Quadrigae
Quadrigae (-arum, postea etiam quadriga, -ae)[1] in antiquitate erat currus raedae quattuor equis iunctus. Hoc verbum ex quadriiugae contractum est. Cursus quadrigarum ludis circensibus fiebant[2]. Et magni dei quadrigis vehebantur in primis Iuppiter et Sol/Apollo vel etiam Neptunus. Itaque saepe quadrigae sculptae in fastigio templorum vel arcuum triumphalium ponebantur. Imperatores Romani quoque triumphantes in quadrigis saepe sculpebantur[3].
In fabulis mythologicis quadrigae ab Atheniensi rege Erechteo inventae dicuntur[4].
Nummus Romanus argenteus Iove quadrigis vecto signatus quadrigatus appellatus est.
Notae recensere
- ↑ Singularis numerus non ante Saturas Varronis invenitur. Quamquam Caesar libro primo de Analogia negaverat hoc verbum singularem formam pati posse : de quo vide Aulum Gellium XIX,8.
- ↑ Tertullianus De Spectaculis IX,3-5.
- ↑ Prudentius, Contra Symmachum II, 556-557..
- ↑ Vergilius, Georgica III,113-114 cum Servii commentario. Tertullianus de Spectaculis V etc.
 |