Districtus autonomus Tschucoticus

Districtus autonomus Tschucoticus seu Tschukotkensis (Russice Чукотский автономный округ, tr. Čukotskij avtonomnyj okrug) est subiectum Foederationis Russicae, anno 1930 ut districtus nationalis formatus et ab anno 2000 ad districtum foederalem Extremorientalem Foederationis Russicae pertinens.

Districtus autonomus Tschucoticus

Res apud Vicidata repertae:

Districtus autonomus Tschucoticus: insigne

Districtus autonomus Tschucoticus: vexillum

districtus autonomus Russiae, okrug
Civitas: Russia
Locus: 66°15′10″N 172°0′4″E
Nomen officiale: Чукотский национальный округ, Чукотский автономный округ
Situs interretialis

Fines

Procuratio superior: Russia
Territoria finitima: Iacutia, Regio Magadanensis, territorium Camtschaticum, Alasca

Forma

Area: 721 481 chiliometrum quadratum
Caput: Anadyr

Gestio

Praefectus: Roman Kopin
Consilium: Duma of Chukotka Autonomous Okrug

Vita

Incolae: 50 150, 49 348, 49 527
Sermo publicus: Russica, lingua Tschuctschica
Zona horaria: Tempus Kamtschaticum, Asia/Anadyr

Sigla

Siglum autoraedarum: 87

Tabula aut despectus

Districtus autonomus Tschucoticus: situs

Situs

In septentrione Orientis Extremi Russiae situs, paeninsulam Tschucotiam seu Tschukotkam (unde et nomen) terrasque ad eam adiacentes includens, cum Iacutia in occidente, regione Magadanensi (cuius pars ad annum 1992 erat) in meridie-occidente ac territorio Camtschatico in meridie conterminus, a maribus Siberico Orientali ac Tschucotensi in septentrione et Beringiano in oriente alluitur, aream 721 481 chm² (circa dimidium ad septentrionem Circuli Arctici) et circa 50 milia incolarum (quorum semis Russi et quarta pars Tschuctschi sunt) habet.

Insula Wrangelii est insula districtus maxima, freto Longii a terra continente divisa. In freto Beringiano, quod ab Alasca districtum separat, insulae Diomedis sitae sunt.

Promunturia Cor Lapis, Dezhnevii, Navarin in oceanum eminent.

Urbes

Caput et portus maximus est Anadyr urbs, prope ad ostium Anadyris fluminis sita; portus maris Beringiani alter Colonia Providentiae est.

Hydrographia

Anadyr est flumen districtus maximum. Aliud flumem magnun Omolon est, per partem districtus occidentalem fluit; sicut et alii Colymae accolae. hic oritur. Flumina partis borealis in Arcticum fluunt.

Montes

Planities montanae Tschucotica et Anadyrensis, a septentrione et oriente ad meridiem et occidentem extenta, districtum dimididiant. Divortium aquarum ocaenorum Atlantici et Arctici sunt. Elgygytgyn lacus est maximus.

Nexus externi

Vicimedia Communia plura habent quae ad districtum autonomum Tschucoticum spectant.

• Pagina de districtu autonomo Tschucotico Encyclopaediae Russicae Magnae (Russice)