Res publica popularis Donetskensis

Res publica popularis Donetskensis^[1] (Russice: Донецкая Народная Республика, tr. Doneckaja Narodnaja Respublika; Ucrainice Донецька Народна Республіка, tr. Donec'ka Narodna Respublica) est civitas non rite agnita in Europa Orientali in Ucraina sita, quae anno 2014 se rem publicam sui iuris esse declaravit. Ab anno 2014 ad annum 2015 cum re publica populari Luganskensi pars confoederationis Novae Russiae fuit, die 21 Februarii 2022 civitatem sui iuris a Russia admissa, mense Octobri anno 2022 pars Russiae declarata est omnibus paene civitatibus negantibus. Dux eius est Dionysius Pušilin et legislatura eius est Consilium Populi Rei publicae popularis Donetskensis.

In litore septentrionali paludis Maeotidis sita, res publica cum regione Rostoviensi et re publica populari Luganskensi d orientem, regione Charcoviensi ad septentrionem et regione Dnepropetrovskensi necnon Zaporizhiensi ad occidentem contermina est. Aream 26 517 chm² habet et circa 4 320 milia incolarum (anno 2014). Caput rei publicae Fornaces sunt. Aliae urbes sunt Bachmutum, Kramatorsk, Mariopolis, Sacrimontium (Sviatogorsk), Thorez etc. Tanais Minor flumen rei publicae maximum est; Istrianus fluvius trans Fornaces et Mariopolim fluens in Paludem Maeotidem effunditur.

Historia

Imago tumultuum Donetskensium

Multi Russi regionem Donbassem in Ucraina orientali incolebant. Die 7 aprilis 2014, post Euromaidan concursum Ucrainae ad Europam adiungendae gratia atque post invasionem russicam in Crimaeam, intercedentes armati sedem publicam Donetskensem occupaverunt atque Donbassis libertatem declaraverunt. Sola Ossetia Meridionalis civitatem agnovit, dum Ucraina eam globum tromocraticum putabat.

De bello civili Ucrainae orientalis tractant Organizatio securitati cooperationique in Europa favendis (OSCE sive OSZE)^[2]^[3] et Concilium Salutis Consociationis Nationum vel etiam Curator supremus Consociationis Nationum pro Iuribus Humanis.^[4]

Nexus interni

Notae

↑ Cf. de regione Donetskensi Two new species of Leveillula, 1988; "donetzensis" ([1]) de nomine Donetz (Донец) fluvii derivatum videtur.
↑ OSCE SPECIAL MONITORING MISSION (SMM) TO UKRAINE: The facts
↑ http://www.zeit.de/politik/ausland/2015-06/osze-ukraine-eskalation
↑ Office of the United Nations High Commissioner for Human Rights: Report on the human rights situation in Ukraine.

Nexus externi

Vicimedia Communia plura habent quae ad Rem publicam popularem Donetskensem spectant.

Civitates et territoria Europae

Civitates	Albania · Andorra · Armenia · Atropatene · Austria · Belgica · Bosnia et Herzegovina · Britanniarum regnum · Bulgaria · Cechia · Civitas Vaticana · Croatia · Cyprus · Dania · Estonia · Finnia · Francia · Georgia · Germania · Graecia · Helvetia · Hibernia · Hispania · Hungaria · Islandia · Italia · Lettonia · Lichtenstenum · Lituania · Luxemburgum · Macedonia Septentrionalis · Melita · Moldavia · Monoecus · Mons Niger · Nederlandia · Norvegia · Polonia · Portugallia · Romania · Russia · Ruthenia Alba · Serbia · Sanctus Marinus · Slovacia · Slovenia · Suecia · Turcia · Ucraina
Civitates statu dubio	Abascia · Carabachia Superior · Cyprus septentrionalis · Donetskensis · Kosovia · Luganskensis · Ossetia Meridionalis · Transnistria
Territoria obnoxia et statu dubio	Acroterium et Decelea · Caesarea insula · Crimaea · Faeroae · Gibraltaria · Lisia · Riduna · Monapia · Sargia

Porta geopolitica • Nationes mundi • Europa

Capsae cognatae: Africa • America • Asia • Oceania

[1] Cf. de regione Donetskensi Two new species of Leveillula, 1988; "donetzensis" ([1]) de nomine Donetz (Донец) fluvii derivatum videtur.

[2] OSCE SPECIAL MONITORING MISSION (SMM) TO UKRAINE: The facts

[3] ttp://www.zeit.de/politik/ausland/2015-06/osze-ukraine-eskalation

[4] Office of the United Nations High Commissioner for Human Rights: Report on the human rights situation in Ukraine.

[1]

[2]

[3]

[4]