Andreas Lukanov
Andreas Carlof Lukanov (Bulgarice Андрей Карлов Луканов, die 26 Septembris 1938 Moscoviae, mortuus die 2 Octobris 1996 Serdicae) rerum politicarum peritus Bulgaricus fuit.
Iuventus et munus
recenserePater eius sodalis factionis Communisticae fuit, qui diu in Unione Sovietica in exilio vixit. Hic Andreas natus est. Et ipse ad usque annum 1963 Moscoviae relationibus externis studebat. Deinde ipse sodalis factionis Communisticae factus est et pro factione atque legatus ad Consociationem Nationum operam dedit.
Cursus honorum
recensereAb anno 1973 administer commercii externi erat et anno 1976 praeses ministrorum vicarius factus est. Cum aliis anno 1989 Theodorum Živkov praesidem Communistarum et Bulgariae deposuit. Die 8 Februarii 1990 ipse Praeses consilii ministrorum nominatus est et finem Rei Publicae Popularis Bulgariae adiuvit. Factio nunc Socialistica electionem vicit et Lukanov legatus ad parlamentum electus est, quod ad mortem mansit. Die 7 Decembris 1990 a magistratu se recessit. Anno 1992 propter pecuniam repetundam incarceratus neque autem accusatus est. Eodem anno liberatus est. Die 2 Octobris 1996 ante domum suam sicario adhuc ignoto necatus est.
