 169º loco est. Agricultura traditionalibus methodis efficitur et praecipuae productiones sunt in superioribus terris caffea (exportationi), holera, legumina, et frumentum, dum umidioribus in locis xylon et tabacum. Res pecuaria evolutissima est, sed silvaticae opes parcae sunt, et in hypogaea platini aurique deposita sunt. Industria textili alimentariaque productione se continet. Aethiopia adhuc periegeticum propositum periculosum est, accommodatae infrastructurae nondum sunt. Nihilominus Aethiopica gubernatio periegesin futuro praecipuorum lucrativorum fontium unam nationi considerat. Pecunioso et bene erudito periegetico, locali cultura et naturali pulchritudine tracto, collineatur. Quia mari finitima non est, Aethiopia portus non possidet, et Erythraeis et Dzibutensibus fidit.

Importaticia

Aethiopia diversa commoda, de materiis primis ad commoda capitalia, ad commoda sumptus importat. Importaticia plurimum exportaticia superant quod amplum aequilibritatis commercialis defectum determinat.

Sanitas

Secundum Argentariae Mundanae Globalis VIDH/SCDI Programmatis (Anglice Global VIH/AIDS Program) caput, Aethiopia solum unum medicum pro 100 000 hominum habet. Nihilominus, Consociatio Mundialis Sanitatis in sua Relatione Salutis Mundana anni 2006 (Anglice: 2006 World Health Report) 1936 medicorum (anno 2003) numerum dat qui circiter 2.6 pro 10 000 conformant. Globalizatio nationem afectare dicitur, cum nonnullis educatis peritis Aethiopiam relinquentibus ad meliorem oeconomicam opportunitatem in Occidente. Quamquam Aethiopica gubernatio nuper totam per nationem salaria peritis auxit, generalis medicus familiae saltem 85iens maius salarium accipere potest in Civitatibus Foederatis laborando quam in Aethiopia. Anno 2006, fuerunt plus Aethiopes exercitati medici Sicagi quam Aethiopiam totam incolentes.

Educatio

Educationi in Aethiopia dominatur Ecclesia Orthodoxa per multa saecula usque ad saecularis educationis adoptionem decennio 190. Electae hominum manus, praecipue Christiani et centralis generis Amharici incolae, maiorem privilegii partem habebant, usque ad annum 1974 cum gubernatio rurales areas assequi conabitur. Praesens systema ruris simillima scholaria schemata sequitur velut superius decennii 198 systema cum profundioris regionalizationis additione, quae ruralem educationem propriis linguis in plano elementario dat, et cum plus pecunia destinata ad Educationis Campum. Generalis educationis cursus in Aethiopia primariae scholae sex anni inferioris secundariae scholae quattuor anni et superioris secundariae scholae duo anni est. Quotidie, augere elementariarum scholarum numerum quaeritur ut iuvenes legere et scribere doceant.

Nexus interni

• Historia Aethiopiae
• Lalibela
• Tekle Giyorgis II
• Theodorus II (imperator Aethiopiae)

Bibliographia

• Bahru Zewde. 1991. A History of Modern Ethiopia, 1855–1974. Athenis Ohii: Ohio University Press. ISBN 0-85255-067-7.
• Haile Selassie I. 1999. My Life and Ethiopia's Progress: The Autobiography of Emperor Haile Selassie I. Conversus ab Edward Ullendorff. Sicagi: Frontline. ISBN 0-948390-40-9.
• Henze, Paul B. 2004. Layers of Time: A History of Ethiopia. Shama Books. ISBN 1-931253-28-5.
• Marcus, Harold G. (1975) 1995. The Life and Times of Menelik II: Ethiopia, 1844–1913. Trenton, NJ: Red Sea. ISBN 1-56902-009-4. Prima editio: Oxoniae: Clarendon Press.
• Marcus, Harold G. 2002. A History of Ethiopia. Nova editio. Berkeley: University of California Press. ISBN 0-520-22479-5.
• Mauri, Arnaldo. 2003. "The Early Development of Banking in Ethiopia." International Review of Economics 50 (4): 521–43.
• Mauri, Arnaldo. 2009. "The Re-Establishment of the National Monetary and Banking System in Ethiopia, 1941–1964." The South African Journal of Economic History 24 (2): 82–131.
• Mockler, Anthony. (1984) 2003. Haile Selassie's War. Novi Eboraci: Olive Branch. ISBN 1-902669-53-3. Prima editio: Novi Eboraci: Random House.
• Pankhurst, Richard. History of Northern Ethiopia—And the Establishment of the Italian Colony or Eritrea. Civic Webs Virtual Library. Confirmatum 5 Aprilis 2008.^{[nexus deficit]}
• Rubenson, Sven. 2003. The Survival of Ethiopian Independence. Ed quarta. Hollywood Californiae: Tsehai. ISBN 0-9723172-7-9.
• Uhlig, Siegbert, et al., eds. 2003. Encyclopaedia Aethiopica, Vol. 1: A-C. Wiesbaden: Harrassowitz Verlag.
• Uhlig, Siegbert, et al., eds. 2005. Encyclopaedia Aethiopica, Vol. 2: D-Ha. Wiesbaden: Harrassowitz Verlag.
• Uhlig, Siegbert, et al., eds. 2007. Encyclopaedia Aethiopica, Vol. 3: He-N. Wiesbaden: Harrassowitz Verlag.

