Nicolaus Musanov
Nicolaus Stoikov Musanov (Bulgarice Никола Стойков Мушанов, natus die 12 Aprilis 1872 in Dryanovo in Gabrovo provincia, mortuus die 10 Maii 1951 Serdicae) rerum politicarum peritus Bulgaricus fuit.
Iuventus et munus recensere
Musanov post scholam finitam Aquis Sextiis usque ad annum 1893 iurisprudentiae studebat. Eodem anno Ulpiae Augustae Traianae atque Odessi delator publicus nominatus est.
Cursus honorum recensere
Musanov anno 1902/1903 legatus ad parlamentum Bulgariae fuit. Anno 1908 Alexander Malinov praeses ministrorum eum administrum institutionis publicae fecit. Quo officio ad annum 1910 fungebatur et deinde ad annum 1911 administer rerum internarum erat. Ab anno 1911 ad 1934 iterum legatus ad parlamentum Bulgaricum fuit. Mensibus Iunii usque ad Octobrem administer aedificiorum publicorum, tum ad Novembrem administer commeatus cursus publici atque telegraphiae. Die 29 Iunii 1931 administer rerum internarum in consilio ministrorum Alexandri Malinov factus est, cuius successor die 12 Octobris 1931 nominatus est. Eodem tempore et administer rerum exterarum erat. Quae officia usque ad diem 19 Maii 1934 gessit, cum seditione militum duce Cimone Georgiev depositus est. Ab anno 1938 ad 1947 praeses factionis democraticae erat et ab anno 1938 ad 1939 atque ab anno 1940 ad 1944 iterum legatus ad parlamentum fuit. Inter secundum bellum mundanum cives Iudaicos contra nazistas tueri conatus est. Postquam communistae anno 1944 rerum potiti sunt, frustra democratiam contra dictaturam adiuvare conabatur et e vita publica recessit.
