Herbarius (pseudo-Apuleius)
Herbarius sive Herbarium sive De herbis est opus de medicamentis Latine scriptum saeculo IV vel V, falso Apuleio attributum (vide etiam Apuleius (scriptor pseudonymus)). In manuscripto veterrimo (Vossianus Latinus Q 9 e Bibliotheca Universitatis Lugduni Batavorum) titulum sic legimus: Herbarium Apulei Platonici traditum a Chirone centauro, magistro Achillis; in aliis manuscriptis additur et ab Aesculapio.
In hoc libro, per medium aevum usitatissimo et permultis manuscriptis illustratis servato, circa 130 herbae describuntur, cum facultatibus earum medicinalibus et cum glossis e variis linguis et traditionibus Imperii Romani haustis. Sequitur exemplum breve de Portulaca oleracea:
Herba portulaca.
Ad semen nimium profluentem: herba portulaca sumpta bene facit per se et cum oxigaro.
Ad stomachi arsuram: herbam portulacam cum aceto comede; mire facit.
A Graecis dicitur cappara, alii andrachne; profetae ema Areos; Daci lax; Itali portulaca, alii porcastrum, alii amarantos.– Pseudo-Apuleius, Herbarius 104
In nonnullis manuscriptis cum hoc opere alia quattuor servantur: Antonii Musae De herba vettonica liber; De taxone libellus anonymus; Sexti Placiti Liber medicinae ex animalibus; Liber medicinae ex herbis femininis Dioscoridi falso attributus. Quae collectio interdum sub titulo Medicina antiqua traditur.
Exstat versio extensa Herbarii in lingua Anglosaxonica, in quo includuntur textus libelli De herba vettonica ad initium et Liber medicinae ex herbis femininis in fine operis.
Index capitulorum
recensereHic habes indicem capitulorum sicut in editione Howald et Sigerist exscribuntur:
Notae
recensere- ↑ Fontes: De Vriend (1984) pp. 286-328; Pradel-Baquerre (2013) pp. 523-552
- ↑ Suzanne Amigües, "Des Plantes nommées moly" in Journal des savants (1995) no. 1 pp. 3-29
Bibliographia
recensere
- Editiones Latinae
- c. 1481 : Incipit Herbarium Apuleii Platonici ad Marcum Agrippam. [Romae] Textus
- 1543: Apuleius Platonicus De viribus herbarum ad veterum exemplarium fidem magna diligentia excusus. Parisiis: apud Petrum Drouart (Textus apud Google Books) (Textus apud Google Books)
- 1788 : Ioannes Christianus Gottlieb Ackermann, ed., Parabilium medicamentorum scriptores antiqui. Norimbergae: Monath (Textus apud Google Books)
- 1927 : Ernestus Howald, Henricus E. Sigerist, edd., Antonii Musae De herba vettonica liber; Pseudoapulei Herbarius; Anonymi de taxone liber; Sexti Placiti liber medicinae ex animalibus etc. Leipzig: Teubner, 1927. (Corpus medicorum latinorum, 4) Textus
- Editiones fac-simile
- R. T. Gunther, ed., The Herbal of Apuleius Barbarus, from the early twelfth-century manuscript formerly in the Abbey of Bury St Edmunds (MS Bodley 130). Oxoniae: Roxburghe Club, 1925
- F. W. T. Hunger, ed., The Herbal of Pseudo-Apuleius, from the ninth-century manuscript in the abbey of Monte Cassino (Codex Casinensis 97) together with the first printed edition of Joh. Philippus de Lignamine (editio princeps, Romae 1481) both in facsimile, described and annotated. Lugduni Batavorum: Brill, 1935
- Hans Zotter, ed., Antike Medizin. Die medizinische Sammelhandschrift Cod. Vindobonensis 93 in lateinischer und deutscher Sprache. 2a ed. Graecii: Akademische Druck- und Verlagsanstalt, 1986 (= Interpretationes ad codices, 2). ISBN 3-201-01308-0
- Versiones
- Kai Brodersen, interpr., Apuleius, Heilkräuterbuch = Herbarius. Wiesbaden: Marix, 2015. ISBN 978-3-7374-0999-5 (Latine, Theodisce)
- H. J. De Vriend, ed., The Old English Herbarium and Medicina de quadrupedibus. Londinii: Oxford University Press, 1984. (Early English Text Society, original series, 286)
- Mylène Pradel-Baquerre, Ps.-Apulée, ”Herbier”, introduction, traduction et commentaire. [Dissertatio universitatis Montispessulanensis, 2013.] Textus
- Eruditio
- Hermann Köbert, De Pseudo-Apulei herbarum medicaminibus (Bayreuth: L. Ellwanger, 1888. Kgl. bayerische Studienanstalt in Bayreuth: Programm am Schlusse des Jahres 1887/1888) Textus
Nexus interni
Nexus externi
recensere
|
Vicimedia Communia plura habent quae ad Herbarium spectant. |