Buriatia

Buriatia,^[1] vel pleniter Res Publica Buriatia (Russice Республика Бурятия, tr. Respublika Burjatija; Buriatice Буряад Улас, tr. Burjaad Ulas) est subiectum Foederationis Russicae, anno 1923 constitutum. Ex anno 2000 ad Districtum Foederalem Sibericum pertinebat et anno 2018 in Districum Foederalem Extremorientalem inclusum est.

Buriatia cum re publica Tuva, regione Ircutensi et territorio Transbaicalico Russiae atque cum Mongolia contermina est. Aream 351 334 chm² et circa 982 milia incolarum anno 2016 habuit. Plus quam undeviginti gentes eam incolunt, quarum plurimae sunt Russi (64,9%) et Buriati (29,5%).

Urbes

Urbs Buriatiae capitalis Udinium est. Aliae urbes Kiachta, Bargusinus, Selengia sunt.

Montes

Saiani montes, quorum iugum Alpes Tunkinenses sunt, rei publicae partem occupant. Iugum Baicalense et planities montana Baicalensis Borealis a regione Ircutensi rem publicam separant.

Hydrographia

Lacus Baicalis ripa orientalis et pars borealis ripae occidentalis in Buriatia sitae sunt. Flumina rei publicae maxima sunt:

— Selenga cum Uda et Dsida et Chiloco accolis, Angara Superior, Bargusinus (haec tria in Baicalem influunt),

— Ircutus et Occa Angarae confluvii,

— Witimus Lenae accola hic oritur.

Notae

↑ Norae Zabinkovae et Moysis Kirpicznikov Nomina physico-geographica principalia URSS s.v. Бурятия. Cf. "Species rarae lichenum Buriatiae" [1].

Nexus externi

Vicimedia Communia plura habent quae ad Buriatiam spectant.

Situs geographici et historici: Locus: 53°48′0″N 109°20′0″E • OpenStreetMap • GeoNames • Thesaurus Getty • Store norske Lexikon • Большая российская энциклопедия

Situs interretialis administrationis Buriatiae.

[1] Norae Zabinkovae et Moysis Kirpicznikov Nomina physico-geographica principalia URSS s.v. Бурятия. Cf. "Species rarae lichenum Buriatiae" [1].

[1]