Lacus Baical

(Redirectum de Baikal)

Baical,[1] seu Baikal [2] (Russice Байкал, tr. Bajkal; Buriatice Байгал, tr. Bajgal) est lacus in parte meridionali Siberiae Orientalis, in re publica Buriatia et regione Ircutensi Russiae situs.

Lacus Baical

Area huius lacus est 31,5 milia km2. Longitudo est 636 km. Latitudo mediocris est 48 km, latitudo maxima est 79,4 km. Baical est profundissimum aquarium continentale in orbe terrarum. Eius profunditas mediocris est 730 m, profunditas maxima (in parte media) est 1680 m. Volumen aquae in hoc lacu est circa 23 milia km3. Baical circa 1/5 aquae dulcis superficialis mundi habet.

336 flumina in Baicalem fluunt (maxima illorum sunt Selenga et Bargusinus), sed solum Angara fluvius ex hoc lacu effluit (et se in Ieniseam effundit). Insulas habet non multas, notae sunt Olchon[3] et Leporum insulae[4].

Lacus Baical faunam et floram multimodas unicasque habet. In hoc lacu sunt circa 600 species plantarum et plus 1200 species animalium, quorum circa 80% solum ibi habitant.

NotaeRecensere

  1. Ioannes Georgius Gmelin, Flora Sibirica sive historia plantarum Sibiriae, tomus I., Petropoli, 1747, p. XII. (Textus apud Google Books) P.S. Pallas, Zoographia rosso-asiatica
  2. Atlas Russicus, p. 7
  3. Gmelin, p. XIII; gen. Olchonis.
  4. Ibidem, Заячьи vel nunc Ушканьи.

BibliographiaRecensere

Nexus externiRecensere

  Vicimedia Communia plura habent quae ad lacum Baicalem spectant.
  Situs geographici et historici: Locus: 53°18′10″N 108°0′17″E • OpenStreetMap • GeoNames  • Большая российская энциклопедия • Encyclopædia Britannica