Thomas Jeffersonius
| Thomas Jeffersonius | |
|---|---|
| Thomas Jefferson | |
(cropped).jpg) | |
| 3° Praeses Civitatum Foederatarum Americae | |
| 1801–1809 | |
| Antecessus a | Ioannes Adams |
| Secutus a | Iacobus Madison |
| Natus | 13 Aprilis 1743 Comitatus Albemarle, Virginiae |
| Obiit | 4 Iulii 1826 Monticello in Virginia |
| Praeses vicarius | Aaron Burr (1801–1805), Georgius Clinton (1805–1809) |
| Factio | Democraticus-Republicanus |
| Uxor | Martha Wayles Skelton Jeffersonius |
| Ars | Agricola, architectus, causidicus, philosophus, physicus, scriptor |
| Religio | Deismus, Ecclesia Anglicana |
Thomas Jeffersonius,[1] sive vulgo Thomas Jefferson (Albemarle Comitatus Virginiae, 13 Aprilis 1743—Monticello, 4 Iulii 1826[2]), unus ex Conditoribus Civitatum Foederatarum, fuit agricola, iuris consultus, architectus, archaeologista, philosophus, physicus, scriptor, vir publicus, Virginiae gubernator, Ioanni Adams Praeses Vicarius, et tertius Civitatum Foederatarum praeses.
Jeffersonius fuit Washingtonii Secretarius Civitatis (1789–1797).
Jeffersonius fuit velut Thomas Paine philosophus secundum Lockii ideas de contractu sociali et iure naturali atque auctor principalis Declaratio Libertatis. Anno 1818 Universitatem Virginiensem condidit.
VitaRecensere
Jeffersonius iurisprudentiae studebat et anno 1769 membrum conventus legislativi factus est. Tempore Belli libertatis gubernator Virginiae erat et annos duos membrum Congressus Civitatum Foederatarum. Tunc cum aliis Declarationem independentiae adumbravit. Annis inter 1779 et 1781 autem Virginiensis gubernator fuit antequam anno 1785 Lutetiam iret. Post reditum in Americam anno 1789 foederalistarum notiones de unione facienda, quibus Alexander Hamilton praeerat, impugnans iura civitatis uniuscuiusque corroborare voluit. Anno 1792 secretarius primus rectionis novae foederalis creatus est et senatoribus proposuit plures ideas de mensuris, monetis, ponderibus uniendis, de piscatu atque commercio internationiali emendandis. Insuper Charlottesville in urbe academiam instituit et inoculationem variolarum promovit. Anno 1794 dimissionem petivit in latifundia sua rediturus; post tres annos autem praeses vicarius creatus est. Die 17 Februarii 1801 et denuo anno 1805 Statuum Unitorum praeses electus est. A Francis Civitatem Ludoviciana acqurere potuit.
Iura civitatum liberarum Americae Septentrionalis identidem contra Britannicam aggressionem defendebat. Jeffersonius in decretis obsidionis, quae Napoleo tyrannus et Angli Americanis imposuerant, mercatores proprios generali navium retentione adiuvit. Electio tertia in praesidium anno 1809 oblata accepta non est; praetulit se conferre ad latifundia Monticello ut studiis variis vacaret. Sed crumina aegrotante terras suas et bibliothecam amplam vendere coactus est; libri ex anno 1814 in Congressu inveniuntur.
Jeffersonius democratiam Americanam creavit, quae foederalismum contra centralistica firmare soleret. Inter scripta maioris momenti sunt Notes on the State of Virginia (1781; idiomatibus Anglico et Francogallico) et A Manual of Parliamentary Practice (1801).
Scripta selectaRecensere
- 1781-1783 : Notes on the State of Virginia
- 1787 : Memorandums Taken on a Journey from Paris into the Southern Parts of France and Northern of Italy
- 1788 : Memorandums on a Tour from Paris to Amsterdam, Strasburg and back to Paris
- 1790 : Plan for Establishing Uniformity in the Coinage, Weights, and Measures of the United States
- 1801 : A Manual of Parliamentary Practice
NotaeRecensere
- ↑ Nomen adhibitum in Francis Glass, A Life of George Washington, in Latin Prose, ed. J. N. Reynolds (Novi Eboraci: Harper & Brothers, 1835), pp. 146. Vide etiam binomen Chesapectinem jeffersonium.
- ↑ Die ipso mortis praesidis Ioannis Adams et quinquagensimo anno iubilaei Declarationis Libertatis Civitatum Foederatarum
BibliographiaRecensere
- Julian P. Boyd et al., edd., The Papers of Thomas Jefferson. Princetoniae et alibi, 1943-
- Paul Leicester Ford, ed., The Works of Thomas Jefferson. 12 voll. Novi Eboraci: Putnam, 1904-1905 Textus apud Liberty Fund
- Conor Cruise O'Brien, The Long Affair: Thomas Jefferson and the French Revolution, 1785-1800. Londinii: Sinclair-Stevenson, 1996. ISBN 1-85619-637-2
- George Green Shackelford, Thomas Jefferson's Travels in Europe 1784-1789. Baltimorae: Johns Hopkins University Press, 1995. ISBN 0-8018-4843-1
Nexus interni
Nexus externiRecensere
|
Vicimedia Communia plura habent quae ad Thomam Jeffersonium spectant. |
- Biographia Aedium Albarum (Anglice)
- Littera ab Ieffersonio scripta in qua de linguis Graeca Latinaque disserit (Bibliotheca Congressus)
|
Haec stipula ad biographiam spectat. Amplifica, si potes! |
 | |
|
I. Adams • S. Adams • Bartlett • Braxton • Carroll • Chase • Clark • Clymer • Ellery • Floyd • Franklin • Gerry • Gwinnett • Hall • Hancockius • Harrison • Hart • Hewes • Heyward • Hooper • Hopkins • Hopkinson • Samuel Huntington • Jefferson • F. Lee • R. Lee • Lewis • Livingston • Lynch • McKean • Middleton • L. Morris • R. Morris • Morton • Nelson • Paca • Paine • Penn • Read • Rodney • Ross • Rush • Rutledge • Sherman • Smith • Stockton • Stone • Taylor • Thornton • Walton • Whipple • Williams • Wilson • Witherspoon • Wolcott • Wythe | |
