Chicken tikka masala

Chicken tikka masala est ferculum stilo Indico compositum, sub genere caril enumeratum, quod Glasguae in urbe Scotiae a coquo Ali Ahmed Aslam anno 1971 inventum esse censetur. Ferculum admiratissimum artis coquinariae Britannicae acclamatum est. Nomen macaronicum e tribus linguis derivatur: vocabulo chicken Anglice "pullus" vel "pullina", masālā linguá Urdu tritura condimentorum, ṭikkā Paniabice ofellae carnis in iogurto condimentisque marinatae furnoque coctae significantur.

Caro pullina pectoralis in frustula dissecatur et tritura capsicorum viridium, coriandri viridis, allii, gingiberis marinatur; sal et iogurtum, deinde ius limoniorum cuminique coriandrique et papricae pulvis adduntur. Die insequenti pullina ita marinata, spiculis imponuntur et sub craticula coquuntur. Eodem tempore cepae concisae friguntur eisque cumini, quiyae, coriandri pulvis, sal, nucis indicae siccatae et foeni graeci siccato tritura, cramum adduntur et commoventur. Huic conditurae frustula pullina cocta immittuntur. Omne in patella compositum, modico cramo coriandroque viridi et tritura garam masala inspersis, infertur.

Bibliographia recensere

Gastronomia Sabaudiensis: Chicken tikka masala, oryza safrano tincta, panis nān, thea frigida Lipton, in popina Indian's Food urbis Annecii inlata

"'Chicken Tikka Masala' voted UK's most popular dish" in Poultry World (28 Iunii 2011)
Nadeem Badshah, "Ali Ahmed Aslam, inventor of chicken tikka masala, dies at 77" in The Guardian (21 Decembris 2022)
Robin Cook, "Robin Cook's chicken tikka masala speech" in The Guardian (19 Aprilis 2001)
Peter Grove, Colleen Grove, "Is It or Isn't It? (The Chicken Tikka Masala Story)" apud Menu Magazine
Dean Nelson, Jalees Andrabi, "Chicken tikka masala row grows as Indian chefs reprimand Scottish MPs over culinary origins" in Daily Telegraph (4 Augusti 2009) situs venalis

Nexus externi recensere

"The Legend That Is Mr Ali" et "Chicken Tikka Masala" apud popinam Glasguensem Shish Mahal