Nexus externi

Vicimedia Communia plura habent quae ad Aethiopiam spectant.

Situs geographici et historici: Locus: 9°0′0″N 40°0′0″E • OpenStreetMap • GeoNames • Thesaurus Getty • Commentatio Theodisce, Francogallice, Italice apud Lexicon historicum Helveticum • Store norske Lexikon • Treccani

• Wikivoyage Aethiopia (Francogallice)

Civitates et territoria Africae

Opus geopoliticum • Nationes mundi • Africa

Capsae cognatae: America • Asia • Europa • Oceania

Aethiopia : politica

Praesides Aethiopiae (1987— )

Mengistu Haile Mariam 1987 • Tesfaye Gebre Kidan 1991 • Meles Zenawi 1991 • Negasso Gidada 1995 • Girma Wolde-Giorgis 2001 • Mulatu Teshome 2013 • Sahlework Zewde 2018 መንግስቱ ኃይለ ማርያም • ተስፋዬ ገብረ ኪዳን • መለስ ዜናዊ • ነጋሶ ጊዳዳ • ግርማ ወልደ ጊዮርጊስ • ሙላቱ ተሾመ • ሳህለወርቅ ዘውዴ Opus geopoliticum • Duces civitatum Africanarum hodiernarum Capsae cognatae: Primi ministri Aethiopiae

Primi ministri Aethiopiae 1987–

Fikre Selassie Wogderess 1987 • Hailu Yimenu 1989 • Tesfaye Dinka 1991 • Tamrat Layne 1991 • Meles Zenawi 1995 • Hailemariam Desalegn 2012 • Abiy Ahmed Ali 2018 ፍቅረ ሥላሴ ወግደረስ • ሃይሉ ይመኑ • ተስፋዬ ድንካ • ታምራት ላይኔ • መለስ ዜናዊ • ኃይለማርያም ደሳለኝ • አብይ አህመድ አሊ Opus geopoliticum • Gubernatores civitatum Africanarum hodiernarum Capsae cognatae: Praesides Aethiopiae • Ministri rerum externarum Aethiopici

Ministri rerum externarum Aethiopici

Negadras Haile Giorgis Woldemichael 1907 • Negadras Yigezu Behabte 1910 • Fitawrari Habte Giorgis Dinegde 1912 • Dejazmatch Beyene Yimer 1912 • Ras Mulugeta Yigezu 1916 • Tsehafi Taezaz Wolde Meskel Tariku 1917 • Ras Tafari Makonnen 1917 • Blattengeta Heruy Woldeselassie 1930 • Blattengeta Lorenzo Taezaz 1941 • lattengeta Ephrem Teweldemedhin 1942 • Tsehafi Taezaz Aklilu Habte-Wold 1943 • Yilma Deressa 1958 • Haddis Alemayehu 1960 • Mikael Imru 1961 • Ketema Yifru 1961 • Minasse Haile 1971 • Dejazmatch Zewde Gabre-Selassie 1974 • Kifle Wodajo 1974 • Feleke Gedle-Giorgis 1977 • Goshu Wolde 1983 • Berhanu Bayih 1986 • Tesfaye Dinka 1989 • Tesfaye Tadesse 1991 • Seyoum Mesfin 1991 • Hailemariam Desalegn 2010 • Tedros Adhanom 2012 • Workneh Gebeyehu 2016 • Gedu Andargachew 2019 • Demeke Mekonnen 2020 • Taye Atske Selassie 2024 Opus geopoliticum • Ministri a rebus externis civitatum Africanarum hodiernarum Capsae cognatae: Primi ministri Aethiopiae