Consualia

Consualia erant feriae Romanae in honorem dei Consi bis in anno celebratae, et 21 Augusti (a.d. XII Kal. Sept.) et 15 Decembris (a.d. XVIII Kal. Ian.). Romulum ipsum hos ludos primum instituisse plerique auctores memoriae tradiderunt, praeter unum Dionysium Halicarnassensem, qui originem illarum feriarum retro usque ad regem Arcadem Evandrum refert. Certe secundum historicos Latinos Consualibus ludis virgines Sabinae raptae sunt, quae primae feminae Romanorum fuere.

Ludi in Circo Maximo equestribus cursibus celebrabantur. Ara dei intra Circum sita ludorum tempore detegebatur, reliquo anno sub terra latebat. Praeterea iumenta (equi, asini, muli) feriati illo die erant atque eorum capita coronis ornabantur

Fontes

• Cicero, libro secundo de Republica, capitulo septimo (12).
• Dionysius Halicarnassensis, libro primo Antiquitatum Romanarum, 33,2 necnon libro secundo, 31,2.
• Plutarchus, Quaestiones Romanae 48.
• Varro libro sexto de Lingua Latina capitulo 20.

Notae

Feriae Romanae et ludi publici

Adonia • Agonalia • Ambarvalia • Amburbium • Argei • Armilustrium • Ludi Apollinares • Augustalia • Bacchanalia • Sacra Bonae Deae • Brumalia • Ludi Capitolini • Caprotinia • Caristia • Carmentalia • Cerealia • Compitalia • Consualia • Divalia • Eponalia • Equirria • Equus October • Faunalia • Februa • Feralia • Floralia • Fontinalia • Fordicidia • Furrinalia • Hilaria • Ieiunium Cereris • Iovis epulum • Larentalia • Feriae Latinae • Lemuralia • Liberalia • Lucaria • Lupercalia • Matralia • Matronalia • Meditrinalia • Megalesia • Mercuralia • Navigium Isidis • Nemoralia • Neptunalia • Opalia • Opiconsivia • Parentalia • Parilia • Portumnalia • Poplifugia • Ludi Plebeii • Quinquatria • Quinquatrus minusculae • Quirinalia • Regifugium • Robigalia • Ludi Romani • Saturnalia • Sol invictus • Rosalia • Ludi Saeculares • Sementivae • Septimontium • Ludi Taurii • Terminalia • Tubilustrium • Veneralia • Sacra Veneris Genetricis • Vertumnalia • Vestalia • Vinalia • Vitulatio • Volturnalia • Vulcanalia