Flaviviridae

Riboviria

Familia : Flaviviridae 

   

Subdivisiones: Genera

*Hepacivirus

• Flavivirus
• Pegivirus
• Pestivirus

Flaviviridae sunt familia virorum, quibus homines et alia mammalia ut hostes naturales prosunt. Flaviviridae maximam partem extenduntur per vectores inter arthropoda, plerumque culicidas et ixodida. Familia ex febri flava appellatur, morbo a viro typico Flaviviridarum effecto. Febris flava vicissim appellatur, quia morbum regium in aegris efficere solet. Sunt in familia plus quam centum species, in quattuor genera digestae. Inter morbos notissimos cum hac familia consociatos sunt hepatitis (hepacivira); syndromae haemorrhagicae, abortus, et morbus mucosus fatalis (pestivira); ac febris haemorrhagica et encephalitis (flavivira).

Taxinomia

• Genus Flavivirus (typus generis viri febris flavae); alia sunt virus Nili Occidentalis, febris dengue, et virus Zikanum); genus comprehendit sexaginta septem agnota hominum animaliumque vira
• Genus Hepacivirus (typus generis Hepatitis C virus; genus comprehendit GB virus B)
• Genus Pegivirus; comprehendit GB virus A, GB virus C, et GB virus D
• Genus Pestivirus (typus generis diarrhoea viri bovini; inter alia sunt febris suidarum classicum, "cholera porcorum"); genus comprehendit vira, quae mammalia non humana afficiunt.

Genoma

Flaviviridis sunt genomata RNA monopartita, linearia, singulis polaritatis positivae filis, a 9.6 ad 12.3 chiliobases longa. Flaviviridarum 5'-termini methylatum nucleotidorum tegimen ferunt, cum alia huius familiae vira tegimino carent et internum situm aditialem ribosomatum habent.

Structura viriontum

Particulae virales involvuntur geometriis icosahedralibus et sphaericis, circa 40–60 nanometra per diametrum.

Genus	Structura	Symmetria	Capsidum	Ordinatio genomica	Segmentatio genomica
Hepacivirus	Quasi icosahedrale	Pseudo T=3	Involutum	Lineare	Monopartitum
Flavivirus	Quasi icosahedrale	Pseudo T=3	Involutum	Lineare	Monopartitum
Pegivirus	Qusai icosahedrale	Pseudo T=3	Involutum	Lineare	Monopartitum
Pestivirus	Quasi icosahedrale	Pseudo T=3	Involutum	Lineare	Monopartitum

Momentum clinicum

Inter maiores morbos a Flaviviridis effectos sunt:

• Encephalitis Iaponica
• Encephalitis ab ixodidis allata
• Encephalitis Nili Occidentalis
• Encephalitis Sancti Ludovici
• Encephalitis Vallis Murrayanae
• Febris dengue
• Febris flava
• Febris Zikana
• Hepatitis C
• Morbus Silvae Kyasanuranae

Bibliographia

• Paula, T., Pablo R., Eugenia V., Pablo B., Sabino P., et José M. 2009. New drug targets for hepatitis C and other Flaviviridae viruses. Infect. Disord. Drug Targets 9(2):133–147. PMID 19275702. doi:10.2174/187152609787847749.

Nexus externi

• "Flaviviridae," www.ncbi.nlm.nih.gov (NCBI Taxonomy Browser)
• "Flaviviridae," viralzone.expasy.org (Viralzone)
• "'Flaviviridae," www.viprbrc.org (Virus Pathogen Resource, ViPR)
• "Flaviviridae Genomes," www.vbrc.org (Viral Bioinformatics Resource Center)
• De taxinomia virorum, ictvonline.org (International Committee on Taxonomy of Viruses)