Vicipaedia:De nominibus propriis

Opes et commendationes

Ecce regula Vicipaediana consensu instituta, cui quemque oportet obtemperare atque oboedire.
Quam si vis repudiare, noli textum mutare, nisi prius illic ceterorum assensum eris adeptus.

Llegiu aquesta pàgina en Català Diese Seite auf Deutsch lesen Read this page in English Leer esta página en español Basahin ito sa Tagalog

Error: Interpretatio compendii abest.

*Iohannes Cash*, non *Johnny Cash* neque *Iohannes Pecunia*.

Nomina Latine data

Si plus cognoscere vis, vide etiam Vicipaedia:Fontes nominum Latinorum.

Multae res hodiernae nomina Latina scientifica seu rite adoptata habent, e.g.

dioeceses Catholicae
tituli Catholici
planetae, asteroides, satellites, constellationes
res topographicae planetarum et satellitum
aeva geologica
species aliaque taxa biologica
res anatomicae
morbi
universitates multae sed non omnes
instituti eruditi nonnulli

Oportet talia nomina "officialia" aut accipere in titulis nostris, aut in textu citare.

Nomina hominum

Vide etiam Nomina hominum notorum Latina

Si nomen Latinum iam habet sive ex partu sive in usu communi vel proprio, eo utere; e.g., Cicero, Confucius, Benedictus XVI, Carolus Linnaeus.
Si nomen Latinum adhuc in usu communi non est, praenomina vertantur (siquidem verti possunt), nomina gentilicia autem non sunt vertenda; e.c., Georgius Bush (Georgius W. Bush), Iohannes Howard, Iohannes Ronaldus Reuel Tolkien.

Nomina geographica

Vide etiam Vicipaedia:Fontes nominum locorum

Si nomen Latinum seu a Romanis seu a recentioribus accepit, utere eo; e.c. Mare Internum, Chorea Gigantum, Londinium, Minneapolis.
Si nomen Latinum nondum exstat usitatum, ne vertatur, eis tamen exceptis quae in sermone suo vulgari constant e verbis cottidianis atque intelligibilibus. Ita, Pocatello (indecl.), Turris Eiffel, Nova Caesarea. Nomina composita autem numquam vertenda sunt nisi forte lingua Latina eandem compositionem iam cognoscit.
Nomina oppidorum etc. ad honorem sanctorum appellatorum, sicut
San Francisco,
San Diego,
Saint George,
Sankt Anton,
Sankt Moritz,
Sankt Vigil,
Santa Maria,
Santa Fé
etc.
Secundum nomenclatorem ^[1] et secundum haec ^[2]^[3], si fons Latinus non reperiri potest, sic vertantur:
Fanum (seu urbs) Sancti Francisci,
Fanum (seu urbs) Sancti Didaci,
Fanum (seu urbs) Sancti Georgii,
Fanum (seu urbs) Sancti Antonii,
Fanum (seu urbs) Sancti Mauritii,
Fanum Sancti Vigilii,
Fanum Sanctae Mariae.
Si oppido est nomen alii oppidi (e.g.: Paris Texiae fortasse post Paris Franciae appellata), oppido non damus nomen Latinum ex alio oppido (e.g.: [[Paris (Texia)|]] neque <s>[[Lutetia (Texia)|]]</s>), nisi oppido iam est in fonte externo idem nomen Latinum (hoc casu fons citandus est).
Si oppido ceteroque loco est nomen quod includit nomen illius rei (e.g.: Baltimore City (est urbs), Candy Mountain (est mons)), nomen eius rei solum vertendum est -- et nomina erunt in ordine linguae nativae (e.g. Baltimore Urbs, Candy Mons), nisi iam fuit nomen Latinum in fonte externo (ubi fons addendus est). Si autem loco est nomen quod includit nomen alterius rei (e.g.: College Park (non est saeptum, sed urbs), Silver Spring (non est fons, sed urbs), Rising Sun (non est sol, sed oppidum)), re non erit nomen Latinum. Nota autem bene: si oppido est nomen magnificans ut Delaware City, Delavaria, quod est oppidum parvum, certe non urbs, aut nomen parvificans ut Lexington, Kentuckia, quae est urbs, certe non oppidum, bonum est transferre nomen in Latinum: Delaware Urbs, Lexintonia.
Quod ad Biologiam, Botanicam, Nomina Dioecesium et Zoologicam attinet, multis nominibus formae adiectivales (saepe in -ensis exientes) accedunt. Quas pone ante verbum quod locum designat. Exempli gratia
Malhamensis Vicus (pro Malham, vicus)
Tristanenses Insulae (pro Tristan da Cunha, collectio insularum)
Ebebiyinense oppidum (pro Ebebiyín, oppidum)

Societates

Horch et Audi

Societates mercatoriae, religiosae, etc. non vertuntur, nisi nomen Latinum iam exstat aut si alii sermones eadem versione utuntur. Ita, Apple Inc., Colgate-Palmolive, Mitsubishi, Societas Crucis Rubrae. Si potes, adde versionem ad verbum factam inque parenthesi positam post primam rei mentionem: Mitsubishi (Iaponice: Tres Rhombi)
Marca mercatoria non vertenda sunt. Quorum etiam, si potes, adde versionem in parenthesi.
Nomina institutionum culturalium (scholarum, academiarum, museorum, societatum eruditarum etc.) vertenda sunt si verti possunt. N.B.: saepe nomina Latina officialia iam habent; talia nomina officialia praeferimus.

Libri et arte facta

Si nomen Latinum exstat, utere eo; si ab appellatione originali differt, adde fontem nominis Latini.
Si opus alia lingua vel aliis linguis editum est et adhuc non Latinam in linguam versum, utere inscriptione vulgari. (Da versionem ad verbum factam post mentionem primam si potes.)
Si operi non est aliquid verbale praeter nomen (ut in sculptura, vel musica instrumentali), verte nomen vulgare vel usitatum si potes, et adde nomen originale post mentionem primam.

Acronyma

Si acronymum Latinum iam exstat, utere eo.
Si acronymum suo iuris et omnium sermonum commune est, utere eo. Ita, NASA, UNICEF.
Si res aliter se habet, melius est nomine pleno uti quam versionem conari. Si autem plena verba molesta videntur, nexum ad rem suam ducentem aut expansionem acronymi adhibe cum prima mentione: "SIDA" aut "syndrome immunitatis defectus acquisiti (SIDA)".

Translitteratio seu Romanizatio

Si nomen originem trahat de lingua, quae non litteris Latinis scribitur, translitterationem secundum ISO adhibemus adque normam redigimus, ut fastigiis atque littera J careat. Ita, Victor Iuscenco; Usama bin Ladin; Hirohito, etc.
Nomina Graeca sunt translitteranda more Romanorum. Ita, Dio Chrysostomus.
Si versio nominis gentilis Graeci imprimisque recentioris iam exstat litteris Latinis scripta, utere ea. Et memento nomina gentilia solum translitteranda esse, non reddenda.

Vide etiam

Notae

[1] [1]

[2] [2]

[3] Lexicon manuale, geographiam antiquam et mediam cum Lat. tum Germ. illustrans Von Johann Wilhelm Müller

[1]

[2]

[3]