Arteria cerebri anterior

Arteria cerebri anterior^[1]^[2] sive arteria cerebralis anterior^[3] seu arteria pericallosa (in animalibus arteria cerebri rostralis appellata), abbreviatura ACA, est una trium praecipuarum arteriarum utriusque lateris cerebri, quae profluit ex arteria carotide interna formatque, una cum arteria communicante anteriore (ACoA), circuli arteriosi cerebri partem anteriorem (rostralem).

Cave: notitiae huius paginae nec praescriptiones nec consilia medica sunt.

Arteria cerebri anterior
Cognitores
TA	A12.2.07.022
Anatomia macroscopica

Arteriae cerebri anterioris dextrae cursus in superficie mediali lobi cerebri dextri. Ambi arteriae rami, arteriae et callosomarginalis (tantum antrorsum sursumque) et pericallosa (secundum corpus callosum, cum sursum tum retrorsum) clare visibiles, at non inscriptae.

Arteriae cerebri anterioris origo ex circulo arterioso Willisii.

Dividitur arteria in pars proximalis usque ad ACoA abscessum et, postea, pars distalis, quo ACA primum sursum, deinde retrorsum secundum corpus callosum fluit, ramos et cerebrales et centrales edens.

Utraque ACA loborum et frontalis et parietalis sanguine arteriali providet.

Quaedam ACA cursūs variantes descriptae sunt, cum significantia operationum neurochirurgicorum. Accessoria arteria cerebri anterior (AccACA) est ramulus rarus ex ACoA oriens. Aneurysmata, ut in aliis cerebri arteriis circum circulum arteriosum, interdum occurrant.

Arteriarum cerebri anteriorum cursus anatomicus et divisio clinica

Cursus arteriae insignitus

Oritur utraque arteria cerebri anterior ex circulo arterioso, ibi ramus ex arteria carotide interna oriens. Ambae arteriae appropinquant, et format inter se singulis anastomosis proximalis, arteria communicans anterior. Postea utraque arteria primum antrorsum currit. Immediate infra corporis callosi partem anteriorem (rostrum) se dividit inter arterias callosomarginalem et pericallosam. Currit arteria callosomarginalis in lobi frontalis partem medialem, at arteria pericallosa, secundum corpus callosum, retrorsum ad lobi parietalis partem medialem.

Variantes arteriae distalis

ACA variantes imprimis partis distalis, arteria communicante anteriore abscessa, descriptae sunt^[4].

Accessoria arteria cerebri anterior (AccACA) est vas sangineum non normale, ex arteria communicante anterior (ACoA) oriens^[5].

Divisio clinica

In clinica arteria cerebri anterior in segmenta dividitur:

A1 - pars proximalis, de arteria carotis interna ad arteriam communicantem anteriorem

Pars distalis in partes quattuor divisa est^[6] (A2-A5), quamquam divisio altera tantum cum segmentis A2 et A3:

A2 - de arteria communicante anteriore ad bifurcationem inter arterias callosomarginalem et pericallosam
A3 - de arteria pericallosa ad arterias parietales internas atque ad arteriam praecunealem, ibi anastomosem cum arteria cerebri posteriori formans
A4 - arteria paracentralis
A5 - arteriae parietales superior et inferior

Providentia arterialis

Regio faciei externae lobi cerebri sinistri ab arteria cerebri anteriore rigata (caerulea picta)
Regio faciei medialis lobi cerebri sinistri ab arteria cerebri anteriore rigata (caerulea picta)
Corpus callosum

ACA morbi (angiopathiae)

Morbi vasorum sanguineorum angiopathiae dicuntur.

Aneurysmata

Conferatur pagina principalis Aneurysma.

Ut in aliis cerebri arteriis circum circulum arteriosum, etiam in arteria cerebri anteriore aneurysmata cerebralia, sasepe forte, dignoscuntur. Magnitudo formaque eorum tempore dignoscendi momentum disceptationis therapeuticae habet.

Notae

↑ His (1895). Die anatomische Nomenclatur. Nomina Anatomica. Der von der Anatomischen Gesellschaft auf ihrer IX. Versammlung in Basel angenommenen Namen. Lipsiae: Verlag von Veit & Comp.
↑ Federative Committee on Anatomical Terminology (1998). Terminologia Anatomica. Stutgardiae: Thieme
↑ Kopsch, F. (1941). Die Nomina anatomica des Jahres 1895 (B.N.A.) nach der Buchstabenreihe geordnet und gegenübergestellt den Nomina anatomica des Jahres 1935 (I.N.A.) (editio 23). Lipsiae: Georg Thieme Verlag.
↑ Cilliers K., Page B. J. (2016). "Review of the Anatomy of the Distal Anterior Cerebral Artery and Its Anomalies". Turkish neurosurgery 26 (5): 653-61
↑ Maeda K., Tanaka S., et al. (Mai 2014). "Two cases of anterior cerebral artery aneurysm associated with accessory anterior cerebral artery: review of the literature and points of diagnosis". No shinkei geka, neurological surgery 42 (5): 461-6
↑ Perlmutter D., Rhoton Jr. A. L. (1978). "Microsurgical anatomy of the distal anterior cerebral artery". Journal of neurosurgery 49 (2): 204-28

Nexus interni

Nexus externi

De angiographia arteriarum cerebri. (Anglice)

stipula

Haec stipula ad medicinam spectat. Amplifica, si potes!

[His-1] His (1895). Die anatomische Nomenclatur. Nomina Anatomica. Der von der Anatomischen Gesellschaft auf ihrer IX. Versammlung in Basel angenommenen Namen. Lipsiae: Verlag von Veit & Comp.

[FCAT-2] Federative Committee on Anatomical Terminology (1998). Terminologia Anatomica. Stutgardiae: Thieme

[Kopsch-3] Kopsch, F. (1941). Die Nomina anatomica des Jahres 1895 (B.N.A.) nach der Buchstabenreihe geordnet und gegenübergestellt den Nomina anatomica des Jahres 1935 (I.N.A.) (editio 23). Lipsiae: Georg Thieme Verlag.

[4] Cilliers K., Page B. J. (2016). "Review of the Anatomy of the Distal Anterior Cerebral Artery and Its Anomalies". Turkish neurosurgery 26 (5): 653-61

[5] Maeda K., Tanaka S., et al. (Mai 2014). "Two cases of anterior cerebral artery aneurysm associated with accessory anterior cerebral artery: review of the literature and points of diagnosis". No shinkei geka, neurological surgery 42 (5): 461-6

[6] Perlmutter D., Rhoton Jr. A. L. (1978). "Microsurgical anatomy of the distal anterior cerebral artery". Journal of neurosurgery 49 (2): 204-28

[1]

[2]

[3]

[4]

[5]

[6]