Simon V de Monteforti

Simon V Montisfortis seu de Monteforti (natus circa 1170; mortuus Tolosae die 25 Iunii 1218), filius maior natu Simonis IV de Monteforti et Amiciae (filiae Roberti comitis Leicestriae), fuit dominus Montis Fortis et Comes de Rocha, patre mortuo, anno 1188; Comes Leicestriae, avunculo mortuo, ab anno 1204. Anno 1209 factus est dux exercituum Crucis signatorum qui expeditionem sacram in Albigenses iussu Innocentii Papae III fecerant. In successione dominorum Montisfortis fuit quintus huius nominis,^[1] et in successione comitum Leicestrensium quintus. Appellatione comitis Montisfortis seu de Monteforti in fontibus aequalibus saepe dignatur.

Particeps fuit ab initio quartae expeditionis sacrae, sed ab obsidione Zarae se recusavit.

E victoriis super "haereticos et inimicos ecclesiae Christi" atque ab anno 1215 cum confirmatione papae, feodos et terras quas Raimundus VI hucusque tenuerat Simon a parte Philippi Franciae regis recepit, itaque fit dux Narbonensis, comes Tolosae (1215-1218), vicecomes Biterrensis, Carcassonae et Albiae (1213-1218). Die 10 Aprilis 1216, Meloduni ratione horum feudorum homagium ligium domino suo reddit.^[2] Mense Iunio anni 1218, dum Tolosam obsedit, interfectus est.

Amalricus patris successor in Francia (mortuus 1241)
Guido (interfectus 1220)
Petronella
Amicia (mortua 1253)
Laura
Simon VI de Monteforti qui ab anno 1231 comitatum Leicestriae terrasque in Anglia, aviae hereditates, suscepit (interfectus 1265)

Fontes vitae Simonis de Monteforti

↑ Quidam e confusione Simonis III (avi huius) et Simonis IV (patris) numerum falso quartum attribuunt. Confer Vicipaediam Francogallicam.
↑ Claude de Vic et Vaissète, Histoire générale de Languedoc vol. 5 (Tolosae: Paya, 1847) p. 598 [1] (Latine) apud Gallica.

Simon de Montfort in The Catholic Encyclopedia: an international work of reference (Novi Eboraci: Appleton, 1907–1914) (Anglice)
Pauli, Reinhold. 1876. Simon de Montfort, Earl of Leicester, the creator of the House of Commons. Londinii, Trübner. Praecipue pp. 22-30. Textus apud archive.org.
Prothero, G. W. 1977. The Life of Simon de Montfort, Earl of Leicester, with special reference to the parliamentary history of his time. Londinii: Longmans, Green. Praecipue pp. 31-58. Textus apud archive.org.

Lexica biographica: Gran Enciclopèdia Catalana • Den store danske • Deutsche Biographie • Store norske leksikon •

Vicimedia Communia plura habent quae ad Simonem V de Monteforti spectant (Simon IV. of Montfort, Simon IV of Montfort).

"Simon de Montfort" e Medieval Lands (situs a Carolo Cawley elaboratus apud FMG)
Homagium Simonis de Monteforti regi Franciae oblatum apud Quercy.net

Antecessor: Simon IV de Monteforti	dominus de Monteforti 1188 - 1218	Successor: Amalricus IV
Antecessor: Raimundus Rogerius Trencavelli	vicecomes Albiae et Biterrensis 1209 - 1218
Antecessor: Raimundus VI	comes Tolosae, dux Narbonensis 1215 - 1218
Antecessor: Robertus de Bretolio	V comes Leicestriae 1204 - 1218	Successor: Simon VI de Monteforti