Agapenor
Agapenor (Graece Αγαπήνωρ) in mythologia Graeca est rex Arcadiae, filius Ancaei et Iotidis.
Et Pseudo-Apollodorus et Hyginus illum unum e procis Helenae fuisse ferunt. Homerus quoque in Catalogo navium illius mentionem facit. Nam Poeta dicit illum "multos bellicosos Arcades" sexaginta navibus Troiam duxisse, quas illi Agamemnon dederat. Nomen eius nusquam inveniri potest in reliquis carminibus Homeri de proeliis ante Troiam, sed a Quinto Smyrnaeo Agapenorem inter heroes numeratur qui in equo Troiano latent.
Inter ludos funebres Achillis, saltu ante ceteros excelluit, accepitque a Thetide arma Cycni, filii Neptuni, quem Achilles, Bello Troiano ineunte,[1] occiderat.
A Pausania reditus illius a Troia sic narratur: tempestas Arcades in insulam Cyprum proiecit, ubi Agapenor urbem Palaepaphum condit, templum Veneri dicat, cultumque deae instituit.
Fontes
recensere- Apollodorus, Bibliotheca III, 10, 8.
- Homerus, Ilias II, 603-614.
- Hyginus, Fabulae LXXXI.
- Pausanias, Descriptio Graeciae VIII, 5, 2.
- Quintus Smyrnaeus IV, 468 ; XII.
Notae
recensere- ↑ Quintus Smyrnaeus (IV, 468).