Astyanax

Astyanax (Ἀστυάναξ = "urbis dominus", ita a Troianis appellatus quia solus Hector Ilium tuebatur) vel Scamandrios (Σκαμάνδριος, Σκάμανδρος ab ipso patre appellatus) in mythologia Graeca est filius Hectoris et Andromaches coniugis eius. Una e lepidissimis scaenis Iliadis exeunte carmine sexto Astyanactem patris ad proelium properantis galeam cristamque reformidantem et lacrimantem ostenditː tunc pater abiecta galea puerum manibus sustulit et osculatus est. Troia capta a Graecis victoribus, adhuc filium Hectoris timentibus ne olim bellum renovaret, ex altissima turre praecipitatus est. Quod horrendum fatum et Euripides et Seneca in scaenam protulerunt. Aetate moderna et Maphaeus Vegius de Astyanacte poema conscripsit.

Hector ad pugnam proficiscens ; Astyanax in sinu matris Andromachae sedet. Crater rubris figuris ex Apulia. IV saec. a.C.n.

Fontes

• Euripides, Troades 713-789 et 1133sqq.
• Ilias VI.399-404 et 466-484 necnon XXII.484-515 et XXIV.726-739.
• Seneca, Troades

Plura legere si cupis

• Pascale Brillet-Dubois, "Astyanax et les orphelins de guerre athéniens. Critique de l’idéologie de la cité dans les Troyennes d’Euripide", Revue des études grecques, 2010ː 29-50.
• M. Dyson et K. H. Lee, "The Funeral of Astyanax in Euripides' Troades", The Journal of Hellenic Studies, 2000ː 17-33
• Louis H. Feldman, "Ascanius and Astyanax: A Comparative Study of Virgil and Homer", The Classical Journal, 1958ː 361-366

De Bello Troiano

Achaei Achilles • Agamemnon • Agapenor • Aiax maior • Aiax minor • Andromache • Idomeneus • Menelaus • Nestor • Philoctetes • Sinon • Stentor • Thersites • Thoas • Ulixes Troiani Astyanax • Hector • Hecuba • Paris (heros) • Patroclus • Priamus