Centaurus

Haec pagina figura mythologica tractat. Si aliud quaeris quod etiam “Centaurus” appellatur, vide Centaurus (discretiva).

Centaurus (Graece Κένταυρος) in mythologia Graeca est unus e gente monstruosa fabulari et biformi: nam ei corpus equi sive quattuor pedibus sive duobus posterioribus praeditum, cum pectore et duobus bracchiis et capite hominis coniunctum est. Horum fabula ex nescientibus etiamtum artem equitandi hominibus nata videtur, quibus equites primum visi terrori fuerunt.

Lapithae cum centauris pugnantes ad nuptias Pirithoi, regis Lapitharum. Pictura Sebastiani Ricci.

Centauro quodam (Eurytione ?) Hippodamian rapiente, Pirithous Theseusque armati ad eam defendendam accurrunt. Crater rubentibus figuris ex Apulia, hodie in Museo Britannico servatum.

De moribus

Semiferi fuisse perhibentur: nam cupiditates cohibere nesciebant. Avidi vini erant et mulierum quas rapiebant. Ita centaurus Nessus uxorem Herculis, Deianiram, centauri Rhoecus et Hylaeus Atalantam, Eurytion uxorem Pirithoi, Hippodamian, rapere et comprimere conati sunt. Unde bellum magnum inter Lapithas et centauros exortum est, quo multi centauri perierunt. Multi etiam ab Hercule necati in rixa ex nimia vini cupiditate commissa.

Fuit tamen etiam centaurus sapiens et bonus, Chirone nomine, inventor medicinae artis et praeceptor Achillis.

Fontes antiqui

Pugna Lapitharum et centaurorum ex Ovidii narratione a Petro di Cosimo circa 1500 picta.

• Homerus, libro vicesimo primo Odysseae : 295–305
• Hyginus mythographus Fabulae 33
• Lucanus libro sexto Pharsaliae versibus 386–394.
• Ovidius, Metamorphoses XII.210–541.
• Pausanias libro quinto Descriptionis Graeciae, 10.8
• Plutarchus, "Theseus" in Vitis Parallelis cap. 30
• Valerius Flaccus libro primo Argonauticorum 140–147.

Plura legere si cupis

• Sidney Colvin, On Representations of Centaurs in Greek Vase-Painting, Journal of Hellenic Studies, 1880ː 107-167
• Laurent Gourmelen, "Le centaure et les ambivalences du conseiller. Nessos et Chiron", Dialogues d'histoire ancienne , 2017ː 59-74
• Grant, M., et J. Hazel. 1979. Who's Who in Greek Mythology. David McKay & Co Inc.
• Rose, Carol. 2001. Giants, Monsters, and Dragons: An Encyclopedia of Folklore, Legend, and Myth. Novi Eboraci: W. W. Norton & Company, Inc. Praecipue p. 72. ISBN 0-393-32211-4.
• Parker, Frédérick S. Finding the Kingdom of the Centaurs.

Nexus interni

• Libri de Harrio Potter, 3, 4, 6, 7
• The Chronicles of Narnia, liber 2
• The Lightning Thief, liber 1

Nexus externi

Vicimedia Communia plura habent quae ad Centauros spectant.

• Theoi inceptum in Centauros in litteratura
• "MythWeb"

stipula

Haec stipula ad mythologiam spectat. Amplifica, si potes!