Museum Nationale Anthropologiae (Mexicum)

Museum Nationale Anthropologiae (Hispanice Museo Nacional de Antropología), nomine MNA imminuto notum, est museum nationale Mexici, maximum et frequentissimum museum in re publica constitutum. Aedificium, in regione inter Paseo de la Reforma et via Mahatma Gandhi intra Hortos Chapultepec Mexicopoli, artifacta archaeologica et anthropologica magni momenti ex traditionibus Americae Septentrionalis praecolumbianae continet, insigniter Lapidem Solis (lapis calendricus Aztecanus appellatus) et statuam Xochipilli, in mythologia Aztecorum dei florum, artis, ludorum, pulchritudinis, saltationis, et carminum

Aditus musei cum lapide MUSEO NACIONAL DE ANTROPOLOGÍA.

"Umbella" in medio aedificii peristylo.

Lapis Tizocensis a summa parte visus, qui hodie in Museo Nationali Anthropologiae conservatur.

Museum, cum multis aliis museis nationalibus regionalibusque Mexicanis, ab Instituto Nationale Antropologiae et Historiae (INAH) administratur. Unum erat ex nonnullis museis ab Adolpho López Mateos praeside Mexicani anno 1964 inauguratis.

Opiniones de museo variant. Una dicit museum esse "thesaurum nationalem et symbolum identitatis, synthesin rei ideologicae, scientificae, politicae." Octavius Paz museum reprehendit quia aula Mexica (Azteca) in medio posita est, dicens hunc locum "exaltationem et glorificationem Mexici-Temistitlanae Museum Anthropologiae in templum commutavisse."

Architectura

Aedificium monumentale, a Petro Ramírez Vázquez, Georgio Campuzano, et Raphaele Mijares Alcérreca anno 1964 designatum, aulas continet atrium circumdantes, cui est magnum stagnum et vasta concreti umbella (Hispanice "el paraguas") quadrilaterale uná pilá tenui sustenta. Iuxta aulas sunt horti, quorum multi exhibitiones foris continent. Toto museo sunt viginti tria conclavia exhibitoria, quae aream 79 700 metrorum quadratorum comprehendunt.

Museum exhibitiones transitorias aliquando curat, plerumque rerum externarum mundi culturarum. Artifacta ex Aegypto, Graecia, Hispania, Irania, Russia, Sinisque praebitae sunt.

Pinacotheca

• 
  Reproductio Templi Serpentis Pinatti Teotihuacan in loco.
• 
  Discus Mictlantecuhtli.
• 
  Statua Chalchiuhtlicue.
• 
  Pictura muralis Cacaxtlae, hominis aviarii Olmeca-Xicalanca.
• 
  Pictura muralis et exemplar Tenochtitlan, ad orientem aspiciens.
• 
  Ocelotl-Cuauhxicalli
• 
  Teocalli belli sacri.
• 
  Statua Xiuhcoatl.
• 
  Statua Coatlicue, deae Aztecorum
• 
  Xochipilli.
• 
  Calvaria callainá tecta.
• 
  Effigies Codicis Borbonici.
• 
  Effigies pinnati capitis tegminis Mutezumae II.
• 
  Toreuma Toniná.
• 
  Limen superum 26, Yaxchilan.
• 
  Figlina insulae Jaina.
• 
  Effigies mausolei K'inich Janaab' Pakal, ducis Palenque.
• 
  Persona mortuaria K'inich Janaab' Pakal.
• 
  Zoophorus ad Placeres.
• 
  Persona Chaac dei.
• 
  Zapoteca Dei Chiropterorum persona.
• 
  Effigies Sepulcri 105 ex Monte Albán.
• 
  Figlina Mixtecana
• 
  Pectorale Mixtecum auro et callainá factum: clipeus Yanhuitlán.
• 
  Caput immane Olmecum.
• 
  Luctor Olmecus.
• 
  Statua Tuxtlensis.
• 
  Effigies sculpturae Mictlantecuhtli in El Zapotal.
• 
  Persona Malinaltepec.
• 
  Lusor pelota.
• 
  Porta lusús follis ad Chichen Itza.

Nexus interni

• Doris Heyden

Bibliographia

• Arnaiz y Freg, Arturo. 1974. "Los Nuevos museos y las restauraciones realizados por el Presidente López Mateos." Artes De México 179/180: 62–67. JSTOR.
• Aveleyra, Luis. 1965. "Plantación y metas del nuevo Museo Nacional de Antropología." Artes de México época 1: 12 (66-67): 12–18.
• Bernal, Ignacio. 1967. El Museo Nacional de Antropología de México. Mexicopoli: Aguilar
• Castillo Lédon, Luis. 1924. El Museo Nacional de Arquelogía, Historia, y Etnografía. Mexicopoli: Imprenta del Museo Nacional de Arquelogía, Historia, y Etnografía.
• Fernández, Miguel Ángel. 1987. Historia de los Museos de México. Mexicopoli: Fomento Cultural del Banco Nacional de México.
• Florescano, Enrique. 2000. "The Creation of the Museo Nacional de Antropología of Mexico and its scientific, educational, and political purposes." In Nationalism: Critical Concepts in Political Science, ed. John Hutchinson et Anthony D. Smith, 4: 1238–59. Londinii et Novi Eboraci: Routledge. Reimpresses ex Collecting the Pre-Columbian Past: A Symposium at Dumbarton Oaks 6th and 7th October 1990, ed. Elizabeth Hill Boone, Vasingtoniae: Dumbarton Oaks Research Library and Collection, 1993:. 83–103.
• Galindo y Villa, Jesús. 1911. "Apertura de las clases de historia y arqueología." Boletín del Museo Nacional 1: 22–28.
• Galindo y Villa, Jesús. 1921. "Museología. Los museos y su doble función educativa e instructiva." Memorias de la Sociedad Científica Antonio Alzate 39: 415–73.
• León y Gama, Antonio de. 1990. Descripción histórica y cronológica de las Dos Piedras. Mexicopoli: Instituto Nacional de Antropología.
• Matos, Eduardo. 1986. Arqueología e indigenismo. Mexicopoli: Instituto Nacional Indigenista.
• Matute, Alvaro. 1976. Lorenzo Boturini y el pensamiento histórico de Vico. Mexicopoli: Universidad Nacional Autónoma de México.
• Mendoza, Gumersindo, et J. Sánchez. 1882. "Catálogo de las colecciones históricas y arqueológica del Museo Nacional de México." Anales del Museo Nacional 445–86.
• Núñez y Domínguez, José. 1932. "Las clases del Museo Nacional." Boletín del Museo Nacional, época 2: 215–18.
• Paz, Octavio. 1969. Posdata. Mexicopoli: Siglo Veintiuno Editories.
• Ramírez Vázquez, Pedro. 1965. "La arquitectura del Museo Nacional de Antropología." Artes de México, época 2, 12 (66–67): 19–32.
• Villoro, Luis. 1979. Los grandes momentos del indigenismo. Mexicopoli: Casa Chata.

Nexus externi

• Situs interretialis musei proprius.
• Situs interretialis INAH proprius.

Coordinata: 19.426°N 99.186°W / 19.426; -99.186