Palindromus
Palindromus (ex verbo Anglico palindrome, ex verbis Graecis πάλιν 'iterum' + δρóμος 'via, cursus'; in lingua Graeca hodierna καρκινικὴ επιγραφή 'inscriptio cancrorum' vel καρκίνοι 'cancri') est verbum, locutio, sententia, numerus, vel alia unitatum series quae a fronte et a tergo idem ordinem habet, accommodationibus punctuationis et disiunctionum verborum neglectis. Praeterea etiam vocabula vel sententiae palindromi appellantur quae a fronte et a tergo non idem sensum habent. Compositio litterarum in palindromis est exemplum scripturae coactae.
Palindromi absurdiRecensere
- 12321
- afzffgffzfa
- xix
Palindromi sensum ferentesRecensere
VerbaRecensere
Eiusdem sensusRecensere
- Aenea
- ala
- ara
- atta
- ebibe
- ecce
- ere
- erepere
- erexere
- esse
- evitative
- ibi
- ii
- illi
- inani
- ini
- iri
- IVVI (iuvi)
- iussui
- madidam
- maeream
- magam
- malam
- massam
- mererem
- mullum
- mulum
- muratarum
- murorum
- murum
- mutatum
- mutum
- nemen
- non
- obarabo
- obibo
- omississimo
- oro
- ovo
- rerer
- rotator
- sanas
- satas
- seces
- sedes
- senes
- sereres
- seres
- simillimis
- sinis
- Sinonis
- sis
- sitis
- sonos
- subinanibus
- sucus vel potius succus
- sumamus
- sumemus
- sumeremus
- sumimus
- summus
- sumus
- sus
- suus
- taxat
- temet
- tenet
- tereret
- teret
- terret
- texet
- tot
- usu
Alteri sensus (Anglice semordnilap)Recensere
- ad ↔ da
- Aetna ↔ antea
- agam ↔ maga
- agimur ↔ rumiga
- alet ↔ tela
- amor ↔ roma
- animes ↔ semina
- animo ↔ omina
- anu ↔ una
- arcas ↔ sacra
- aro ↔ ora
- atro ↔ orta
- atrum ↔ murta
- Atlas ↔ salta
- AVLIS ↔ SILVA
- aut ↔ tua
- cis ↔ sic
- des ↔ sed
- di ↔ id
- EHEV ↔ VEHE
- elavo ↔ ovale
- eram ↔ mare
- ero ↔ ore
- es ↔ se
- et ↔ te
- etsi ↔ iste
- ibis ↔ sibi
- ibit ↔ tibi
- ibo ↔ obi
- icimini ↔ inimici
- ignifer ↔ refingi
- imus ↔ sumi
- inanibus ↔ subinani
- iram ↔ mari
- irem ↔ meri
- ires ↔ seri
- iret ↔ teri
- is ↔ si
- itis ↔ siti
- ius ↔ sui
- manu ↔ unam
- matres ↔ sertam
- merum ↔ murem
- meus ↔ suem
- miratum ↔ mutarim
- mucet ↔ tecum
- mucro ↔ Orcum
- muger ↔ regum
- mulceas ↔ saeclum
- mulces ↔ seclum
- mulliceps ↔ specillum
- muneres ↔ serenum
- murem ↔ merum
- mures ↔ serum
- mutares ↔ seratum
- mutas ↔ satum
- mutator ↔ rotatum
- olet ↔ telo
- ores ↔ sero
- oret ↔ tero
- ramus ↔ sumar
- rotas ↔ sator
- sanis ↔ sinas
- senas ↔ sanes
- senis ↔ sines
- silet ↔ telis
- sinu ↔ unis
- satis ↔ sitas
- Seribus ↔ subires
- tu ↔ ut
SententiaeRecensere
- In girum imus nocte ecce et consumimur igni.
- Obamam amabo.[1]
- Odo tenet mulum, madidam mappam tenet Anna. Anna tenet mappam madidam, mulum tenet Odo.[2]
- Roma, tibi subito motibus ibit amor. [3]
- SATOR AREPO TENET OPERA ROTAS.[4]
- Si bene te tua laus taxat, sua laute tenebis.
- SI SEDES NON IS[5]
- Signa te, signa, temere me tangis et angis.
- Sumitis a vetitis; sitit is, sitit Eva, sitimus.[6]
- Ut Atlas te tenet et salta tu.
CarminaRecensere
Alii sensusRecensere
- Vaticinor tibi quod navalis laurea cinget
Tempora nec magnas spes mare destituet;
Deiciet tua gens cunctas nec Gallia victrix
Denique frangetur litus ad Albionum;
Sors bona non mala sors concludet proelia, qua re
Saecula te dicent PARS BONA non MALA PARS.
Hic palindromus Friderico Augusto Wolfio philologo claro germanico attribuitur. Auctor eo carmine ut augurio Trafalgaris pugnae conscripto iam ad interitum Napoleonis allusit. Admirabili arte versificandi et prorsus et retrorsus legentibus formam distichi integri praebet, si vocabulum ultimum in alterum versum transferatur:
- Destituet mare spes magnas nec tempora cinget
Laurea navalis quod tibi vaticinor
etc.
Wolfium auctorem esse veri simile est, quia Universitate Hallensi anno 1806 a Napoleone sublata orbus professione philologica fuit.
Notatio musicaRecensere
- Lulu - opera ab Albano Berg
- Symphonia Iosephi Haydn, in indice Hoboken numero 47 commemorata, 'palindroma' nominatur, propterea quod motus tertius (Menuetto et Trio) et prorsus et retrorsus agendus est.
Palindromi geneticaeRecensere
Nexus interni
NotaeRecensere
- ↑ Quod attinet ad Baracum Obamam, Praesidem Civitatum Foederatarum Americae.
- ↑ Abraham Rees, The Cyclopædia: Or, Universal Dictionary of Arts, Sciences, and Literature.
- ↑ Anonymus anno ca. 890. Psalterium profanum. Weltliche Gedichte des lateinischen Mittelalters: Lateinisch und deutsch herausgegeben und übersetzt von Josef Eberle. Turoci: Manesse Verlag, 1962.—Poemata mundana medii aevi Latini. Latine et Germanice edita atque reddita a Iosepho Eberle. Turici: ex aedibus Manesse, 1962.
- ↑ Sententia magica, quae constat ex vocabulis quae ipsi palindromi sunt.
- ↑ Inscriptio Romae Portae magicae insculpta.
- ↑ Vox Latina: Commentarii periodici favore et subsidio Studiorum Universitatis Saravicae comparati, 42/2007/167.
Nexus externiRecensere
|
Vicimedia Communia plura habent quae ad palindromos spectant. |