Camtschatca

Camtschatca seu Camtschatka (Russice Камчатка, tr. Kamčatka), seu phonetice nostris auribus melius Camsatca et Camptiadica, est paeninsula in Asia septentrionali et orientali, inter mare Ochotense ad occidentem et mare Beringianum oceanumque Pacificum ad orientem sita. In dicione Russiae est, in cuius territorio Camsatico includitur.

Camtschatca paeninsula.

Vide etiam paginam discretivam: Camtschatca (discretiva).

Tabula geographica partis extremae orientalis Siberiae et Tartariae necnon novae terrae Kamtschatkae atque insularum Iaponensium (ex atlante Ioannis Kirilov).

Geographia

Camtschatca, aream circa 270 milia chm² habens, secunda a maxima paeninsula Russica est. Maximum paeninsulae flumen etiam Camtschatca vocatur. Iugum Medium (Sredinnyj) paeninsulam dimidiat. Lacus Camtschatcsae maximi sunt lacus Pusarum, lacuna salsa prope ad ostium Camtschatcae sita, et lacus Kronokiensis sub monte eiusdem nominis.

Vulcanismus

In Camtschatca sunt plus centum et sexaginta vulcani, quorum sexaginta octo sunt activi. Mons Fontinalis altissimus est; prope quem et mons Innominatus stat; mons Avaczensis et mons Coraecicus in parte Camtschatcae meridiana prope portum Petri et Pauli siti sunt. In paeninsula Kronokiensi prope montem igniferum Kronokiensem et Vallis scauturiginum geyzerianarum, aquarum calidarum salientium abundans, sita est. Shivelucz est montium igniferorum Camtschatkae erumpentium maxime septentrionalis.

Nexus externi

Vicimedia Communia plura habent quae ad Camtschatcam paeninsulam spectant.

• Pagina de Camtschatca Encyclopaediae Russicae Magnae (Russice)
• Informatio generalis de Camtschatca (Russice)