Danapris[1], vulgo Dnipro (Ucrainice Дніпро), urbs est in Ucraina, ad flumen eiusdem nominis sita, metropolis regionis Dnepropetrovskensis. Circa 977 milia incolarum habens, quarta maxima urbs Ucrainae et valens sedes industriae, scientiae et culturae huius terrae est.

Wikidata Danapris (urbs)
Res apud Vicidata repertae:
Danapris (urbs): insigne
Danapris (urbs): insigne
Civitas: Ucraina
Locus: 48°28′3″N 35°2′24″E
Numerus incolarum: 968 502
Zona horaria: UTC+2, UTC+3
Situs interretialis
Nomen officiale: Дніпро, Днепр, Dniepr, Днипро, Дніпро

Gestio

Praefectus: Borys Filatov
Procuratio superior: Dnipro Raion

Geographia

Superficies: 405 chiliometrum quadratum
Regiones urbanae: Chechelivskyi District, Shevchenkivskyi Raion, Samarskyi District, Novokodatskyi Raion, Industrialnyi District, Amur-Nyzhnodniprovskyi District, Tsentralnyi District, Sobornyi District
Territoria finitima: Dnipro Raion

Coniunctiones urbium

Urbes gemellae: Vilna, Taskentum, Herzlia, Ploiești, Siganum, Lexingtonia, Solna, Thessalonica, Szolnok, Zugdidi, Lublinum

Tabula aut despectus

Danapris (urbs): situs
Danapris (urbs): situs

Historia recensere

Urbs, anno 1776 in Imperio Russico decreto imperatricis Catharinae II loco nonnullorum oppidorum Cosacorum Zaporoviensium ut metropolis Novae Russiae condita, initio Catharinoslavia (Russice Екатеринослав, Ucrainice Катеринослав) nominabatur. Annis ab 1796 ad 1802, cum gubernii Novae Russiae (Rossiae) sedes fuit, Novorossijsk (Russice Новороссийск, Ucrainice Новоросійськ) appellabatur, postquam denuo nomen suum priscum obtinuit, metropolis gubernii Catharinoslaviensis facta. Ad saeculum vicesimum non solum sedes administrativa, sed etiam valens locus industriae facta est. Anno 1926, Ucraina res publica Unionis Sovieticae facta, haec urbs Dnipropetrovs'k (Ucrainice Дніпропетровськ) vel Dnepropetrovsk (Russice Днепропетровск) vocari incepit, secundum flumen Danaprim (vulgo Dnipro seu Dnepr) et bolsevicum Gregorium Petrovs'kyj (Petrovskij). Ab anno 1932, una maximarum sedium industriae Ucrainae Sovieticae, sedes administrativa regionis Dnepropetrovskensis (Dnipropetvskensis) est. Ab anno 2016, secundum legem novam Ucrainicam, regimina communisticum et nazisticum aeque damnantem (idcirco, inter alia, mentionem nominum ducum communisticorum in appellationibus locorum habitatorum prohibentem), urbs nomen suum hodiernum recepit, quod cum nomine fluminis Danapris coincidit. (Nomen regionis tamen hoc tempore non mutatum est.)

Notae recensere

  1. Vel Kudacum, vel Metropolis (J. G. Th. Graesse, Orbis Latinus, Brunopoli 1972, vol. II, p. 331).
    Saepe Catharinoslavia de nomine priore vel etiam Catharinoclēa, — Alexii Scatebrani Initia eloquentiae Latinae (Солопов А.И. Начала латинской стилистики. М., 2008), p. 468.

Nexus externi recensere

  Situs geographici et historici: Locus: 48°28′3″N 35°2′24″E • GeoNames • Store norske Lexikon • Treccani • Большая российская энциклопедия
  Vicimedia Communia plura habent quae ad urbem Danaprim spectant.
  • Situs interretialis Concilii urbis Danapris (Ucrainice)