Res Publica Tuva[1] (Tuvinice Тыва Республика, tr. Tyva Respublika; Russice Республика Тыва, tr. Respublika Tyva, seu Тува, tr. Tuva) est subiectum Foederationis Russicae, in Siberia situm, et ab anno 2000 in Districum Foederalem Sibericum Foederationis Russicae inclusum. Circa 316 milia incolarum (anno 2016) habet, quorum 82 % ad gentem Tuvinicam indigenam et circa 16 % ad gentem Russorum pertinent. Lingua Tuvinica et lingua Russica sunt linguae officiales. Caput et urbs maxima Tuvae est Kyzyl.

Wikidata Tuva
Res apud Vicidata repertae:
Tuva: insigne
Tuva: insigne
Tuva: vexillum
Tuva: vexillum
res publica
Civitas: Russia
Locus: 51°47′0″N 94°45′0″E
Nomen officiale: Тыва Республика, Республика Тува, Тувинская АССР, Тувинская автономная область
Situs interretialis

Fines

Procuratio superior: Russia
Territoria finitima: Altai, Chakassia, Territorium Crasnoiarense, Regio Ircutensis, Buriatia, Khövsgöl, Zavkhan Province, Uvs Province, Bayan-Ölgii Province

Forma

Area: 170 500 chiliometrum quadratum
Caput: Hierocaesarea

Gestio

Praefectus: Sholban Kara-ool

Vita

Incolae: 330 368
Sermo publicus: Russica, lingua Tuvinica
Zona horaria: Tempus Crasnoiarianum, Asia/Krasnoyarsk

Commemoratio

Paean: Tooruktug Dolgay Tangdym, Men – Tyva Men

Sigla

Siglum autoraedarum: 17

Tabula aut despectus

Tuva: situs
Tuva: situs

Geographia recensere

 
Tuva cum terris adiacentibus

Res publica Tuva, aream 168 604 km² habens, in parte meridiana Siberiae occidentalis in medio Asiae sita est, cum Mongolia (in meridie et meridie-oriente) atque subiectis Foederationis Russicae re publica Buriatia (in oriente), regione Ircutensi (in septentrio-oriente), territorio Crasnoiarensi (in septentrione), re publica Chakassia (in septentrio-occidente) et re publica Altai (in occidente) contermina. Kyzyl, Tuvae metropolis, "Centrum Asiae" declaratur.

Iuga montium Saianensium in septentrione orienteque, iuga montium Altaicorum autem in occidente Tuvae sita sunt.

 
Minor Ienisea Superior

In Tuva, iuxta fluxum inferiorem Ieniseae sita, plus quam 9 milia fluminum fluunt, quorum maxima sunt Maior Ienisea Superior (Ulug-chem), Kantegir, Chemtsik, Minor Ienisea Superior (Kaa-chem), Ienisea Superior (Bii-chem). Lacus magni rei publicae sunt Todzha Lacus sive Azas Lacus, Uvs Nuur, Kadush Lacus et Manu-Chol Lacus.

Historia recensere

Territorium Tuvae, quod olim ad varia regna antiqua pertinebat, anno 1758 adiunctum fuit ab Imperio Sinarum (Domus Qing), quo ad annum 1912 administrabatur. Anno 1914, rogatu ducum suorum, Tuva sub protectionem Imperii Russici accepta est. Medio anni 1921 rerum novarum cupidi Tuvae, a Re Publica Sovietica Foederativa Socialistica Russica sustineti, Tuvam in rem publicam sui iuris popularem transformaverunt. Anno 1944, post rogatum administrationis suae, Res Publica Popularis Tuvinica in RSFS Russicam Unionis Sovieticae ut regio autonoma accepta est, anno 1961 in rem publicam autonomam transformata.

Nota recensere

Nexus interni

Nexus externi recensere

  Situs geographici et historici: Locus: 51°47′0″N 94°45′0″E • OpenStreetMap • GeoNames • Thesaurus Getty • Store norske Lexikon • Treccani • Большая российская энциклопедия
  Vicimedia Communia plura habent quae ad Tuvam spectant (Tuva, Tyva).