Civitas insularis
Civitas insularis est civitas cuius praecipua terra in una vel pluribus insulis vel partibus insularum consistit. Anno 2011, quadraginta septem (circa 25%[1]) ex 193 civitatibus sodalibus Consociationis Nationum sunt civitates insulares.
Ratio civitatum insularium democraticarum ratione civitatum continentalium maior est. Instabilitas autem politica civitatibus insularibus usu plerumque venire solet plus quam civitatibus continentalibus.[1]
Civitates insulares saepe sunt res victoriae maritimae et aemulationis inter civitates.[2] Eae a magnis civitatibus continentalibus facilius oppugnantur ob eorum magnitudinem et fiduciam in maritimis et aerialibus communicationis viis.[3] Multae civitates insulares a militibus mercenariis at aliis hostibus externis vulnerari possunt,[4] quamquam ob earum longinquitatem scopos difficilis fieri possunt. Potentissimae autem orbis terrarum civitates, sicut Britanniarum Regnum, classem evolverunt ut suum usum defendant et adiuvent, qua re eae aliquando potestates maritimae appellantur.
Multae civitates insulares piscibus pro cibo praecipue confidunt,[5] sed nuper petere coeperunt nonnullae energiam renovabilem, sicut vis electrica venti, vis electrica aquae, vis electrica geothermalis, et biodiesel ex oleum coprae ut cariori oleo resistant.[6]
Perturbantur nonnullae civitates insulares plus quam aliae civitates a commutatione climatis, quae difficultates sicut imminutus terrae usus, paucitas aquae, et aliquando tantum res migrationis generat. Nonnullae civitates insulares humiles a crescentibus Oceani Pacifici gradibus sensim submerguntur.[7] Commutatio climatis civitates insulares adficit per calamitates naturales, inter quas typhones marini, huracana, inundationes, et siccitates.[8] Anno 2011, Sedes Legum Commutationis Climatis conloquium habuit cui 272 homines perscripti ex triginta novem civitatibus insularibus infuerunt, conloquium Res Legitimae Civitatum Insularium in Periculum Adductarum appellatum.[9]
Multae civitates insulares rebus quae importantur praecipue confidunt et ergo ab oeconomicis orbis terrarum commutationibus magnopere tanguntur.[10] Oeconomiae civitatum insularium plerumque sunt minores et vulnerari a pretio navium, environmentale? infrastructurae detrimento, et longinquitate ab aliis oeconomiis aptiores quam oeconomiae maiorum civitatum continentalium, Iaponia, Australia, et Britanniarum Regno exceptis.[11][12] Regnans in multis civitatibus insularibus industria est periegesis.[13]
Compositio
recensere
Civitates insulares usitate sunt parvae, paucis incolis praeditae.[14] Nonnullae ex una vel duabus insulis maioribus pendent, inter quas Britanniarum Regnum, Trinitas et Tabacum, Nova Zelandia, et Singapura. Aliae, inter quas Philippinae, Indonesia, Seychelles, et Insulae Maldivae, centies vel milia insularum minorum complectuntur. Nonnullae civitates insulares suas insulas cum aliis civitatibus partiuntur; inter quas Britanniarum Regnum cum Hibernia, Haitia cum Republica Dominicana, et Indonesia, quae insulas cum Papua Nova Guinea, Bruneio, Timoria Orientali, et Malaesia partitur.
Respublica Australiana a geographis aestimatur continentalis massa terrestrialis, non insula, quae maximam continentis Australiani massam terrestrem tegit; olim autem putabatur civitas insularis periegesis causa,[15] et sic iam a nonnullis saepe habetur.[16]
Vide editam
recensereNotae
recensere
- ↑ 1.0 1.1 Ott, Dana (2000). Small is Democratic. Routledge. pp. 128. ISBN 0-8153-3910-0.
- ↑ Chasle, Raymond (1 Octobris 1986). "The quest for identity". UNESCO Courier.
- ↑ Perry, Walt L.; Robert W. Button, Jerome Bracken, Thomas Sullivan, Rand Corporation, United States Navy, Jonathan Mitchell (2002). Measures of Effectiveness for the Information-age Navy. Rand Corporation. pp. 7. ISBN 0-8330-3139-2.
- ↑ Wren, Christopher S. (9 Decembris 1989). "Mercenary Holding Island Nation Seeks Deal". New York Times.
- ↑ "Ottawa: Report Issues Warning about Future of Coral Fisheries". Radio Canada International. 21 Aprilis 2007.
- ↑ Xingwei, Huang (17 Octobris 2008). "Pacific Islands countries switch to renewable energy source due to increasing fuel prices".
- ↑ "Leader of disappearing island nation says climate change an issue of survival, not economics". 5 Iunii 2008.
- ↑ "FAO: Climate change threatens food security of Pacific island countries". 2 Decembris 2008.
- ↑ Threatened Island Nations Conference, www.earth.columbia.edu (The Earth Institute, Columbia University); situs accessus 21 Augusti 2013.
- ↑ "Global economic crisis a concern for Pacific island countries". 28 Octobris 2008
- ↑ "WTO/FORSEC Trade Policy Course for Pacific island countries". 9 Martii 2001.
- ↑ "NZ calls for global solutions to problems faced by small island nations". 18 Ianuarii 2005.
- ↑ "China grants Pacific countries approved tourist destination status.". Access My Library. 10 Augusti 2004.
- ↑ "Wen pledges new aid to Pacific countries". International Herald Tribune. 5 Aprilis 2006.
- ↑ "Australian Naval Defence". The Brisbane Courier. 24 Iulii 1897.
- ↑ "China, Pacific island countries discuss cooperation at forum meeting".