Castellum Sibiricum

Castellum Sibiricum vel ostrog^[1] est genus fortalitiorum vel castellorum vel arcium lignearum, quae saeculis a XIII ad XVII saepe in Russia meridionali et saeculis XVII et XVIII in Siberia aedificabantur. Primo murus e lignis cum acuminibus acribus constructus ostrog nominabatur (nam de Russico acer, острый, derivatum est), et postea arx vel oppidulum totum tali muro circumcinctum^[2].

Castelli Sibirici Iacutiae turris cum portis

Explicatio Anglica, quid sit *ostrog*, in tabula maris Ochotensis anni 1773

Multae urbes Russiae meridionalis et Siberiae sicut arces ostrog conditae sunt et saepe diu hoc nomen ferebant. Hae sunt:

Anadyr
Biscum
Brattica
Crasnoiarium
Colymensia castella (Inferius, Medium et Superius)
Cusnezia
Iacutia
Ienisea
Ircutia
Ischimus
Cosmae et Damiani urbs
Mangasea Nova
Nertschia
Ochotium
Omium
Ripa Nigra
Salechardum
Samara
Saratovia
Scopinum
Tara
Tschita
Tomium
Udinium
Udinium Inferius
Volgogradum

etc.

Notae recensere

↑ Cf. S. Ivaškovskij, Lexicon Rossico-Latinum, s.v. острог.: Genus munimenti vallo cincti, quo oppidula Sibiriae instruebantur; castellum Sibiricum vallo munitum.
↑ Explicatio, quid est ostrog, ex Atlante Russico (Petropoli 1745, p. 12):
"Locus stipitibus cuspidatis munitus, fortalitium, castellum ligneum. Talia sudibus praepilatis circumsepta loca quam plurima in Sibiria reperiuntur, quae ideo ostrog dicuntur, quoniam loco murorum palis longis erectis terrae infossis cinguntur, aut vallo ligneo e trabibus sibi superimpositis confecto munita".

Nexus externi recensere

De arcibus ostrog in Lexico encyclopaedico Brockhaus et Efron (Russice)

[1] Cf. S. Ivaškovskij, Lexicon Rossico-Latinum, s.v. острог.: Genus munimenti vallo cincti, quo oppidula Sibiriae instruebantur; castellum Sibiricum vallo munitum.

[2] Explicatio, quid est ostrog, ex Atlante Russico (Petropoli 1745, p. 12):
"Locus stipitibus cuspidatis munitus, fortalitium, castellum ligneum. Talia sudibus praepilatis circumsepta loca quam plurima in Sibiria reperiuntur, quae ideo ostrog dicuntur, quoniam loco murorum palis longis erectis terrae infossis cinguntur, aut vallo ligneo e trabibus sibi superimpositis confecto munita".

[1]

[2]