Makaira nigricans

Makaira nigricans (Latine machaera 'gladius (marginis singulae)' < Graeco machaira 'gladius brevis, pugio flexus'^[1]^[2]) est species piscium familiae Istiophoridarum,quae in Oceano Atlantico endemica est. Variis organismis prope superficiem vescitur, ubi rostro ad pisces ad stupefaciendos, vulnerandos, interficiendos utitur, tum rediens praedam comedit. Piscis lusorius populo gratus est. Ob adipem in eius carne contentum, pretium in certis macellis habet. Makaira nigricans piscis nationalis Reipublicae Bahamensium est, in cuius insigni ergo imprimitur.

Animalia — Chordata

Classis : Actinopterygii
Ordo : Perciformes
Familia : Istiophoridae
Genus : Makaira
Lacépède, 1802
Species : M. nigricans

Makaira nigricans
Lacépède, 1802

Conservationis status

VU

Damno obiecta (IUCN 3.1)

Synonyma

Genus:

Eumakaira Hirasaka & H. Nakamura, 1947
Marlina Hirasaka & H. Nakamura, 1947
Orthocraeros J. L. B. Smith, 1956

Species: Vide infra

Territorium

Distributio makairae caeruleae Atlanticae

Pisces maritimus per aquas tropicas et subtropicas oceanorum Atlantici, Indici, et Pacifici distributus, magnam suae vitae partem in salo procul a terra degit.^[3] Praedatur variios organismos maritimos, plerumque prope superficiem.

Feminae usque ad quater pondus marum crescere possunt. Maximum pondus publicatum 818 chiliogrammata et longitudo 5 metra est.^[4]

Makairis nigricantibus adultis sunt pauci praedatores praeter homines. Petiti sunt pisces lusorii magni aestimati a piscatoribus, atque e piscatoribus mercatoriis capiuntur, ut praeda directe petita et non, in maioribus piscaturis industrialibus. Makaira nigricans hodie ab IUCN habetur species periclitata ob nimiam piscaturam.