Planities elevata Sibiriae Mediae
Planities elevata Sibiriae Mediae[1] est planities elevata maxima, in media parte Siberiae in territorio Crasnoiarensi, Iacutia et regione Ircutensi sita. In meridie a Saianis orientalibus definita est, in oriente a valle Ieniseae fluminis, in occidente a valle Lenae fliminis, in septentrione a demissione Sibirica Boreali. Planities elata Putorana est planitiei elevatae Sibiriae Mediae pars altissima, a tofis calcareis composita, ubi et Lapis mons[2] 1700 metra altitudinis habet. In parte occidentali, Ieniseae propinqua, altitudo media circa 900 metra est. Taiga cum laricibus vel pinibus maiorem partem planitiei occupat. In parte septentrionali tundra iacet. Olenecus, Bachta, Tungusca Inferior per planitiem elevatam Sibiriae Mediae fluunt.
Pars planitiei austroorientalis planities elata Leno-Angarensis nuncupatur, pars orientalis planities elata Viluica est.
Notae
recensere- ↑ Norae Zabinkovae et Moysis Kirpicznikov Nomina physico-geographica principalia URSS s.v. Среднесибирское плоскогорье. Iacutice Орто Сибиир хаптал хайалаах сирэ.
- ↑ Vel Kamen, Russice Гора Камень".
Nexus externi
recensere
|
Situs geographici et historici: Locus: 68°0′0″N 95°0′0″E, 66°0′0″N 106°0′0″E • GeoNames • Большая российская энциклопедия |