Troilus and Cressida

Troilus and Cressida est tragoedia Gulielmi Shakesperii. Scripta est anno fere 1602, fortasse anno 1603 docta, in quarto anno 1609 (editionibus duabus inter se differentibus) edita, et in editione in folio (titulo Mr. William Shakespeares Comedies, Histories & Tragedies) anno 1623 complexa.

Argumentum

Troilus, princeps Troianus, Priami filius minimus natu, amore Cressidae, Calchae filiae, captus est. Bellum circa saevit. Pandarus, Cressidae patruus,^[1] fratris sui filiae Troilum inducit. Cressida primum sibi cavet sed post noctem amoris fidelitatem aeternam sibi invicem vovent. Postero autem die Cressida pro captivo Troiano Graecis traditur. Cum ad Graecorum castra pervenit, milites praeter Ulixem ordine facto eam osculando consalutare volunt, sed solus Diomedes amorem ludens blanditiis Cressidam in obsequium adducit. Troilo, cum castra Graecorum adit Cressidam, quomodo valeat, visurus, oculis contingunt Cressida et Diomedes amore ludentes. Quare Troilus perfidiam Cressidae ulcisci constituit.

Praecipua pars argumenti circum Agamemnonem et Priamum duces copiarum Graecarum et Troianarum versatur. Agamemnon enim Achilli viro superbo, ut resumpta pugna Hectori occurrat, persuadere temptat. Et Hector litteris ad Graecos missis declarat se paratum esse singulari certamine cum milite Graeco dimicare. Primum Aiax, qui cum Hectore pugnet, eligitur. Sed pace cum Hectore facta pugnare nequit. Tandem Achilles, cum Patroclus amicus ab Hectore ante moenia Troiae occiditur, animo mutato ad pugnam incitatur. Captum Hectorem Myrmidonibus occidendum tradit.

Notae

↑ Wallner 1969: 45.

Bibliographia

Gregory, Johann: "Shakespeare’s Troilus and Cressida: Visualising Expectations as a Matter of Taste" in Pierre Kapitaniak, Christophe Hauserman, Dominique Goy-Blanquet, edd., Shakespeare et les arts de la table: Actes du congrès organisé par la Société Française Shakespeare les 17, 18 et 19 mars 2011 (OpenEdition Journals, 2012 ~)
Wallner, Eva-Maria (1969) A Comparison of Pandarus in Troilus and Criseyde with Pandaro in Filostrato. Thesis magistrae artium, Universitas McGill.

Troilus and Cressida : Index personarum

	Gulielmus Shakesperius
Priamus, rex Troiae · Hector, Troilus, Paris, Deiphobus et Helenus, Priami filii · Margarelon, Priami filius nothus · Aeneas et Antenos, duces Troiani · Calchas', sacerdos Troianus · Pandarus, Cressidae patruus · Agamemnon, dux Graecorum · Menelaus, Agamemnonis frater · Achilles, Ajax, Ulysses, Nestor, Diomedes et Patroclus, principes Graeci · Thersites, Achillis sectator · Alexander, Cressidae famulus · Troili famulus · Paridis famulus · Diomedis famulus · Mymidones, Achillis milites Helena, Menelai uxor · Andromache, Hectoris uxor · Cassandra, Priami filia, fatidica · Cressida, Calchae filia Graeci Troianique milites, ministri

Ludi scaenici Gulielmi Shakesperii

	Signatura Shakesperii
A Midsummer Night's Dream · All's Well That Ends Well · Antony and Cleopatra · As You Like It · Coriolanus · Cymbeline · Hamlet · Henry IV part I · Henry IV part II · Henry V · Henry VI part I · Henry VI part II · Henry VI part III · Henry VIII · Julius Caesar · King John · King Lear · Love's Labour's Lost · Macbeth · Measure for Measure · Much Ado About Nothing · Othello · Pericles Prince of Tyre · Richard II · Richard III · Romeo and Juliet · The Comedy of Errors · The Merchant of Venice · The Merry Wives of Windsor · The Taming of the Shrew · The Tempest · The Two Gentlemen of Verona · The Winter's Tale · Timon of Athens · Titus Andronicus · Troilus and Cressida · Twelfth Night Auctore incerto vel auctoribus pluribus: King Edward III · Sir Thomas More · The Two Noble Kinsmen Capsae cognatae: Scriptores scaenici Renascentiae Anglici

[1] Wallner 1969: 45.

[1]