Lobus frontalis
Lobus frontalis est unus ex quattuor lobis corticis cerebri et simul maximus eorum. Anteriore parte utriusque hemisphaerii cerebri situs uterque lobus frontalis obducitur cortice frontali, cui cortex praemotorius et cortex motorius primus atribuuntur. Pars anterior (sive rostralis) lobi frontalis obductus cortice praefrontali est.
 |
Cave: notitiae huius paginae nec praescriptiones nec consilia medica sunt. |
| Lobus frontalis | |||||
|---|---|---|---|---|---|
| Cognitores | |||||
| TA | 14.1.09.110 | ||||
| Anatomia macroscopica | |||||
 | |||||
| Lobus frontalis in parte anteriori cerebri locatus. | |||||
 | |||||
| Superficies inferior lobi frontalis cum structuris medialibus sinistre depictis. | |||||
Lobo frontali gyri quattuor principales sunt: unus immediate sulco centrali anterius gyrus praecentralis compositus, tres subsectiones gyri frontalis: gyrus frontalis superior enim, gyrus frontalis medius, et gyrus frontalis inferior. At gyrus frontalis inferior ipse in partes tres videtur: pars orbitalis, pars triangularis, pars opercularis (sive area opercularis).
De area tegmentali ventrali lobus frontalis abunde viis dopaminergicis informationem et stimulationem recipit. Cui sociata sunt systema remunerationis, attentio, memoria, meditatio, et incitatio.
Detrimentum lobi frontalis functiones cogitationis gravissime deminuere potest[1].
Anatomia
recensereGyri lobi frontalis
recensereUtroque lobo frontali gyri cerebri quattuor sunt: Gyrus frontalis superior, gyrus frontalis medius, Gyrus frontalis inferior, Gyrus praecentralis. Sulci et praecentalis superior et frontalis superior inter se communicant.
Gyrus frontalis superior
recensereGyrus frontalis superior sive gyrus marginalis immediate infra convexitatem hemisphaericam situs est. Infra invenitur sulcus frontalis superior versus gyrum frontalem medium, ac posterius perpendicularis sulcus praecentralis (superior) adversus gyrum praecentralem.
Gyrus frontalis medius
recensereGyrus frontalis medius inter gyros frontales et superiorem et inferiorem invenitur, terminatus supra per sulcum frontalem superiorem, ac infra per sulcum frontalem inferiorem, denique posterius adversus gyrum praecentralem per sulcum praecentralem (et superiorem et inferiorem)
Gyrus frontalis inferior
recensereInfra gyrum frontalem medium gyrus frontalis inferior situs est. Partes eius inferiores ipsae in tres dividuuntur, ab postiore ad frontalem: pars opercularis - pars triangularis - pars orbitalis. Infra sulcus lateralis (sive fissura Sylvii) iacet. Rami eius ascendens pars triangularis ab operculare, eius horizontalis pars orbitalis ab triangulare separant. posterius sulcus praecentralis (inferior) adversus gyrum praecentralem.
Gyrus praecentralis
recensereInvenitur gyrus praecentralis (sive area praerolandica sive gyrus centralis anterior) inter gyros frontales, supra dictos, et corticem motorium principalem (sulco centrali separatum). Est locus corticis motorii primi, sive area Brodmanniana 4 (BA4).
Providentia vascularis
recensereProvidentia arterialis
recensereParenchyma lobi anterioris sanguinem arteriarum cerebri et anterioris et mediae ope, ambae ex arteria carotis interna orientibus, recipit. Apoplexia cum interruptione fluxus arterialis cuiusque ambarum arteriarum functionem parenchymatis cerebralis gravissime deminuere potest.
Effluxus venosus
recensereSanguinis venosi effluxus imprimis per venas superficiales ascendentes fit, deinde sanguis in sinum sagittalem superiorem, postea in sinum transversum fluit.
-
Aspectus medialis hemisphaerii sinistri; Caerulee: providentia a. cerebri anterioris -
Aspectus medialis hemisphaerii dextri: Cursus a. cerebri ant. -
Aspectus lateralis hemisphaerii sinistri; Rubre: providentia a. cerebri mediae -
Aspectus inferior cum ambis arteriis cerebri et anteriori et media -
Sinus sagittalis superior infra tectum osseum invenitur. -
Fluxus venosus est ab confluente sinuum anteriorsum secundum utrumqe sinum transversum
Physiologia
recensereLobis frontalis munera cogitationis sunt. Pro eis nexus ab cerebri aliis regionis pernecesse sunt. Ita areae frontales de mesencephalo copias fibrarum nervalium, quarum synapses neurotransmissorem dopaminum portant, recipit. Cui sociata sunt systema remunerationis, attentio, memoria, meditatio, et incitatio. Nexus ab mesencephalo in cortices vocitantur mesocorticales et nexus dopaminergici in structuras corticales frontales generaliter nominatur systema dopaminergicum mesocorticale.
Systema dopaminergicum mesocorticale
recensereMunera corporis ut motus et cogitationes in parte coniuncta sunt cum functionibus nucleorum mesencephali dopaminergicorum ut campi retrobulbaris (A8), substantiae nigrae (A9), et areae tegmentalis ventralis (A10).
Notae
recensere- ↑ Cummings J. L. (1995). "Anatomic and behavioral aspects of frontal-subcortical circuits". Annals of the New York Academy of Sciences 15 (769): 1-13
Bibliographia
recensere- Miller B. L., Cummings J. L. (2018). The human frontal lobes