Bolsevici

Bolsevici (Russice большевики, tr. bol'ševiki; in nominativo singulari большевик, tr. bol'ševik) fuere initio participes cursus politici, seu fractionis, Russicae Social-Democraticae Operariae Factionis (Russice Российская социал-демократическая рабочая партия), et dein (a mense Aprili anni 1917) socii factionis sui iuris, quae verbum "bolsevicorum" in nomine suo ad annum 1952 tenuit.

Notio ipse creata est anno 1903, in conventu secundo RSDOF, postquam sectatores Vladimiri Lenin in suffragio ad ductum factionis illius votorum maioritas (Russice: большинство, tr. bol'šinstvo), inde et nomen Bolsevicorum, acceperunt. Adversarii autem illorum, qui minoritas (Russice: меньшинство, tr. men'šinstvo) fuere, idcirco Mensevici (Russice: меньшевики, tr. men'ševiki) appellati sunt.

Fons

• Новый иллюстрированный энциклопедический словарь / Ред. кол.: В.И. Бородулин, А.П. Горкин, А.А. Гусев, Н.М. Ланда и др. – М.: Большая Российская энциклопедия, 2001. – ISBN 5-85270-259-5 (Russice)

Nexus interni

• Factio Communistica Unionis Sovieticae
• Res novae Octobres