Insectarium

Insectarium est hortus zoologicus insectorum, vel museum, vel exhibitio insectorum, vivorum vel mortuorum. Insectaria varia insecta et arthropoda similia saepe exhibent, sicut araneae, coleoptera, blattodea, formicae, apes, diplopoda, chilopoda, gryllidae, caelifera, phasmatodea, scorpiones, et mantidae. Exhibitiones doctrinam insectorum, generum insectorum, eorumque habitationum, cur magni sunt, atque opus entomologorum, arachnologorum, et aliorum scientiae peritorum qui arthropodis terrestribus animalibusque similibus student tractare possunt.

Aditus praecipuus ad Hortum Papilionum et Insectarium Audubonianum, Novae Aureliae Ludovicianae situm.

Prospectus

Nonnulla insectaria exhibitiones insectorum affictorum et exhibitiones de insectis comprehendere possunt. Hortus papilionum est genus insectarii quod rhopalocera et heterocera viva exhibet. Praeterea horti lepidopterorum tempestivi in multis hortis zoologicis, hortis botanicis, mediis naturae, museis historiae naturalis, et museis scientiae exhibentur.

Insectaria notabilia

Inter insectaria publica et hortos zoologicos insectorum sunt:

• Esapolis, magnum insectarium Provinciae Paduanae, Paduae Italiae
• Fundus Papilionum Stratfordiensis, Stratfordiae super Avonam Angliae
• Hortus Papilionum et Insectarium, Bancoci Thailandiae
• Insectarium Audubonianum, Novae Aureliae Ludovicianae
• Insectarium Bayeranum CropScience, Dunelmi Carolinae Septentrionalis
• Hortus Zoologicus Detroitensis, pinacotheca interpretativa animalium ferorum (aviarium et hortus zoologicus papilionum), Detroiti Michiganiae
• Hortus Zoologicus Franciscopolis (InsectZoo), Franciscopoli Californiae
• Hortus Zoologicus Henrici Doorly et Tentorium Papilionum et Insectorum, Omahae Nebrascae
• Insectarium, Philadelphiae Pennsylvaniae
• Insectarium, Palangae Lithuaniae
• Insectarium Montis Regii, Montis Regii Canadae
• Insectarium Monsanto in Horto Zoologico Sancti Ludovici, Sancti Ludovici Missuriae
• Insectarium Reunionis, Reunio
• Insectarium Terrae Novae, Reidville Terrae Novae
• Insectarium Victorianum, Victoriae Australiae
• Mundus Insectorum Gunmanus, Kiryū Gunmae Iaponiae
• Museum Historiae Naturalis Comitatus Angelopolis (Centrum Inventionis et Vivarium Insectorum Radulphi M. Parsons) Angelopoli Californiae
• Insectarium in Museo Historiae Naturalis Nationali O. Orkin, Vasingtoniae Districtus Columbiae
• Museum Scientiae Naturalis Houstonianum et Aedes Entomologiae Brownianae Hustoniae Texiae

Nexus externi

Vicimedia Communia plura habent quae ad insectaria spectant.