Quadratum Satoris

Quadratum Satoris est frequens antiquaque inscriptio Latina quinque verborum in quadratum dispositorum, quae sunt SATOR AREPO TENET OPERA ROTAS. Inscriptio, quae multis Europae locis reperta est, scilicet Pompeiis, Corinii, et Mancunii, non solum a fronte et a tergo, sed etiam a summo et ab imo idem legitur: undique palindroma est. TENET unum a tergo lectum idem habet sensum, SATOR et AREPO autem ROTAS et OPERA a tergo leguntur. Quadrato ab antiquo magicae ascribuntur facultates, in quibus potestas ignem exstinguendi.^[1] Hodie complures de sensu exstant interpretationes versionesque possibiles a doctis praebitae, sed nemo etiamdum firme scit quidnam formula significet vel attingat.

Loci in quibus quadratum repertum est recensere

Inscriptionis specimina complura sunt, quorum alia leguntur SATOR AREPO TENET OPERA ROTAS, alia autem ROTAS OPERA TENET AREPO SATOR, alia dein quadrati formam non habent cum tantum verba tria SATOR AREPO TENET figurent (e.g. inscriptio saeculi quattuordicesimi in Närke, Suecia), alia postremo non solum verba sed etiam signa ostendunt. Quadrati specimina alia ad Saeculum primum, secundum et tertium p.C.n. spectant, alia ad varia Saecula Medii Aevi.

Quadratum in porta et Sator Square Gratianopoli in Francia situm, ligno inscriptum.

Quadratum ad exemplum his locis repertum est:

Ecclesia Sancti Petri ad oratorium in Capistrano, in Provincia Aquilana (Italia); haec incipit inscriptio verbis ROTAS OPERA
Corinium Dobunnorum, in Glocestria (Anglia); haec incipit inscriptio verbis ROTAS OPERA
Conimbriga, in Lusitania
Dura Europus,^? in Syria
Ecclesia Lancastriensis comitatus (Anglia)
Mancunium, in Mancunio maiore (Anglia); haec incipit inscriptio verbis ROTAS OPERA
Pompeii, in Italia; haec habetur inscriptio antiquissima omnium, cum Pompeii anno 79 a Vesuvii eruptione deleti sunt
Sena Iulia, in Italia

Sententiae de sensu recensere

De quadrati sensu multae exstant sententiae, quamquam AREPO unum hapax legomenon litterarum Latinarum sit et tantum obscurum verbum ut a nonnullis nomen proprium aestimetur. Sic AREPO quidam nomen putant esse satoris, qui tenet opera atque rotas curri aut aratri. Hieronymus Carcopino putabat AREPO verbum Celticum Latinizatum, quod 'aratrum' significabat; I. G. Griffiths autem id credebat ab Aegyptio verbo Ḥr-Ḥp deductum esse et 'faciem Apis' significare.^[2]

De sensu Christiano recensere

Anagramma formatae cum litteris Sator Square est, quod est Latine primum duo verba orationis primorum christianorum: Pater noster.

Credunt nonnulli quadratum sensum Christianum habere: nam cum quadrati litteris bis "PATER NOSTER" scribi potest in formam crucis quae litteram N medium tenet, cum sublatae sint A duas duasque O quae alpha omegaque, scilicet initium finemque rerum, indicare putentur.

Notae recensere

↑ Sic e.g. in Iohannis Georgii Hohman Long Lost Friend.
↑ "'Arepo' in the Magic 'Sator' Square,'" The Classical Review, Ser. Nov., 21(1), 1971: 6–8.

Nexus interni

Nexus externi recensere

Vicimedia Communia plura habent quae ad Quadratum Satoris spectant.

[1] Sic e.g. in Iohannis Georgii Hohman Long Lost Friend.

[2] "'Arepo' in the Magic 'Sator' Square,'" The Classical Review, Ser. Nov., 21(1), 1971: 6–8.

[1]

[2]