Man of Aran

Man of Aran ('Vir Aranensis') est fictionalis pellicula documentaria Britannica a Roberto J. Flaherty moderata (1934), exemplum ethnofictionis de vita quotidiana in Insulis Aranis, ante occidentale Hiberniae litus sitis. Personas in rerum statu praemoderno habitantis depingit, quotidianam describens vitam sicut piscatus ex rupibus altis, patatae cultae ubi solum paene abest, et venatio magnorum Cetorhinorum maximorum ad oleum iecoris pro lucernis obtinendum. Nonnulli rerum status finguntur, sicut scaena ubi piscatores in mari per ventum repentinum paene amittuntur. Praeterea, depicti familiae homines re vera non cognati sunt, quia Flaherty eos inter insulanos pro eorum pulchritudine vel aliis qualitatibus photographicis elegit.

How the Myth was Made, documentarium a Georgio Stoney factum (1978), quod inter praecipuas DVD proprietates invenitur, dicit insulanos tempore cum pellicula fieretur selachimorpha hoc modo annos plus quam quinquaginta ante non venati sunt. Man of Aran ergo esse redintegrationem culturae ad extremas societatis hodiernae margines inventas, quamquam multum vitae priscae hic depictae ante decennium 194 relictum erat. Pellicula autem vehemens est, ob suum drama, admirabilem scaenarum terrestrium et maritimarum cinematographiam, et editionem concisam.

Pelliculae personae

Colman 'Tiger' King—A Man of Aran (Homo Aranensis)
Maggie Dirrane—His Wife (Eius Uxor)
Michael Dillane—Their Son (Eorum Filius)
Pat Mullen—Shark Hunter (Venator Selachimorphorum)
Patch 'Red Beard' Ruadh—Shark Hunter (Venator Selachimorphorum)
Patcheen Faherty—Shark Hunter (Venator Selachimorphorum)
Tommy O'Rourke—Shark Hunter (Venator Selachimorphorum)
'Big Patcheen' Conneely of the West—Canoeman (Nauta Cymbarum)
Stephen Dirrane—Canoeman (Nauta Cymbarum)
Pat McDonough—Canoeman (Nauta Cymbarum)

Nexus interni

Bibliographia

Mullen, Barbara. 1937. Life Is My Adventure. Londinii: Faber & Faber. [CDD 920.7]
Mullen, Pat. 1934, 1970. Man of Aran. Cantabrigiae Massachusettae: M.I.T. Press. Prima editio Londinii: Faber & Faber. [CDD 914.174]
Sabouraud, Frédéric. 2012. L'homme d'Aran de Robert Flaherty: mythe, île et cinéma. Crisnée Belgiae: Yellow Now. ISBN 9782873402952.

Nexus externi

De Man of Aran in Indice Interretiali Pellicularum (Anglice)

cine-stipula

Haec stipula ad cinematographiam vel ad televisionem spectat. Amplifica, si potes!