Symboli pacis, vel symboli pacifici, modis variis in culturis et contextibus variis agnoscuntur. Columba et ramus olivae, signa sola vel una picta, ab antiquis et primis Christianis adhibebantur, et tum ad ultimum signa profana facta, a Paulo Picasso post bellum secundum mundanum confectum fauta sunt. Die 21 Februarii annis 1958, signum pacis (ut hodie appellatur) ut logographum Expeditionis Exarmationis Nuclearis Britannicae a Geraldo Holtom designatum,[1] ab agitatoribus contra bellum et participitibus contraculturae in Civitatibus Foederatis et alibi ascitum est. Signum V, significans victoria vel accuratius venceremos (latine vincemus), et vexillum pacis (et vexillum arcus caeli) quoque symboli pacis internationales facta sunt. Aliae res symboli pacis habitae orizuru et vocabulum shalom/salam sunt.

Signum pro Expeditione Exarmationis Nuclearis Britannica primum designatum, nunc latissime adhibetur.

Ramus olivae recensere

 
Caelatura ex The London Magazine Ianuarii 1775, deam pacis ramum olivae ad Americam et Britanniam ferentem monstrat.

Vergilius, poeta Romanus (7010 a.C.n.) in Georgicis "pinguem olivam" cum pace adiunxit,[2] ac ramo olivae ut symbolo pacis in Aeneide usus est:

tum pater Aeneas puppi sic fatur ab alta
paciferaeque manu ramum praetendit olivae:
"Troiugenas ac tela vides inimica Latinis
quos illi bello profugos egere superbo.
Evandrum petimus. ferte haec et dicite lectos
Dardaniae venisse duces socia arma rogantis."[3]
 
Pictura muralis in catacumbis Marcelli et Petri Romae prima aetate Christiana facta Noem orantem cum columba ramum olivae apportante monstrat.
 
Sclopetum fractum, symbolus War Resisters' International.
 
Emblema Pax Cultura [sic].
 
Tertius Maii, a Franscisco a Goya pictus (1808).
 
Miles Civitatum Foederatarum amuleta gerit, aliud signum pacis, aliud crucem gammatam Buddhisticam.
 
Vexillum pacis more arcu caeli in maeniano Italia fluitat.

Pinacotheca recensere

Nexus interni

Notae recensere

  1. The CND symbol, www.cnduk.org.
  2. Vergilius, Georgica 2.425: "hoc pinguem et placitam Pacis nutritor olivam."
  3. Vergilius, Aeneis 8.115–119.

Nexus externi recensere

  Vicimedia Communia plura habent quae ad Signa pacis spectant.